حسبي الله ونعم الوكيل ((بنات ساعدوني ))

[((noor ))]

السلام عليكم
اليوم قالتلي بنت خالتي على مشكلة الصراحة عورت قلبي واهي قالتلي ابي حل وانا الصراحة مالقيت حل فقلت اكيد خواتي الليهم انتو اكيد بتساعدوني ​

ان اهي وايد متعاونة بالشغل وعطائها كبير ويأثر علي بيتها وفلوسها ومن النادر جدا انها تقعد في دوامها لانها دايما تعطي نفسها اشغال فوق المطلوب المهم ما اطول عليكم مديرتها بالشغل شافتها قاعدة مع رفيجتها وتسوولف بغرفة الانتظار وراحت المديرة حق قسمها اللي فيه شغل بس بنت خالتي مخلصة شغلها وعندها شغله عند مسؤول ثاني بالشغل بعدين رفيجاتها نادووها واكتشفت ان المديرة رايحه حق قسمها وبعدين بنت خالتي راحت القسم وقالتلها المديرة ليش رايحه و مخلية شغلج وفشلتها قدام رفيجتها بنت خالتي وايد واثقة من نفسها لكن هالسالفة اثرت فيها مو علشان شي بس لانها وايد مخلصة في شغلها فما توقعت ان الناس تدور وراها شتسوي مع هذي المديرة اللي يوم تضحك معاها جنها رفيجتها ويوم ثاني نفس ما قتلكم مع العلم ان بنت خالتي لما كانت تسولف مع وحدة ماكلمو هذي الوحدة شمعنى اهي محتارة ​

بنات امانة والله كاسره خاطري بنت خالتي داقة علي تبجي والله حسيت قلبي تقطع وامانة بنات لا تبخلون بالردود ​

سوري غرقت وايد ​

 

[عادت ذكرياتي]

أب


أب

الله يعينها بس خليها تصبر

 

[Angel_store]

اب اب اب

 

[بنات حواء2]

عادي ياما ياما بتشوف هذي التربيه حبيبتي
لا تصير حساسه خطوف و لاتعبر و المفروض انها ترد عليها في نفس الوقت و تبرر موقفها

 

[PuPa^^SWeeT]

عاادي


تعطييهم طااف

دان انه شغلها خالص وماعليها شي


بسسس تحقرهم افضل

 

[جيتك تعال]

مسااكم عسل

قولي لبنت خالتك .... خل تشغل نفسها بس بشغلها

الي ينص عليه وصف وظيفتها بس مو اكثر

وهذا الي هي مسؤوله عنه تجاه ربهااا

وخل تنتبه انه مافي صدااقة بالدواام

الي في الدواام زماالة وبس مو اكثر

يعني لا تقوول رفيجتي وصديقتي الي في الدواام ...

عشاان لما يحوشهاا طشاار منهم ما تتأثر نفسيتها

لانهم ببساطة زميلات عمل لا صديقاات ولا شي

 

[ترف بابا]

الله يعينها

فعلا المديرة اذا كان مزاجها متقلب يحتار الواحد معاها !!!

 

[((noor ))]

مشكورين بنات على الردود

 

[*^ *الليليم]

خليها تشتغل بس شغلهاااااااا

لا تاخذ زياده ...

انا اشوووف رئيسه القسم .... نبي و نبي و نبي !!! بحكم انه مدرستنا جوده

بس كل المدرسات معطينها طاااف معنه ما عندهم شغل و 2 مو متزوجين ما عندهم شي بس كلش محد يبي احد يتكل عليه .. ابو الطاف !!!!!
وانا وحده خدومه مو متعوده احقر ،، بس اضغط ع نفسي و اسوي روحي مااسمع و لا اتعذر

يعني كافي علينه شغل الطالبات و امتحانات و الرصد و النسب >> بعد نيي ودو حق التوجية و الدورة الفلانيه و المعرض الفلانية يبيله شغل و سووو و حطوووو ..

قطيييييييييييييييييييييييعه << لا تلموووووووووني محتره من طلباتهم اللي ما تخلص

 

[برنسيسة2007]

ماكلمو هذي الوحده>>يمكن ماعندها شغله عند مسؤول ثاني نفس بنت خالتج
بعدين اذا كانت تحاتي ان تعبها رايح خساره لأ مستحيل
ترا مو شرط ان المديره اذا كشرت خلاص مافي امتياز وموقف واحد مايوقف الحياة
يبا عادي هذي التربيه بتشوف اكثر واكثر
فهميها
من ناحية شغلها:ماراح تاخذ الناظره هذا الموقف في الحسبان وتنسى باقي اشغالها السلبيه

من ناحية احرجتها عند رفيجاتها:بايدها تبين العكس تبتسم وتضحك وتبين انه ما اثر فيها
الناس ماعليهم الا من الظاهر

من ناحية ان الناظره مره تضحك ومره تكشر:بشر لازم متقلبه حالها حال اي انسان


بس لازم تدير بالها من اللي حولها الحريم مالهم امان ولافيه رفيجه
انسييييييييي نهائيا الا اذا وحده تخاف الله اما سوالف ان انا ما قصرت معاها مستحيل تضرني لا حبيبتي مالهم امان

ويمكن ان لما الناظره تكلمت عليج وماتكلمت على الوحده اللي معاج انه:
في وحده داقه بظهرج
او
قد يكون عشان اهي شافتج لما كنتي نسولفين وماشافتها


والله يوفقج