حسبي الله عليهم ..مانزلوا الكادر مثل ما وعدونا شهر 9

[فري كويت]

:eh_s(14):قوه بنات

للأسف يا بنات أمس دقيت على الديوان استفسر عن الكادر إذا بينزل شهر 9
تخيلو ما كو كادر بس منزلين المعاش صافي
حسبي الله عليكم يا التربيه

صارلي 10 سنين خدمه وللحين معاشي 729 بس!!! تخيلو يا بنات

 

[ضاقت علي دنياي]

ان شآء الله ينزل الشهر الجآي ،،

والله مو بس التربيه حتى الصحه >> متعقده منهآ ههههههه..

لآ كوآدر ولآ شيء يفتح النفس ..

بس الحمدلله على كل حآل ..

بس كآدر شنوو بالضبط وضحي حبيبتي علشآن اسآل لج عنه ؟

 

[بنوته86]

حبوبة انتي شنو شهادتج
دبلوم ول جامعيه ؟؟؟؟
واذا دبلوم وصارلج 10 سنين حراااااااااام 700 دينار حييل اشوية

 

[ام فوااز]

حررام والله
الكادر ماراح ينزل لا هالشهر ولا شهر 10

 

[أحلى~من~الورد]

حررام والله
الكادر ماراح ينزل لا هالشهر ولا شهر 10

زين متى اذا حتى مو الشهر الجاي​

؟؟؟:bbbiu:

 

[ام فوااز]

زين متى اذا حتى مو الشهر الجاي​

؟؟؟:bbbiu:

احلى من الورد شوفي اختنا ماقصرت فادتنا وايد بمعلوماتها ,,انا اقتبسته كانت حاطته في الصفحة الاخيرة من تجمع المشرفات​

التربوية انا اقتبسته مثل ماهو​

مساء الخير ...
انا من يومين بالصدفه قاعده اقرا إلي كاتبينا الباحثات الاجتماعيات والنفسيات (( الاخصائيات سابقا ))
وبما ان مشرفات التقنيات والباحثات وشئون الطلبه بقرار واحد ...
راح اعيدلكم إلي قلته لهم ... وان شاء الله يفيدكم ...

السلام عليكم ...
اسمحولي اشاركم ...
انا موظفه في قسم صرف هذي البدلات بوزاره التربيه ...
كادركم للحين ماشتغلنا فيه ... لان دازين استفسارات حق الديوان من شهر ( 7 ) وللحين ماردو علينا ...
وللعلم الاستفسارات كلها من صالحكم ... والصرف باثر رجعي من 1-4-2010 ... بس ناطرين الرد ...
ماكو شي راح يتزل براتب 9 ...
واي استفسار انا حاضره ...

يابنات ... والله العظيم في زياده لكم ..
بس مو تحت مسمى (( كادر )) اسمها مكافأه تشجيعيه لوظائف الخدمات التربويه ...
وزيادتكم ما شاء الله واااااااااااااااااااايد حلوه ... وإلي احنا طلبنا من الديوان لكم :-
1- استحقاقكم للزياده الماليه التي اقرت للكويتيين في 1-7-2005 قيمتها 50 دك وانتو ماصرفتوها
2- الموظفين إلي على الدرجه الاولي و ب وأ ،،، لهم المفروض بدل تمثيل وانتو بعد هم ماصرفتوها
*بدل التمثيل الدرجه الاولى القيمه (58.500 دك ) والدرجه ب ( 66.000 ) والدرجه أ ( 75.000 دك )
كل هذا انتو تستحقونا ... لان بقرار الزياده مالكم اليديد في فقزه تقول ( يلغى القرارين السابقين وهم 2003/8 و 2003/9 )
وبما يلغى القرارين بالتالي يلغى كل شروطه ... ومن شروطه كانت انكم ماتستحقون البدلات الي قلتها فوق ...
بس ما صرفنا حق احد شهر 9



السلام عليكم ...
اختي فوفه 82 ...
احنا دازين الكتاب من 15-7-2010 للديوان لليوم ماردو علينا ...
والمراجعين إلي خذو نسخه من الكتاب وراجعو هناك ... الاخ الوافد إلي بيدا مصير كوادر الكويتيين بالديوان يتفلسف عليهم وقول
الاستفسارات وايد ويبيلها مو اقل من 3 الي 5 شهور عشان نرد علي التربيه ... يبيله احد ينفشا شوي ...
بس شنو نقول ،،، الشق عووووووووووووووووووووود ...
حبيبتي Loora ...
انتو اساسا مانصرفت لكم الزياده مالت 2005 ( 50 دك ) يعني ما في اي خصم من 125 الي اقروها لكم الحين ...
وإلي احنا سألنا عنها الديوان واذا وافق عليها ( غصبن عليه ان شاء الله ) راح تكون الزياده على الدرجه الرابعه 125 + 50 ...
وهل المكافاه إلي كانت تنصرف لكم قبل على الرابعه 55 دك تضاف الى الزياده اليديده او لأ ؟؟
وفي حال وافق الاخ الوافد الي ماسك الكتاب تكون زيادتكم ... 55 + 125 + 50 ... وعليج الحساب ...
انا قاعدة اونسكم لان المفروض هذا الي يصير ...
بس لان كتاب الديوان عايم علي بعضه ومو واضح .. دزينا كذا استفسار لهم​

 

[غلا الأيام]

اب اب

 

[حالية الشفة]

حسبي الله و نعم والوكيل
الوافد صار باييده مصير الكويتييين؟؟؟؟؟؟؟؟
الله كريم

 

[sunshine22]

رد : حسبي الله عليهم ..مانزلوا الكادر مثل ما وعدونا شهر 9

انتي شنو شغلتج اختي

 

[عيش و مرق]

الشره مو على الوافد


الشرهه على الكويتين الى ساكتين حق هالاشكال ,,,,,,,,

 

[نو-من؟]

ابشرج نزلوا الكادر حق ناس وناس اختي داقه عالديوان اليوم شؤون الطلبه نازلها الكادرمئه وسكرتيره عندي بالمدرسه نازله بس للبعض ياحرتي

 

[sunshine22]

رد : حسبي الله عليهم ..مانزلوا الكادر مثل ما وعدونا شهر 9

88

حبيبتي شئون طلبه وسكرتاريه ما نزلهم شي

 

[evileta]

رد : حسبي الله عليهم ..مانزلوا الكادر مثل ما وعدونا شهر 9

اختيsunshine22 ...
انا باداره الموارد البشريه بالوزاره ...
نو - من ؟
للعلم انا واعوذ بالله من كلمه انا ،،،
اولا : قرارات الصرف تطلع من عندي ومحد صرف لا شئون طلبه ولا غيرهم...
ثانيا : الزياده ما تشمل السكرتاريه لان مايعتبرون من الوظائف التربويه عندهم بس 15دك بدل شاشه ...
ثالثا : احتمال اختج عندها ترقيه ونازلها بشهر 9 لانها استلمت رواتب العطله مسبقا ...
رابعا : انا موجوده وحاضره سأليني افيدج بإذن الله ،، ليش الاشاعات...
خامسا : الزيادات إلي انزلت من 1-4-2010 للمهندسين والدبلوم تخصص بنوك وتامين بسسسسسسسسسسسسسسس

 

[نبض السعاده]

رد : حسبي الله عليهم ..مانزلوا الكادر مثل ما وعدونا شهر 9

بنات انا ترقيتي شهر 11

الظاهر الكادر وصل

زاد معاشي 300 عن الراتب الاساسي

شنو يعني

 

[جوووونم]

وااااااااااااي يا حسرة ما صارت على هالكادر ذلونا ذل فيه