حسبي الله عليهم ذلوني

[noufb]

السلام عليكم


بناات عفيه ساعدوني

عقب سنه ونص طلع اسمي بالديوان حق وزارة التخطيط رحت اامقابله او وافقو علي ويوم درو اني حامل قالوو ﻷ تعالي عقب الولاده قلتلهم انا محتاجه هالوظيفه وانا توني حامل شهرين قالو الحوامل بهذلونا وهذا قرار يديد قلتلهم ماتببن تنطرين روحي رفضي وردي الديوان قلتلهم مابي ارفض قالو كيفج نطري قلتلهم مو مشكله انطر بس وظيفتي بتكون موجوده قالو مو اكيد يمكن يكون عندنا اكتفاء الحين شنوو اسويي انا كرهت الوزاره واهيا بعيده عن بيتنا يصير الحين اييبلي كتاب ترشيح من وزارة الشؤوون ولا لازم ارفض اول لانه عمي كلم الوكيل مال الشؤون قبل لايرشحوني حق وزارة التخطيط قاله اذا صار رقمها 1 اعطيك كتاب شرايكم

 

[ghalyah91]

صح قرار يديد ما يصير تتوظفين بالوزاره وانتي حامل

الحل انج ترفضين.. لما ترفظين يطلع اسمج بسرعه عقبها لا تحاتين.. ظلي رفضي كل مرة يطلع اسمج لين تولدين بالسلامه ان شاءالله قبلي

الله يتمم عليج حملج ويسهل ولادتج وييسر امورج يارب

بالتوفيق

 

[noufb]

اخاف ارفض وانطر بعد سنه

 

[بنت الكويت العسل]

الله يعينج

 

[أميرة 22]

ليش شفيها لو حامل حرام عندهم ؟!!!!!!!


الحمدلله والشكر وشلون عرفوا انج حامل ؟

 

[PuPa^^SWeeT]

انتي جذي ولا جذي جداامج تقريبا 9 اشهر مابين حمل و ولادة وتربية طفل


وماراح تقدرين تتركينه الا اذا كمل 6 اشهر اقل شي



ادري محتاجة الوظيفة مثلنا



بس ساعات ربنا يقسم لنا شي مانبييه بس يكون اهو الخير و الصح والصلاح لنا

 

[noufb]

بنات الحين انا محتاره ارفضهم وانطر ينزل اسمي مره ثانيه ولا انطر اليوم رحت الديوان قالولي قرار يديد بكل مكان مانوظف حوامل

 

[نونا**]

شحقى قلتي انج حامل كل الحوامل مايقولون انهم حوامل والا جان ماتوظفوا!

 

[noufb]

يبين بالفحص وقالولي هذا قرار يديد بكل الوزارات

 

[بنت الكويت العسل]

لمن بتسوي فحص يسئلونها انتي حامل لانه الفحص فيه اشعه اشفيكم بنات
ولاتنسون الحمل والولاده بتتوظف وبتتعب ماتقدر اصلا وحم ووظيفهةيديده يبيلها تحوس لين تتعلم وفوقها بتاخذ مرضيات وغيره دورولي حامل ماتتعب من روحة الدوام مستحيل احنا عندنا اجازات وضع وولاده وصاير ضغط علينا بالقسم لانه اغلبهم حوامل ومرضعات ويربون يعني صعبه ترا اللي عايش الحال يشوف الوضع صعب تاخذين اشغال وايد لانه زميلاتج اغلبهم وضع وغيابات متكرره والمعاملات تتجمع الله يعين الجميع ويعينج اختي بس ماحطوا هالقانون الا من اللي صار بالدوامات فالخير يخص والشر يعم

 

[ماكواسم2]

من عمر الدنيا الحامل ما تتوظف .............. مو قرار جديد

 

[noufb]

والله حبيبتي من عمر والحوامل يتوظفون لي الشهر السابع ومو مشكله ننطر لي الولاده بس الله يرضى يخلونه ننطر بعدين يقولون مو اكيد يمكن يرد اسمج الديوان يكون عندنا اكتفااء واحنا ننطر عالفاضي

 

[ghalyah91]

لا صدقيني انا طلع اسمي شهر ٨ ورفظت رد طلع شهر ١١ رديت رفظت رد طلع بالدفعه الي طافت وهم رفضت

لا تحاتين لما ترفظين خلاص كل دفعه عقبها يطلع اسمج

 

[noufb]

شورج وهداية الله بروح ارفض لاني كشيت منهم

 

[أم فـرح الحلوه]

حبيبتي انتي وحظج في ناس بكل دفعه ينزل ويرفضونًوفي ناس تمر سنه ونص ما نزل والله يوفقج

 

[ghalyah91]

شنو تخصصج حبيبتي؟

 

[noran89]

تنطرين حسب نسبتج . اذا زينة بيطلع اسمج كل شوية . اذا وايد نازلة بتنطرين وايد

 

[noufb]

تخصصي اداره دبلوم

انا جيد راح ارفض والله كريم

 

[noran89]

سئلي اذا يصير ما ترفضين بس في نفس الوقت ما تكملين اوراقج الا بعد الولادة ؟
لأن طالما يقولولج رفضي معناها محتاجينك تكونين موافقة على الرفض و معناها انهم ما يقدرون يمنعونج تظلين عندهم

 

["العهد"]

علقي الموضوع لاترفضين مو اهم قالو لج انطري "واذا جت حزة الحزه روحي لهم وجم كلمه طيبه للوكيل واذا الله كاتب لج رزق بتاخذينه ..الله يسهل عليج امورج ويوفقج