حسبي الله عليها مو خدامه ذيبه قاعده في بيتي!!

[Hello_kitty]

اي والله حسبي الله عليهم سبعة تحاسيب هالخدم مو اوادم حشاكم جلاب لابسين ثياب@@


الكلام قوي بس هذا مو كلامي هذا الكلام اللي يعور قلبي ودايما اسمع مثله

لاحظت ان هالقسم بالذات صارت مو بعض الا اغلب مواضيعه تتكلم عن الخدم وبطريقه دايما سلبيه..

يعني كل ذم وانتقاد وشك وخوف وتحقير بهالمسكينه اللي هاده بيتها واعيالها وديرتها تطحن في بيتج ليل ونهار علشان لقمتها



*اذا يوم راحت عليها نومه وتاخرت عن موعدها او بالغلط لمحتها المعزبه تتثاوب<<اي هذي كله جذي تتثاوب رباديه تنبل ما تحب الشغل


*اذا يوم بالغلط مسكينه انكسر منها قلاص ولا صحن وتلقينه عتيج مقطوط بالمطبخ من سنين ما شافته المعزبه الى يوم انكسر<<لا ما يصير لازم نخصم من معاشها قيمه اللي انكسر نبي هذا القلاص بالذات اهو اللي كل يوم نشرب فيه ما عندنا اصلا غيره@@



*اذا يوم مسكينه قالت تبي تطلع عندها شغله تشتريهااو تبي تزور وحده من اهلها<<<لا ماكو طلعه هذا بيت مال احنا ماما سجن مركزي حبس انفرادي مؤبد بعد_03BA:



*واذا بعد ما مسحت هالصاله وخلتها تلق لق يا عبووووووود بالجوتي اللي يقطر رمل وطين:ada:<<<اي عادي اشفيها خل تنظف الصاله مره ثانيه وثالثه ورابعه بعد شوارها ما عندها شي يا حليله عبود حرج اسم الله عليه:eh_s(4):



*واذا اعيالنا شاقين القاع وقايلين مباع احنا امهاتهم ما نتحملهم واهم طايحين في هالمسكينه زف وتتفل وسب ومرات يمدون ايدنهم عليها واحنا نتطمش:23_asmilies-com:<<<<< ويه اشدعوه عاد شصاير يهال بتحط حالها حالهم خل تكبر عقلها الحمدلله والشكر



*واذا سارونه فديت قلبها تبي تتسبح بالبحر ولا حمام السباحه<<<<يا الله لوسي روحي طبي بالبحر مع سارونه مالنا شغل مريضه عليها الدوره تعبانه المره اهم شي سارونه البطه تستانس تتطابش بالبحر سلم قلبها:lkmnkl:



*واذا حمودي اسم الله عليه يبي يلعب بالزحلاقيه ولا الدوارف ملزومه ميري تروح تلعب معاه وتتزحلق حتى النطاطيه بعد
تنط فيها مع حمودي<<<<<كلش عاد ولا حمودي عشان ما يطيح حبيب امه بروحها صايره دبه خل تضعف شوي:denya:




*ويا ويلها يا سواد ليلها اذا لمحتها يوم تاكل كاكاو ولا شغله اشتهتها من الثلاجه<<<<آفه آفه اللهم يا كافي خلصت اكل اعيالنا
وعليه على فطووووم بنتي ضعفت خلصت اثاريها تاكل اكلها:001:



*واذا من التعب فقيره نست الأوتي وحرقت قميص المدام شوي<<<<مسكينه راحت من جيس اهلها بعد التهزيء والزف اللي ما يرحم ينحذ القميص بويههاوقيمته بخصمها من معاشج(مادري شبقى بالمعاش) هذا اصلا اغلى قميص بالكبت عندي



*واذا فقدت دينارين في البيت على طول اكيد ميري اهي اللي بايقتهم ماكو غيرها عمى بعينها وسيده بدون رحمه تفتيش وينبشون اغراضها ويهددونها بيعلمون المخفر واخر شي تلقى هالدينارين حاطته بصندوق السياره<<<<اي ويه عاد انه كل جذي احط الشي وانسى وين حطيته


*والطامه الكبرى اذا مرت من صوب المعزب فتى الأحلام محطم قلوب العذارى<<<<<يا ك الموت يا تارك الصلاة تقوم الدنيا وما تقعد

خلاص الله يرحمها الخدامه في خبر كان:tongue22:



هذي بعض الأمثله في تعاملنا مع الخدم اكيد ماره عليكم اذا مو في بيتكم في بيوت ناس تعرفونها بالأمانه قبل ما نحاسب الخدم

ونشتكي ليل ونهار واحنا نحجي فيهم والله بيدخلون الجنه من كثر ما نتكلم فيهم المفروض
المفروض نحاسب نفسنا اول ونخاف الله بتعاملنا معاهم وعلشان جذي حبيت نساعد بعض ونحاول كثر ما نقدر ان نعاملهم بطيب ورحمه انسانيه علشان اذا ارتاحوا عندنا احنا بنرتاح منهم ومعاهم بعد

وعلشان جذي ودي اقولكم عن خلطتي السريه في تعاملي مع الخدم واللي الحمدلله ما شالله بفضل من الله توفقه ولقين مردود طيب الكل يحسدني عليه واذا شفت تفاعل راح
اقولكم بس ابي اعرف اكمل ولا لأ؟؟؟

 

[cuddle]

صح لسانج والله اكيد تكملين انشاءالله

 

[om_dodo]

رفع

رفع

 

[عيالي غناتي]

والله صاجه تلقينها عندها شهاده ومتعلمه بس حدتها الدنيا تشتغل عندنا


تاركه اهلها وعيالها وراها وتربي بعيالناااا صج شي يعور القلب

 

[Hello_kitty]

مشكووووورين البنات اللي ردوا ورفعوا الموضووووووع بس وين الباجي؟؟

المشاهدات وايد اكثر من الردووووووود انه حبيت افيدكم واستفيد معاكم وعلمكم على طريقتي واللي نجحت فيها وايد بتعاملي مع الخدم

بس بصراحه ما تشجعووووووووون

 

[زود الغلا]

لالالالالالالالالالالالالا حبيبتي احنا معاك على الخط كملي ............. بس والله العظيم انا مو كذي انا مدلعتهم اخر دلع وما انساهم كلش عشان اخاف الله فيهم و عيالي بعد اخاف عليهم .والله بعضهم يبين بعينهم وبعض ماكو فايدة .

 

[إنسانه وأكثر]

شووووووووفي كل كلامج صح

بس سالفة انها بتزور اهلها ولابتشوف واحد من جماعتهم هالشي لاتطريه جدامي ابدااااا تبي تشوفهم ايون جدامي بالبيت وانا فوق روسهم ياسلام هذا اللي ناقص جم وحده بوحده حملت والسبه هالثقه الزايده يطلع لا اهو ولد عمها ولااهو من طوايفهم ويطلع البوي فرند يلهووووي

والحمدلله انا ماشيه بطريقة ارحم ترحم اذا زاد الشي عن حده اكييييييييد لازم نقرصها بس مو مد ايد وسب وغلط هم هذي روح حرام الله سبحانه بيسألنا عنها باجر

عموما حبوبه ناطرين التكمله وان شاءالله منكم نستفييييد

 

[اروى77]

كملي حبيبتي شنهي خلطتك السريه

 

[غلاي غير]

والله يشهد على كلامي
دلع دلع مو طبيعي وكل شي اجيبلهم واخرتها انكروا الي باقتني والي زنطت ولدي وزورق بقى يموت والي تدلع وتبي الرجال شرايكم
مع هذا لما اكون موجوده احلى خدم وحنان لهم مصيبه خلاص ما امن لهم

مع هذا لو تذبحيني ما اطقهم

 

[Hello_kitty]

ولو ان الردود ما تشجع بس بكمل علشان خاطر عيون الحلوين اللي ردوووووا

بسم الله توكلنا على الله يا الله نبتدي وقبل كل شي بقولكم ان اللي بكتبه اجتهادات شخصيه مني يمكن توافقوني في نقاط وتعارضوني ما كو مشكله حتى لو تستفدين من نقطه وحده في الموضوع هذا يكفيني



1-اول ما تفكرين تطلبين خدامه لا تنسين صلاة الإستخاره وادعي ان ربي يفتح بصيرتج ويسخرلج الخدامه الطيبه النظيفه اللي ما تتعبين معاه واحاول اختار وادقق بالمواصفات كثر ما اقدرواول ما توصل رددي(اللهم اني اسالك خيرها وخير ما جبلت اليه واعوذ بك من شرها وشر ما جبلت عليه)


2- (حسن الظن مع اخذ الحذر والمراقبه) مهما تسمعين من جرائم الخدم ومشاكلهم وبلاويهم اقولج حرصي على حسن الظن في تعاملج
مع الخدامه وتذكري ان مو شرط اذا كانت خدامة اهلج او اختج او رفيجتج مو زينه ان خدامتج بعد مو زينه اكيد لأ.. ولا تصدقين السالفه من طرف واحد ساعات مع احترامي للجميع تكون
تكون المعزبه تشكي وحالتها حاله من الخدامه واهي السنعه واهي المثاليه واهي اللي ماكو اطيب منها والخدامه مأذيتها وملعوزتها وتلقين الواقع عكس تماما.



3-التعامل مع الخادمه برحمه وانسانيه وتعاطف لاننسى اهم شي انها انسانه حالها حالنا بالضبط ما تفرق عنا بشي اللهم ظروفها الصعيه اللي خلتها تهد بيتها واعيالها وديرتها وتعيش عندج تحت رحمتج علشان 40 و50 دينار وتذكروا دايما حيث الرسول صلى الله عليه وسلم ارحموا من في الأرض يرحمكم من في السماء وتذكري ان اذا رحمنا هالإنسانه الله ينظرلنا بعين رحمته واذا تجاوزنا عن بعض هفواتها الله سبحانه وتعالى قاعد يتجاوز كل يوم عن عشرات عشرات من الأغلاط نرتكبها والذنوب اللي نسويها



4-ما فيها شي يكون معاها تلفون بس بشرط بدون كاميرا ولا تعطي رقمها الا حق اهلها علشان تتصل وتكلمهم ويكلمونها اهي بعد انسانه عندها مشاعر تشتاق لأهلها لأطفالها تبي تكلمهم يمكن تستحي تكلمهم من تلفون البيت او تستحي تاخذ راحتها جدامج


5-اذا غلط احد من اليهال عليها سواء سبها طقها اهانها نادي الطفل وكلميه وهاوشيه وعاقبيه جدامها وعلميه ان هذي انسانه اكبر منه ولازم يتعلم احترام الكبار وخليه يروح يعتذر منها او اييبلها هديه حتى لو بسيط كاكاوه ورده منها تعلمين طفلج الإحترام والأدب مع الاخرين ومنها تحفظين كرامه هالإنسانه و تاخذين حرتهاعلشان ما تقولين بعدين ما تحب ولدي وتطقه وووو لأنج انتي من الأساس ما خذيتلها حقها



6-معاشها تاخذه كامل كل بدايه شهر وما ننقص منه شي مهما كانت الظروووووف وتذكري انها تصرف على عايله واطفال ينطرون هالفلوس يعيشون فيها وهذا ما يمنع ان نزيدها او نكافأها اذاعملت شغل اضافي وصار عليها ضغط وتعبت بزياده



7-لازم فتره الليل تكون فتره راحه تامه لها يعني ما نزعجها او نحاول نقعددها لأي سبب ولا نخلي الياهل ابد عندها هذي الفتره لها من حقها ترتاح تنام تكرمون تدخل الحمام تسوي اللي تبيه كافي من الصبح واهي تكرف



يتبــــــــــــــــــــــــــــــــــــــــــــــــــــــــــــــــــــــع

 

[رفرف]

صح السانج وأأيدج بكل كلمة ..

وعندي قاعده انا اعاملهم عدل علشان ارضي ضميري .. اللي بتصير زينه حق نفسها .. اللي بتتعنفق غيرها بدالها خربت على روحها ماعاملها بنفس الاسلوب ولا من النوع اللي اعطيهم على راسهم ومع هذا ماقولج خدمي زينين لا والله يتعنفقون بس ع الاقل انا انام مرتاحة ما ظلمت احد الحمدلله

 

[Hello_kitty]

8- اذا بنتقد او نعلق على شي يكون هالشي بيني وبينها موجدام اهلي او صديقاتي اناديها
ليش الأكل ماصخ جذي؟؟انتي اشفيج ما تفهمين انه شنو قلت؟؟انتي ليش نسيتي جم مره اعيد انه
وغيرها وغيرها من هالكلام اي انتقاد يكون بادب وبينج وبينها وحطي نفسج مكانها لو مسؤلتج تخيلي تكلمج وتوجهج جدام الناس شيصير فيج ما تضايقين وتحترين وتبجين بعد عامليها مثل ما تحبين يعاملونج



9-اذا اتقنت طبخه او رتبت المكان بطريقه مميزه او سوت اي شي يعجبج مدحيها وشجعيها واذا غلطت وجهيهها وكلميها بادب وحطي في بالج انها مو عبده ولا رقيق عندج ديربالج تطقينها او تمدين ايدج عليها ما عجبتج الباب يوسع جمل بس ديربالج تطقينها وتاخذين اثم عظيم فيها



10-ترى الخدامه بشر تحتاج بين فتره وفتره انها تروح عن نفسها مايمنع ناخذها معانا في بعض الطلعات او انييبلها فلم سواء هندي او فلبيني على حسب جنسيتها تشوفه او مجله بلغتها تقراها وتستمع فيها ما يمنع او نعطيها يوم راحه بين فتره والثانيه يكون ما فيه شغل.



11-استشعري دائما ان الله عطانا نعم كثيره وفي انسانه معانا محرومه منها يعني نراعي معاي
مشاعرها شوي يعني الأكل اللي الله ما كثره بالكويت كلش ما احاسب بالأكل واخليهم ياكلون اللي يشتهون واذا سويت ريجيم اقولها تطبخ الي تشتهيه وياكلوون اذا راحت الجمعيه معاي بعد اخليها تاخذ الأكل اللي تشتهيه او اتنقصلها و اذا شريت حق اعيالي اشتريلها لو شغله بسيطه كرت تلفون..اهدوم لها او حق اعيالها اذا بطلع اهدوم او اغراض عندي صدقه قبل لا اقطهم اناديها واخليها تاخذ اي شي بخاطرها فيها او تحتاجه شوفيها اشلون تفرح بهالأغراض اللي احنا ملينا منهم وما نبيهم الله يرحم الحال


12-اسولف واضحك معاها بحدود ما تتجاوزها علشان ما تطيح الميانه وايد يعني اسالها عن اهلها عن اخبار ديرتها اعلق على شغلله صارت واحاول كثر ما اقدر ما اخلي الخدامه في البيت بروحها علشان ما تمل اذا ما عندها شغل وعلشان ما تكون لها فرصه تصرف غلط اوديها بيت اهلي او اخذها معاي


13-معاملتي مع ريلي لازم تكون سر من الأسرار اللي ما تدري عنه يعني ما تشوف او تلاحظ او تسمع اي شي بيني وبين ريلي اذا انه معاه بالصاله مستحيل تمر او تدخل الصاله الا اذا ناديتها ابي شي منها وتروح ومستحيل اخليه يمسك ايدني او يدلعني او اي شي بين المتزوجين جدامها ولا البس شي وايد اوفر ومشخلع جدامها علشان ما يفز قلبها..وريلي مالها شغل فيها ولا له شغل فيها اي شي زوجي يبيه يطلبه مني واذا اهي تبي اي شي تكلمني انه وبس
وما اخلي ريلي معاها بالبيت بروحهم لو شنو كانت الظروف ما اصير وايد ساذجه واخلي النار يم البانزين لابد من الحذر لأن الشيطان شااااااااااااطر




14-في الأعياد والمناسبات حالها حالنا تلبس يديد وكشخه وتاخذ عيادي ونطلعها معانا نخليها تحس بالفرحه معانا واذا اهي مسيحيه ما فيها مشكله تحتفل مع الخدم اللي عندنا بعيدهم هذي ديانتهم وعيدهم لازم نحترمهم



15_التمس حاجاتها من نفسي ما انطرها تتكلم لأن في بعضهم يستحون مثل ادري ان اغراضهم كثرت والكبت ما يكفي اشتريلهم خزانه صغيره زايد او كبت اكبر علشان اهي بعد تحتاج ترتب اهدومها ..اذا شفتها تعبانه ولا مصخنه من نفسي اخليها ترتاح او اوديها الطبيب..شفت الجو صار بارد مثل هالأيام اشتريلها كنبل ثقيل او دفايه او جاكيته ولا ننسى ان اهم مثلنا مرات نفسيتهم تكون مو زود او مزاجهم مو رايق ما عليه اطنش واخليها على راحتها او ادري ان احد من اهلها تعبان او عندهم مشكله في بلدهم اخفف عنها ما اثقل عليها بالطلبات ومن هالسوالف الصغيره بس والله اجرها عند الله كبير وتاثيرها على نفسيه الخادمه بعد كبير.

ادري اني طولت بالموضووووووع وذكرت تفاصيل دقيقه لكن والله يشهد على كلامي حبيت كثر ما نقدر نستفيد او نذكر اشياء يمكن نكون ناسينها

واذا استفدتوا من اي كلمه بالموضوع ابي منكم تدعون حق بناتي بالصحه والعافيه وان ربي يفرحني فيهم ويعني على تربيتهم

 

[ام نجـــلاء]

مشكورة فديتج والله يعطيج العاافيه

والله يوفق بناتج ويرزقهم الصحه والعافيه وتفرحيييين فيهم

 

[قطورتي]

جزاج الله خير

والله يكثر من امثالج

ارحم ترحم

 

[ام دودو المزيونه]

فعلا في ناس يعاملون الخدامه كأنها عبده لهم
وفي ناس انقرصت منهم فعلشان جذي تخاف منها وتضيق عليها بالحريه الممنوحه لها
في اجناس الطيب ما ينفع معاها والله مهما تتعامل بالطيب تعاملج بالسوء

 

[لـيـالي]

[جزاااااااااااااااااك الله خير

 

[روقاء]

والله في خدم الطيبه ماتنفع معاهم تلقينها تحب الخناق وتتهاوش حتى مع عيالج يعني مو كفو واحد يدلعهم

 

[رفرف]

ثاني مرة ارد ع الموضوع ..

الله يجعله في ميزان حسناتج يارب كلامج كله عدل ..

 

[همس الورود]

*والطامه الكبرى اذا مرت من صوب المعزب فتى الأحلام محطم قلوب العذارى<<<<<يا ك الموت يا تارك الصلاة تقوم الدنيا وما تقعد

خلاص الله يرحمها الخدامه في خبر كان

حلوووووووووووووووووووووه

 

[الجود 2004]

اي والله في خدم وايد زينين احنا خدامه بيت عمي صار لها 6 سنوات تروح وترد لكن تينن اشحلوها و تحلف انها كانت ممرضه بس تقول وين احنا التمريض عندنا ولا شي

ولمن وديناها المستشفى لمن صخنت شوي قالت خلاص لين خلصت كم الشهر بصير ممرضه_03ba: