حسبة السونار ولا التاريخ !!

[^Um M3touq^]

السلام عليكم
خواتي انا محتاره بموعد الولاده والحسبه
الدكتوره اول مراجعاتي قالت لي كلام والحين كلام ثاني
على اساس انه اخر دوره كانت بشهر 8 برمضان الي فات تحديدا ماذكر اي يوم
بس كان بوقت القرقيعان يعني يا -12-13-14
قالت لي بالبدايه اخر 5 موعد ولاده
باخر مراجعه قالت لي حسبة السونار تقول15/4 تتوقع موعد ولاده او اخره

الحين مو عارفه بالضبط متى

 

[قشطة بعسل]

وعليكم السلام

الله يتمم لج عل خير ويسهل عليج إن شاءالله

السونار اضبط لانه يعطي عمر الياهل بالاسابيع
وطبعا متي ما الله رايد راح تكون الولاده بسلامه

 

[^Um M3touq^]

امين حبيبتي ماتقصرين على ردج
بس لاني قاعده اجهز وفي ترتيبات بسويها على اساس الوقت
صحيح ان الولاده مالها وقت معين بس شهر فرق بين السونار والتاريخ

الي استغربت منه انه حسبة السونار مابينت الا الحين

 

[الشيخه11]

انا بأول الشهور كان حسبت السونار غير عن الدوره متأخر عنها اسبوع
وقالتلي الدكتوره إن عمر الجنين الحقيقي يطلع بأخر السادس
وفعلا من دخلت السابع صار موعد السونار والدورة نفس الشي لانهم يقوسون الراس والرجول
بس انتي أخذي احتياطاتج وخلصي شغل النفاس مبجر والله يسهل علينا

 

[^^غاليه^^]

السلام عليكم
اختي انا مثلج بضبط اخير دوره ١٣ -٨ بالقرقيعان وموعد ولادتي اول شي ٥ والحين تقولي لا انتي الحين دشيتش الثامن وموعد ولادج شهر ٤ وانا شفت الجنين والمقاسات صحيحه بس بعرف شلون
وانا عيالي اولدهم مبجر بعد يعني اول يوم تاسع وبنتي البجريه ٣٤ اسبوع ماشفت التاسع هههههه
الله كريم ياريت احد يفيدنا *

 

[زبيـده]

والله انا بعد حيروني نفس حالتج

انا احسابي غير والدكتوره غير والسونار غير

بس انشالله ياااااااااااارب من اول يوم في التاسع اولد خلاص تععععععععبت

 

[قشطة بعسل]

المهم خلصوا كل اغرضكم ماباقي شي

الله يسهل عليكم إن شاءالله

 

[^^غاليه^^]

الحمدالله انا خلصت التجهيز لاني كنت مابي اتحرك وايد بثامن اخاف اولد مبجر والحمدالله علا كل حال ان شالله نولد بسلامه اطفال متعافين يارب واهم شي الصحه والعافيه

 

[ام الحلوااات]

اللــــه بـــهـــــووون عـــلــيــج

 

[أبله هنوف]

الله اهون عليج يارب
نصيحه رتبي امورج من إلحين أحسن لج