حساسيه ورا اذن بنتي

[.. Ro3a ..]

بنات والله كاسره خاطري بنتي عمرها 6 شهور هالبنت ع طول مريضه عسى الله يشفيها
وخليها لي
ورا اذنها متقطعه حيل وينزل منها وسخ ودم ومن ورا اذنها
وديتها حكومه قالوا حساسيه عطوني الفاكورت ..
وديتها الهادي عند دكتور اسمه فايز قال اكزيما تصيب الاطفال وعطاني كريم ايكوم
وزيرتك ولوشن مرطب لها واي ما راح عنها ،،
عفيه تعرفون عن هالحاله ؟!

 

[.. Ro3a ..]

امبيه مووو صج حتى دعوه ماكو ،،،!!!!!!

 

[M!SS.LOBY]

الله يشافيها ويحفظها

 

[.. Ro3a ..]

تسلمين ي قلبي جبرتي بخاطري

 

[الغلاااااا]

حبيبتي حاولى كل يوم تعقمين المنطقه بماي دافي وتنشفينه عدل بكلينكس ولاتمسحينه بمناديل معطره كلش


وجربي ماي ومره ومسحي ورا اذونها بس اهم شي التعقيم والقطن اللي تمسحين فيه اذن قطيه لاتمسحين فيه الاذن الثانيه

وانتهبي لها لاتحك المكان يتجرح زياده اما الالفاكورت لاتستمرين عليه مو زين


والله يشافيها يااارب ويخليها لج

 

[قلبي خالد]

أنا اللي اعرف من الحليب تسبب حساسيه

 

[.. Ro3a ..]

حبيبتي حاولى كل يوم تعقمين المنطقه بماي دافي وتنشفينه عدل بكلينكس ولاتمسحينه بمناديل معطره كلش


وجربي ماي ومره ومسحي ورا اذونها بس اهم شي التعقيم والقطن اللي تمسحين فيه اذن قطيه لاتمسحين فيه الاذن الثانيه

وانتهبي لها لاتحك المكان يتجرح زياده اما الالفاكورت لاتستمرين عليه مو زين


والله يشافيها يااارب ويخليها لج

حبيبتي ،، انا الحمدلله كتب لها الدكتوره دهان ثاني جنها بدت تخف ..
وعلى المره الدكتور قال لا عشان الحساسيه مقطعه اللحم موزين ع الجرح

 

[.. Ro3a ..]

قلبي خالد ..
لا مو من الحليب الدكتور سالته قال لا مو حساسيه اكل
اكزيما لان موجوده بس ورا اذانيها ..

 

[ريتاج_90]

ان شاءالله مافيها الا العااافيه

واستمري علئ اللي عطاج الدكتور

والله يخليها لج يااارب

 

[فتون777]

ولدي مثلها وهذي اكزيما اهم شي ما يحوشها عطر ابدا
وخليها مرطبه ع طول
وابعدي عن الكريمات الي فيها كورتيزون
انا ولدي من يوم ما ولدته كذا وكل ماكبر تصير ماتتهيج كثير بس مو جوده
تحمر ساعات وساعت تختفي
الله يشفيهم