حزب النصايح بقسم الزوجيه حياكم

[ملكهـ علي عرشي]

السلام عليكم ورحمة الله وبركاته
اللهم صلي وسلم وبارك ع سيدنا محمد وعلى ال سيدنا محمد


شلونكم بنات .؟

موضوع للفرفشه وللحش والقرض لاا اتغشمر :lololoe:

لاء موضوعي اليوم نقاش ؛؛ خارج اطار المشاكل بالحياة الزوجيه ؛
ماشاء الله تبارك الرحمن هذا القسم اكثر قسم فيه نشاط والكثيرين يتابعون
انا اليوم موضوعي خاص حق الى يردون على المواضيه (( حزب النصايح )) الى يحبون ينصحون ويبدون رايهم باي موضوع يحطونه البنات بهذا القسم الله يكون بعونهم

سوؤالى ليش تحبون المشاركه بهذا القسم وتعطون البنات رايكم ونصايحكم .؟ عسي الله لايغير عليكم هذي الروح ونفسيه الحلوه ؛؛الى تدش وتفاعل مع الموضيع والى تدور والىتسئل بس عشان ترد ع موضوع بنت ماتعرفها ؛؛لا اله الاالله محمد رسول الله ؛؛ الله يبعد عنكم العين والحسد ويدوم عليهكم هروح يارب

؛؛؛؛؛؛؛؛؛؛؛؛

انا عن نفسي ؛؛ احب اشارك البنات بنصايح .
ماحب احد يكون محتار او يضل متضايق ؛؛ ويمكن كلمه منى تقدر تخليه يطلع من هلمود الى فيه
ووبعد من باب مقوله حب لنفسك ماتحب لاخرين؛؛
وكان لله في عون المؤمن مادم الالعبد بعون اخيه


الحين نفس السؤال لكم .؟

اترك المكرفون لكم والكيبوردات؛؛ واليكم الهوا مبااشره
​

 

[حرم_طيار]

رد : حزب النصايح بقسم الزوجيه حياكم

احب افيد غيري بشي يمكن اتكون غافله عنه
واشيل الهم من قلب وحده من خواتي
واساعدها واخذ بخاطرها

 

[المرتاحة]

سبحان الله هذي فطرة في الإنسان اللي هي الإنسانية

لو يرجع الانسان لطبيعته الاصليه بتلاقينه يحب يساعد و بنقذ اللي يقدر بنقذه من غير مقابل

ودينا عمن وايد يحفزنا ان احنا نقوم بعمل الخير و بالتالي تاخذ الاجر

انا من ناحيتي احب انصح اذا صج عندي خبره بالموضوع او على الاقل اقول وجهة نظري ومابي غير الاجر من ورا النصايح هذي

 

[حبيبي مالكني]

رد : حزب النصايح بقسم الزوجيه حياكم

الصراحة احس اني فعالة
وان مني فايدة خاصة اني استفيد قبل ما فيد الي حاطة الموضوع

 

[خذاني الشوق]

انا اموت بهالقسم حب لاخيك ماتحب لنفسك احب اساعد العضوات بحل مشكلتها او اساعدها بشئ انا قادره عليه واعرفه وساعات تمر مشاكل للعضوات تكون مرت على وعرفت اتصرف فيها تقدرين من هالقسم تاخذين خبره لوووووووووووول لحياتج المستقبليه شلون تتعاملين مع الزوج واهله والله لايغير عليهم يارب

 

[قاهره عذالي]

رد : حزب النصايح بقسم الزوجيه حياكم

انا احب اقول نصيحتي بناءا على تجربتي او تجارب غيري من اللي اعرفهم بحياتي

ومو كل المواضيع لها حل عندي

يعني مرات من كثر ما المشكله صعبه وتعور قلبي ما اكتب رد
لان جد ماعندي لها حل ولا اقدر احط مكاني بمكان صاحبة المشكله

 

[حبـ admant ـك]

رد : حزب النصايح بقسم الزوجيه حياكم

انا من زمان احب انصح و رفيجاتي واللي قريبين مني
يقولون لي مشاكلهم واحاول اني احلهم

 

[روح امها]

حب لأخيك ما تحب لنفسك
كافي اذا قدرت احل مشكلتها راح تكون سعيدة

ومانبي غير الدعوات الطيبة

 

[WaChoCha]

رد : حزب النصايح بقسم الزوجيه حياكم

انا احب انصح في حدود تجربتي الزواجية ان كنت اقدر طبعا
وهالشي يعتبر تفريج كربة لاي اخت محتاجة النصيحة


وربي يسعد الكل ويهنيهم

 

[ملكهـ علي عرشي]

رد : حزب النصايح بقسم الزوجيه حياكم

احب افيد غيري بشي يمكن اتكون غافله عنه
واشيل الهم من قلب وحده من خواتي
واساعدها واخذ بخاطرها

جزاج الله خير حبيبتى ع المرور

 

[ملكهـ علي عرشي]

رد : حزب النصايح بقسم الزوجيه حياكم

شاكره لكم حبيباتى المرور

وربي يجازيكم خير ع التقديم النصيحه .. واحبكم في الله

 

[monmon12]

وليش أبخل على الناس بكلمة قد تحل مشكلتهم وتفرج همهم ألم يحثنا رسولنا الكريم صلى الله عليه وآله وقال من فرج عن مسلم كربه من كرب الدنيا فرج الله عنه كربه من كرب يوم القيامه

وهل من حقي أصلا أن أمنع الخير عن الناس ؟ أو من حقي أن أحتكر نعمه من نعم الله علي لنفسي وهي نعمة العقل ولا أشاطرها أحد؟؟


والامام علي عليه السلام يقول

عجبت لمن يرجو فضل من فوقه كيف يحرم من دونه

اذا كنت نفسي أنا أطلب الهداية والارشاد من الله فكيف نحرمها الناس؟؟

وأخر شي أختم كلامي بكلام رسول الله صلى الله عليه وآله

أنما الدين نصيحه

 

[قلبي القرآن]

رد : حزب النصايح بقسم الزوجيه حياكم

الكلمه الحلوه تجبر الخاطر
وطبعي اني احب اساعد الناس على قد ما اقدر
لأن من فرج على مسلم كربه فرج الله عنه كربة من كرب يوم القيامة
والنصيحه والكلمة الطيبة حلوه فليش ما نساعد الناس
دام بإيدنا نساعدهم

 

[ملكهـ علي عرشي]

رد : حزب النصايح بقسم الزوجيه حياكم

عسي الله يدوم عليكم هلروح الطيبه ..


يعطيكم الف عافيه حبيبات قلبي .. شاكره لكم مروركم

 

[ام زاكي]

هذا الي وجبا علينا دينا احنا مسلمين وعرب واهذي طبايعنا روحي الغرب لو يشوفون جثه مرميه على الارض تقعد ايام ماحد يقرب يمها ولا يبلغون عليها السلطات لانه ماعندهم مروه ولا نشامه هاذي طبايع العرب النخوه والمروه

 

[ام شووووق]

رد : حزب النصايح بقسم الزوجيه حياكم

احب اساعد الناس

 

[G!RLooNa]

اذا موضوع حسيت اني اقدر افيد البنت لو بدعوه احطها احسن من لا اخليها بقلبي بعدين باغلب المواضيع وجهات النظر تختلف كل وحده تحط رايها و صاحبه الموضوع تشوف شنو الشي اللي يناسبها و تسويه

 

[اشتياق]

احب لهم اللي احبه لنفسي
وانقل لهم رايي من خلال تجربتي بالحياة
والله يسهل

 

[فاقده ابوهاااا]

رد : حزب النصايح بقسم الزوجيه حياكم

يمكن كلمة بسيطه تغير مسار حياتها للافضل بس احب اضيف شغله حق كل بنت تنصح لازم تراعي الله في الي تكتبه في بنات بكسرون خاطري واي شي ينقال لهم يروحون يسوونه سواء غلط او صح بس بالنسبه لي انصح من صميم قلبي ( حلوه صميم قلبي )
لاني احب اشوف الكل سعيد

 

[مجنونة بس عاقلة]

لانهم يكسرون الخاطر وما لجأت لطرح المشكلة الا اتدور على النصيحه
بس والله من كثر المشاكل تنسد نفسيتك لا تدخلين القسم بس
الف الف وارجعله لانه افضل قسم عندي بالموقع