حركه بايخه اتسويها ام الولد اذا يت اتخطب

[ra3yat almorsids]

هلا خواتي انا جدا متظايقه من حركه اتسويها ام الولد اذا يةت اتخطب اتي ابروحها ويه بناتها انزين وين الولد خل يشوف البنت يقولون لا الولد يبي ذوقنا احنا اذا عجبتنا البنت يبيها ياسلام البنت اللى بتتزوجه مو انتو خل ايي ولدكم وياكم ايشوف البنت وهو يحكم امبي ذاك اليوم يو ناس ايشوفون اختى ماشاءالله اختي مملوحه وام الولد جيكره واخته اجكر امبي انا يوم شفتهم قلت عيل الولد اشيطلع اكيد جيكر انزين وين ولدكم قالو مايي بنشوف البنت اول اقعدو اهذرو وراحو وقالو حق ناس ماعجبتنا رحنا ابيوت وايده في احلى منها امبي اذا بنت اختي مو حلوه مو عاجبتكم عيل منو تبون ليكون تبون مثل هيفاء وهبي لا والمشكله مو جذي اخت الولد طول ماهي قاعده بس ادزز مسجات بالوتس اب اشهالحركات البايخه عيب والله بعد انا قلت حق امي اي وحده تتصل عليج بتشوف بنتج قوليلها لو سمحتي خل ايي ولدج معاج ترا هذا مو زين يلعب بنفسية البنت غير اللي يدخلون ويتطمشون على البنت وهذا ويه الظيف عيب على الاقل اتصلو قولو ماكو نصيب مو تخلون الناس تنطر ماتدري تبون البنت ولا ماتبونها عيب عيب اشهالعادات اللى ادخلت علينا ال ايه يبى ذوق امه

 

[كوكيية]

اي و الله صاااجة

و الجمال مو كل شي اهم شي الاخلاق

و لازم الولد ايي

يعني بتزوج امه مثلا

عادي ناس وااايد جذي ما يستحون عبالهم بنات الناس لعبة

 

[انا خطر]

حدهاااا الحركه غثيثه

سبحان الله امس وحده يايه تشوفني انا عبالى ولدها معاها .. و الا الاخت يايه برووحها و طوول ما اهيا قاعده تسولف عن الجمعيات و السووق ولاا التفتت على شدعوه عليج و قبل ما تطلع سالت سؤال واحد


حبيبتي شنو هواياتج ؟؟ متعرفه عليج بمجله ماجد شهالسؤال الخطير صراحه

حدها غاثتني و الله قاعده اتحلطم عليها سامحوووني بس من حر قلبي ههههههههههههههه

ولا حتي قالت شي عني ولا سالت و تقول انا بنقله << يعني ولدها اللى شفته

انتي حتي ماا شفتيني ذابحتج الجمعيات و السوقه هههههههههه

مالت عليهم افكار غبيه مادري منو اللى بيتزوج بعد ييبي الولد و تعاااالى

رووووووح شلختها اليووووم ههههههههههههههههههههههه بس صج حركه غبيه و فاشله

 

[أحبك أمي]

ههههههههههههه
الحمدلله والشكر
هذي تفكرها على قدها

 

[كتكوته غنوجه]

كل العالم تتطور الا احنا اوووووووووووووووووووووووووووووه

 

[( المـلاك )]

صاجه
هذا اللي قاعد يصير اغلب الاحيان
تلقين ام الولد مع خواتها و اختها و امها و دنيتها كلها يايين يتطمشون
اذا عجبتهم قالوا لولدهم
واذا ماعجبتهم ما قالوله

زين يمكن تعجب الولد مو شرط تعجبكم
يعني ترى اهي المرة و اهو الريال
صراحه هالحركة بايخه حيل

و اللي يبط الجبد اكثر انهم لما يروحون ما يردون خبر
والله صارت مع وايد ناس اعرفهم حراااام نفسية البنت تصير اكس
عيب عليهم اكيد مايرضون يصير جذي ببناتهم ليش يسوونها ببنات خلق الله

صراحه الناس صايره ما تستحي خلاص !

و كلامج حبيبتي هذا الواقع اللي نعيشه بالضبط للأسف

 

[دلوعة صلوح]

والله عاد هذى عادات وتقاليد ما نقدر انغيرها .. حبيبتى عبالج قاعدين ابمصر ولا سوريا يدش الولد ويشوف العروس لا حبيبتى انتى هنى بالكويت تحكمنا العادات والتقاليد لى ماتتغير ابد.

 

[الأميرة كيرارا]

بصراحة معاج حق
كنت أكره أنخطب حتى لو عنست
و الي يبط جبدي إن الي ايون ولدهم مو قد المقام
لا و آنا مو عاجبتهم
بس حبيبتي مرحلة و تعدي و الزواج قسمة و نصيب
أما أروح أشهر و واتس أب و هالسوالف بايخة
صراحة

 

[mf6nt el3lat]

والله عاد هذى عادات وتقاليد ما نقدر انغيرها .. حبيبتى عبالج قاعدين ابمصر ولا سوريا يدش الولد ويشوف العروس لا حبيبتى انتى هنى بالكويت تحكمنا العادات والتقاليد لى ماتتغير ابد.

معاها

أنا اللي اعرفه أنه اول شي ام الولد تجي وتشوف البنت هذا اذا مو شايفتها قبل بعرس ولا شي جذي
بعدييييين عااااد الشوفه الشرعيه للولد والبنت :eh_s(22):

 

[روانتي 12]

انا مع mf6nt

حركتهاا بايخه صراحه..بعدين اذا يبوون البنت يقولون من اول مره مو يتطمشوون و يروحون مايصير

بس ياحرام شنو ذنب البنت ..تلقوون حالتهاا حاله

 

[ra3yat almorsids]

والله عاد هذى عادات وتقاليد ما نقدر انغيرها .. حبيبتى عبالج قاعدين ابمصر ولا سوريا يدش الولد ويشوف العروس لا حبيبتى انتى هنى بالكويت تحكمنا العادات والتقاليد لى ماتتغير ابد.

لا حبيبتي مو عبالي بمصر ادري انه احنا بالكويت عيل عادات وتقاليد تقعد اخته ودزز مسجات وكاشته بالناس اللي قاعده ومصيره الولد بيي ايشوف البنت فخل ايي من اول مره ايشوفها ويقررون تالي انا ماقلت يطلع معاها بره ايشوفها هذي اللي مو من عاداتنا خلاص عيل اذا على قولتج مو من عاداتنا يشوفها وقت الملجه وخلصنا هذي اللي صج عادات *

 

[كلي أنوثة]

انا صراحة عندي احسن انه اتيي الام اول و نتعرف على الاهل بعدين ايي الولد..لان الزواج بيكون بين عايلتين مو بين شخصين..لازم تتعدد الزيارات عشان نشوف ارتحنالهم و الا لأ ..

 

[وردة الدوحه]

احنا في قطر هذي هي طريقة الحريم عندنا انهم يجون بدون الولد لان اهنيه اهالينا مايرضون انه الولد يجي من أول مره ويشوفون كنهم مسيرين واذا اعجبتهم يجون يخطبون وبعد الخطبه النظره الشرعيه وبعدين الملجه انه اشوفه أسلم شي عشان ماتصير البنت مسيوم ويهها عند عشرات الشباب وممكن في الزياره الاولى اذا اعجبتهم البنت يجيبون صورة ولدهم ووبس !!

 

[G!RLooNa]

والله عاد هذى عادات وتقاليد ما نقدر انغيرها .. حبيبتى عبالج قاعدين ابمصر ولا سوريا يدش الولد ويشوف العروس لا حبيبتى انتى هنى بالكويت تحكمنا العادات والتقاليد لى ماتتغير ابد.

ليش انشالله مصر سوريا !!

لا احنا بالكويت و وايد عوايل بالخطبه ياخذون الولد عشان يشوف البنت و تشوفه و ياخذون و يعطون مع بعض

و ليش انشالله يعتمد على وصف اهله للبنت اللي يعجبهم يمكن ما يعجبه و العكس و بعدين البنت من حقها تشوفه

و لا عيل طريقه التخلف اللي يتزوجون على صوره البطاقه المدنيه :dddds:

والحمدالله وايد ناس مو ماشيه على هالعادات المتخلفه

 

[توتــه]

تدرين ليش انا اقولج السبب ساعات الام ماتبي وحده حلووووة حيل تبي وحده عاديه

يمكن شافت اختج حلوة فهونت عاد تخاف الولد يشوفها ويطير فيها وياخذها واذا كانت حلوة

يطير فيها وامهات هالوقت مايبون السعاده لولدهم كثر مايبونه مايتغير عليهم ويجعم مرته

 

[نفهمها صح]

بما
اني اكبر منكم خلووني اقوول لكم
اذا البنت مووصووفه لي طبعا بتصل علي اهلها الي اهي امها باخذ مووعد وبرووح
طبعا انا عطيتها فكره بتلفوون لما احضر عندهم اذا عندهم اكثر من بنت بعض العوائل اذا بناتهم مشاء الله 4اوو 5 6او او 7
ترا فيه البنات بلعدد بعض البيووت
راح تقوولي عندي مثلاا 3 علي وجه زوواج
راح احضر وراح يقدموون الضيافه طبعا البنات لوو عجبتني وحده بسكت وراح اقوول لامها لوو صار نصيب راح اتصل واحدد الروئيه الشرعيه علشان الوولد يشووفها طبعا عندنا بسعووديه موو الكل يرضي بروئيه شرعيه
واذا انا معجبووني البنات ليه اتصل بلعكسس اشووفها احراج وانا بينت حق الام اذا صار نصيب راح اتصل
وسلامتكم​

 

[الله معايا]

عاد والله انا ابوي بزواجي سوى سالفه كانت قاهرتني بس الحين بالايام هذه اقول انه صج كان عنده بعد نظر الله يحفظ الوالد بس فديته
المهم انا ابوي اذا احد دق ما يخليهم يجون خير شي الا اول شي الولد بروحه من غير لا امه ولا ابوه اهو يشوفه يثمنه اذا ينفع يقوله خلاص خل يون الحريم بعدين الرياييل بس بناتنا ما يطلعون لاي احد علشان يطمش عليهم لا حريم لا رياييل والله الدنيا صارت تخوف بنات يتسلون بالبنات الثانيين على اساس خطبه واهي تبي تسوي سوالف انا قبل كنت اقول اشدعوه يبا غير عن عوايدنا كان يقول عوايدنا يوم كانوا الناس كلهم زينين بس الحين كل شي تغير ونفوس الناس تغيرت واعتقد انها احسن من ناحيه الاحراج مو يجون يتفلسفون على البنت ويسوون ولهم كلش يسوى وبعدين البنت يحطون فيها البلا واهو اصلا ما بين البنت معززه لازم اخر شي يقولون لها ولا يشوفونها مافي احد جاي على عماه يا شايفين البنت بالشارع بالعرس بالجامعه مو مني والطريج

 

[زين ودلال]

اي اي شي


لا والله انا اللي اعرفه يدقون ويسألون من الطرفين اذا صارت موافقه اوليه يدقون ويحددون موعد انهم اييون ويكون الولد معاهم يدشون اول شي الام والخوات يشوفون البنت بدون حجاب ويسألونها جم سؤال طبعا على سوالف يعني مو تحقيق والولد يكون بره وعقب يدش ويشوفون بعض وعقب فتره اذا خلاص صار اوكي يدقون وياخذون راينا ويعطونا رايهم

 

[vogue grl]

صاجه صح كلامج

 

[شاعرهـ]

تدرين ليش انا اقولج السبب ساعات الام ماتبي وحده حلووووة حيل تبي وحده عاديه

يمكن شافت اختج حلوة فهونت عاد تخاف الولد يشوفها ويطير فيها وياخذها واذا كانت حلوة

يطير فيها وامهات هالوقت مايبون السعاده لولدهم كثر مايبونه مايتغير عليهم ويجعم مرته

والله انج صاجة :eh_s(15):


بعض الحريم يدورون العاديات يعتقدون الحلوة مغروورة



مرة كنت طالعة مع بنت خالتي عرس ندور لاخووها


تخيلوا خلت كل البنات الحلوات

واعجبت بوحدة متينة وضروسها بارزة وصفرا وعادية










سبحان الله الزواج قسمة ونصيب


:eh_s(7):