حركه الجنين

[روح مغليها]

قووووه بنااات

بغيت استفسر عن شغله

حركه الجنين*

بحمالي الاول كانت قووويه حيل واحس فيها

والحين بحمالي الثاني دخلت السابع

وحركه الجنين بطيئه وقليله مؤ مثل الاول*

وحيل احاتي. لايكون فيه شي لا سمح الله

وسالت الدكتوره قالت اهم شي يتحرك*


فيدوني

والله يرزق الجميع

 

[احساس نادر]

اذا كل يوم يتحرك على الاقل ٤ الى ٥ مرات الحمدلله بخير مهما كانت قوه الحركه عادي انا بنفس حمالتي بالخامس والسادس قويه والحين بالسابع نفسج مرات قويه ومرات خفيفه بس اهم شي انه يتحرك والحمدلله

 

[souhaila]

حبيبتي ممكن في حملك الاول كنت نحيفة
فبتحسين بالحركة اقوى
و الحين بعد حملك الاول امتليتي فاحساسك يقل
انا نفسك حسيت ببجري حركة البيبي اقوى من الحين
لانو ما كان فيا شحم
المهم .....لا تدققي كيف تحسين
اذا يتحرك كل يوم فهو بخير و الحمد لله
الله يتمم عليك يا رب

 

[بدون بس مغتربه]

احتمال في الحمل الاول بنت وهذا ولد... او العكس
مو كل حمل مثل الثاني..

المهم دام فيه حركه هذا اهم شي والله يتمم على خير وتقر عينج بطفلج الثاني.

 

["*آآآنؤؤؤقهـ*"]

الله يكتبلج الخير

 

[Model Look]

ممكن تكون المشيمه جدام والياهل ورا فلما يتحرك يطق المشيمه وبعدين توصل لبطنج من جذي تحسين فيها اقل وحملج الاول اقوا

 

[خاشعة للرحمن]

لا عاادي اناا بحمالي الاولي قوية والثاني بطئ وماله دخل بجنس البيبي لانه مرة اخوي الاولي ولد وحركة كانت قوي وثاني ولد وبطئة وماتحرك الا متاخر بالسادس
يعني عادي مدام البيبي باليوم يتحرك اكثر من مرة حتى لو كان فترات متباعده بس اهم شي ماتكون قليله حيل

 

[انا لحبيبي .]

عادي ماتخافي حبيبتي - انا بكر وحركه البيبي خفيفه والدكتوره قالتلي مافي شي الحمدلله

 

[~Jana]

ممكن تكون المشيمة جدام صوب البطن والبيبي
ورا صوب الظهر فما تحسين بحركة الجنين
لأن لو بيتحرك بيرفس ويطق المشيمة فما
تحسين بقوة الحركة مثل اذا كانت المشيمة ورا
صوب الظهر والبيبي جدام صوب البطن

بس بشكل عام دام يتحرك إن شاء الله لا تحاتين

 

[الأميرة جوري]

أنا حملي بناتي حركه سريعة بالصبيان بطئيه

 

[روح مغليها]

مشكورين بنااات

 

[sara 777]

انا هذا حملي الخامس وما احس بحركة البيبي الى الان امس الدكتورة قالتلي الوحدة كلما تصير راعية حمالات كلما يتوسع عندها الرحم ومحيط البطن ويقل احساسها بحركة البيبي فاتوقع عادي اذا كل شي مبين بالسونار اوكي خلاص الحمدلله