حركت البيبي و طريقة نومتج ؟!

[الدنيا غير]

سلاام بنات

انا حامل بالسادس وحركت البيبي صايره شوي قويه و المشكله ما يتحرك الا بالليل لي بغيت انام
و نومتي كلش مو مرتاحه فيها ..
شلون الطريقه الصح للنومه ؟ يعني على ظهري مو قادره و لا على الجنب و صرااحه محتاجه للنوم احس بتعب و لا قادره اتحرك و السبب اني كله دايخه ابي النوم ..

فيدوني بليز ​

 

[Loloki]

اع ظهرج مو زين لان مايوصل اكسجين كافي للبيبي

في مخده بمذر كير الي بالسالميه الي تحت تكه اشتريها انا شريتها وايط زينه على جنب وايط زين حق بيبي علشان تنفس

انا بيبي الي بطني تشوت حيل لدرجه كل شوي حمام بس سالفه نوم انا مثلج ما اشبع نوم هذا طبيعي وتعرقين بليل هذا كله عادي

تغير هرمونات وبيبي ماشاءالله قاعد يكبر مثل ما قتلح اذا ما تبين تشترين مخده حطي مخده ع بطنج جنج بتلمين احد

وسلامتج

 

[الدنيا غير]

يسلمج ومشكووره
اي الظاهر بروح اشتري هالمخده و اريح بالي
و على طاري الحمام تكرمين اي بدت معاي هالسالفه كل شوي لازم اروح تكرمين الحمام ​

 

[๓ίşś зśŏłả..!]

انصحج بمخده الحآمل الي بمذركيـر تريح وآيد
والله يهون عليج وتقومين بالسلآمه

 

[tbola]

احسن لج نامي علا جنب

 

[Loloki]

وصايره اشرب واااايد ماااي كل ما شربت ماي اروح اخر اعني

هههههههههه

لان يشوتون ع مثاله انا من كثر ما تشوت قلت لا تزلق علي مو وقته ههههههه بس هالفتره بعدين يخف

مذر كير في طويله وشوي كبيره اذا انتي روحي شوفيها اذا ما اعجبتج عندج مخاد بالبيت حطيها تحت بطنج

 

[@ام يوسف@]

حبيبتي الله يتمم علينا وانشط حركه للبيبي بالشهر السادس

 

[كتالونيه]

حبيبتي
نامي عالجنب
احسن
ولاتنامين ع ظهرج مو زين
علشان الحبل السري لايلتف ع البيبي
وانصحج تنامين عالجنب اليمين
لانه الرسول صلى الله عليه وسلم
وصى بالنومه باليمين
اكيد لها فوائد

 

[ام الحلوااات]

نـــامـــــي عـــلـــــى جـــنـــبــــج الــــيــــســــــاااار افـــضـــل طـــريـــقـــه مـــريــحـــه لــــج وللــجــنـــيـــن
وحــــطـــــي وراء ظـــهــــــرج مـــخــــدة تـــســـنــــديــــن ظـــــهـــرج عــــلـــيــــهــــا طـــيــــب
وبـــيــــن فـــخــــوذج حــطــــي مـــخــــدة خـــفــيــفـــه مــــو مـــرتــفــعــــــه وااايــــد عـــشــــان تـــريــــح رجــلـــيـــج ومــــا تــحــــســــيـــن بــــألـــــم هــــذي نــصــيــحــــة دكــتــــورتــــــي لـــــي ونــــــــوووووم الـــعــــافـــيــــه حـــبــيــبــتـــي

 

[أبكاني ذنبي]

سبحان الله انا بالخاامس وعااادي البيبي مايتحرك بس نبض

وانام طبيعي بس عوار بسيط بس مو من الحركه ماحس فيه يتحرك عدل ؟؟؟

 

[-فلانة-]

والله حبيبتي كلنا نعاني بالنومة..
انا عن نفسي عندي مخدة طويلة واااااايد مريحتني أنام على جنب و أحطها بين فخوذي و تحت بطني..وااااايد تريح هالنومة و تشيل الثقل عن الظهر وتخليج تتنفسين عدل..
​

 

[sharoo_e5]

احلى نومة صج من يوم ما حملت الجنب اليسار


سهل على وعلى البيبي الله يحفظة يا رب

 

[LiL MaMa]

الله يتمم عليج و يرزقج الذريه الصالحه
نامي على جنب اريح نومه
مع اني مرات انام على بطني .... يقولون مو زين بس الحمدالله عيالي مافيهم
الا العافيه
و هالشي طبيعي ان حركة البيبي تصير قويه لما تنسدحين

 

[الدنيا غير]

تسلمون حبايبي على ردودكم وربي اعاني انا حيييييييل من هالشي و انشالله ارتاح على المخده ادعولي ​

 

[غنج بدويـه]

نامي ع أحد الجنبين ويفضل اليسار ..
*والله يهون علييييييج يارب 

 

[ضحاوي الديره]

انا مارتاح انام الا على بطني
شريت مخدة مذركير ماريحتني كلش
قمت احط مخده تحت بطني ومخدة بين ريولي والحمدلله احس ارتحت شوي

 

[ديانا سبنسر]

على الجنب

 

[Bedor-al.3taiby]

اي اليسار حيل يريح مثل ماقالو تحطين مخده بين فخوذج و تلمينها

 

[عنووشه]

انا احب انا علي بطني بس من حملت انام علي الجنب


واريح شي حطي مخده بين فخوذج


والله يكوون بعونا احنا الامهات

 

[امنيتي الأمومة]

LiL MaMa

شلون يعني تنامين ع بطنج امبيه اتوقع تتغشمرين

ما شا الله تبارك الرحمن

بس بطنج يكون عود اذا حامل شلون تنامين ع بطنج