حركة طايحين فيها شيماء علي , شجون , فاطمه الصفي .... وغيرهم ..!

[لبـى قلبـي]

السلام عليكم و رحمة الله



كيف الحال والأحوآل ..؟



موضوعي ماكتبته الا بعد ماشفت ان الوضع كله ماله يزيد والحركه كل مالها تنتشر ..
وأنا متأكد انو للأسف في كثير شباب وبنات صارا يسوون هالحركه من بعد صور الفنانيين ..



و إن شاءالله بموضوعي اقدر اساعدك على الحد من هالحركه لو بشكل بسيط ..



اول شي ابيكم تشوفون الصور وتلاحظون الحركه المشتركه فيهآ ..




















الحركه هذي اسمها
(cross fingers )
و هي ترمز للصليب ..
وعاده يسوونها المسيحين إذا كانوا يدعون او لتمنى الحظ او اذا كان الشخص يكذب يسويها من ورى ظهره ..

ولتأكيد اكتبوا (cross fingers ) في قوقل وشوفوا ..





و اخيراً اتمنى تكون الفكره صلت .. و اتمنى ماتدخل وحده وتقول انتم معقدين و كل شي حرام لانو الحرام بين والحلال بين ودام الحركه تمس العقيده يعني خط احمر ..




* ملاحظه :
نزلت الموضوع بهالقسم لاني شفت كذا موضوع بهالقسم فيه نفس الحركه ..




اللهم بلغت اللهم فأشهد ..
فمـآن الله..
:eh_s(7): ​

 

[^^mone^^]

جزاج الله خير

وصج بناتنا صايرين تقليد اعمى بشين والزين

 

[جنون الغيم]

طيب هم ليش مسويين الحركه وش قصدهم فيها ماسووها الا لها معنى عندهم ؟؟؟
جزاك الله خير ماكنت اعرفها

 

[كا د يا]

جزاك الله خير وجعلها في ميزان حسناتك

 

[دلعksa]

الله يجززاك الف خيررررررررررر تسلمي حبيبي ... مووضوع رررائع عن التقليد الأعمى

 

[لبـى قلبـي]

طيب هم ليش مسويين الحركه وش قصدهم فيها ماسووها الا لها معنى عندهم ؟؟؟
جزاك الله خير ماكنت اعرفها

تقليعه بس ..
واكيد على بالهم نفس البيس ..

وممكن ماخذينها من ممثلين اجانب ..


عموماً التقليد الأعمى مشكله ..

 

[reem alflla]

يزاج الله خير خيتوو :eh_s(17):

بس هذا قسم لوكات فقط موضوعج مخالف ومثل هالمواضيع تسكر القسم واحنى ماصدقنا يفتح :eh_s(2):

لو تقولين حق المشرفه تنقله قسم مناسب احسن عشان مايروح تعبج ومجهودج بتوعية البعض :eh_s(15):

 

[مشمش أحمر]

جزاج الله خير

 

[لبـى قلبـي]

يزاج الله خير خيتوو :eh_s(17):

بس هذا قسم لوكات فقط موضوعج مخالف ومثل هالمواضيع تسكر القسم واحنى ماصدقنا يفتح :eh_s(2):

لو تقولين حق المشرفه تنقله قسم مناسب احسن عشان مايروح تعبج ومجهودج بتوعية البعض :eh_s(15):

لا تخافين حبيبتي ..

انا استأذنت من المشرفه قبل انزله وقالت انها راح تخليه فتره وبعدين تنقله لقسمه المناسب ..

ومثل ماقلت بالموضوع لان الصور قاعده تنزل بهالقسم
وانا مااضمن ان البنات الي هنا يدخلون الاسلامي او العام ..

:eh_s(17):

 

[" ذوق "]

شلوون يسونها الحركه هذي معروفه انها صليب ماتوقع انهم جاهلين فيها
بس الله يهديهم

 

[ملاك ^ الحب]

ايييييي والله تقليد اعمى

 

[ام جي جي الحلوه]

مشكوره حبيبتي على التنبيه

 

[رذآذ آلمطر؛]

تقليد سآآمج منهم احنا نعرف انها لتمنى الحظ لانها ترمز للمصلوب على خشبة الصليب يجى ملتوى حولهاآآ

وهم دوم يسوونهآآ الاجآنب لانهم مسيح بس الله يهديهم يمكن موب عارفين معناتهـ

 

[CAT]

,

حمدالله والشكر ,
ششكبرهم مايدرون شنو تعني هالحركة ! بس يقلدوون وخلاص
يعطييج العآفية ,

 

[عويتقة]

جزاك الله الف خير اكييييييد مو عارفين شنو تعني

 

[إماراتية طر]

مشكورة معن الحركة مفهومه ما عرف كيف ما عرفو شو معناتها

 

[فلسفة جرح]

يمكن مو عارفين شمعنى هالحركه الحيين بناتنا يقلدونهم لو قطوا نفسهم بالنار
جزاج الله خير

 

[@ام يوسف@]

جزاج الله خير والله يهديهم

 

[بنت العقربيه]

هبل واستهبال وتقليد اعمى بالله يعني اذا سويت الحركة هاذي انا كول على طول الحمدلله والشكر


جزاك الله خير ومشكورة

 

[امواج الكويت]

جزاج الله الف خير وان شاء الله فميزان حسناتج