حركة الجنين ....؟

[جنان كويت]

السلام عليكم بنات شلونكم ؟
انا بالشهر السادس وحركة البيبي سريعة ودايمة على طول على طول يتحرك هل هالشئ طبيعي؟؟؟ والله كأن في حلبة مصارعة ببطني او ملعب كره قدم حتى بعز نومي اقعد على رفس وطق !!! عادي ولا في مشكلة؟؟

 

[غلا عيوني]

شي طبيعي حبيبتي ,,,واحسن شي الجنين يتحرك وايد.,,,,,,,,,,,,,ابسالج عن العطر من وين حصلتيه؟؟<<<دااشه عرض؟؟ههههه

 

[جنان كويت]

هلا والله غلا طمنتيني ياقلبي

والعطر فديت روحج بمجمع المهلب اخر دور تحت في جنب الدرج كشك فيه هالعطر

 

[حرم_طيار]

اي حبوبه عااادي طبيعي

 

[جنان كويت]

حرم طيار الله يطمن قلبج مثل ما طمنتيني

تسلم يمينج ....................ز

 

[•Brown•Sugar•]

طبيعي الحركه الزايده وتدل ع ان البيبي نشيط وبخير الحمدلله

وراح تييلج فترات بعد السادس تحسين بالحركه اقل او خفيفه

هم طبيعي كل مايكبر البيبي تصير الحركه قليله بس قويه

لان المكان راح يصير ضيق على البيبي

 

[([عطر رومانسي])]

لا ونطري ابداعاته بالترفس بالشهر السابع بعد ههههههه ياحلاتهم

 

[اشتياق]

اسم الله عليه عاادي ياقلبي الله يسهل عليج

 

[Tender Heart]

ماشاء الله تبارك الرحمن عادي بالسادس حرته طبيعيه بس من تدشين السابع تقل الحركه ... انا حركتها صايره قليله وقريت انه طبيعي لانه المكان صار ضيج

 

[LiPss]

مشالله تبارك الرحمن
قولي الحمدلله
واقري على نفسج وعالبيبي في حريم كلش مايحسون هذا شي زين اصلا

اي صج بغيت اسأل انا الحين بالتاسع وحركته كل مالها وتخف شسالفه
امي تقوللي المكان ضاق عليه وانا قمت لوسوس داشه عرض ادري بس فيدوني عفيه

 

[جنان كويت]

تسلمون على ردرودكم ودعاويكم الى توسع الخاطر

LiPss الى عرفته ان بالشهر التاسع تكون حركه البيبتي قليله حييييييييييييييييييييييييل وتكون معدومة لان البيبي كبر والمكان ضيقك ومايكون في مساحه للحركه

 

[عروس المنامة]

طبيعي حبيبتي ....

انا بحملي الاول ابدا ابدا مافي حركة و طلعت بنتي ابدا بو تمبه ما تتحرك كله شيلوني حملوني ريلي تعورني و كانت بحملي ما تتحرك بس قاعدة الله يحفظها تحت تنطحي براسها موتتني موتتتتتت و الم ولا اقدر ارفع ريلي اركب السيارة يالله العفو و العافية


اما بولدي ويه كان يتنطط نط و تطلع ريله على صوب وزوجي يلمسه يقول يخررررع ... و كان على طول حركة في بطني بس طلع عندي سكر حاد و مرتفع للاسف

و الحين الله يحفظه ما يقعد ابدا كله يدور و يركب على الكراسي و يحاول ينط من السرير مع انه صغير سنة و نص و ابدا ما يقول الا كلمتين كانه شارلي شابلن من الحركة السريعة


بس حبيبتي تطمني هدا عادي و هدي شخصيته ترى لان انا عيالي عرفت شخصياتهم من هم ببطني


وان شاء الله تحملينه بحظنج يارب

 

[توته سعوديه]

الله يتمم لك على خير
طبيعي الوضع

 

[Yummy Suger]

ما شاء الله تبارك الرحمن
عيل انا لوووول ولدي نااااااايم بالعسل وكسول حده
نادر ما يتحرك وحركته محدوده يعني حركته بس بليل وجم ساعه بس
حتى ساعات احس اني مو حامل لانه كلش ما يتحرك واخترع واسوي قصص واخرع زوجي
الله يحفظ لج جنينج وتشوفينه بصحه وعافيه

 

[pink Engineerah]

الله يحفظه لج بيطلع نززززغه ما يقعد لووووول

 

[فتومة]

عادي

 

[من حقي أغير]

عادييييييييييييييي

 

[كـ غلا ــلي]

زياده حركه الجنين معناتها انه نشيط فلا تضايقين منه لانه من تدخلين الثامن تبدي حركاته تخف وبتظلين تحاتين

اهواا زين ولا لا

 

[الليدي فراوله]

الحركة طبيعية والله يفرحك بشوفته

 

[um_yoyo]

طبيعي حبيبتي ....

انا بحملي الاول ابدا ابدا مافي حركة و طلعت بنتي ابدا بو تمبه ما تتحرك كله شيلوني حملوني ريلي تعورني و كانت بحملي ما تتحرك بس قاعدة الله يحفظها تحت تنطحي براسها موتتني موتتتتتت و الم ولا اقدر ارفع ريلي اركب السيارة يالله العفو و العافية


اما بولدي ويه كان يتنطط نط و تطلع ريله على صوب وزوجي يلمسه يقول يخررررع ... و كان على طول حركة في بطني بس طلع عندي سكر حاد و مرتفع للاسف

و الحين الله يحفظه ما يقعد ابدا كله يدور و يركب على الكراسي و يحاول ينط من السرير مع انه صغير سنة و نص و ابدا ما يقول الا كلمتين كانه شارلي شابلن من الحركة السريعة


بس حبيبتي تطمني هدا عادي و هدي شخصيته ترى لان انا عيالي عرفت شخصياتهم من هم ببطني


وان شاء الله تحملينه بحظنج يارب

امبيييه حسيت ان انا الي قاعده اكتب نفس الشي بالضبط حاليا حامل في بنت ما تتحرك الا من براسها تحت و ساعات اقعد احرك بطني حيل علشان تتحرك بس عمك اصمخ و ريولي قمت اعرج عليها و توني بالسادس عكس حملي على الصبيان كان مباريات داخلي و صج عيالي حركيين ماشالله وايد