تفضلي
لو سمحتواا يا بناات لا تفهموني غلط
انا ما اقصد وحدة ولا ثنتين ولا عشر
اقصد مئااات وآلاف البنات اللي يسوون هذي الحركات اللي كل يوم وانا اتصفح بصفحات المنتدى ألاقيها
واللي بتقبل رايي حياها الله
والله بتهاجمني ما له داعي لأن اللي قاعدة اقوله صج ما يبته من عندي
الحركة النرفزية الأولى
ان لما تكون وحدة كاتبة موضوع ومتعبة روحها وكل شي،
لما تدخلين يا حلوة... ياا تقرينه وتردين عدل،، يا لا تردين،،
يعني مسكينة البنت تكون لاجئة للمنتدى عشان تعرض مشكلتها أو موضوعها وتبي ردود
وتفففرررررررححح حييل لما تشوف ان اكو مشاركة
وتدخل للموضوع
وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد.
الحركة النرفزية الثانية
هذي الحركة يسوونها التاجرات وسيدات الاعمال بالمنتدى (مو كلهم لا تهجمون علي)
مااا يبقى شي مو حاطته بتوقيعها
خمسين ألف صورة ودعاية لبضاعتها
التوقيع ساعات أكثر من حجم الصفحة تنزلين السهم عشان تقرينه كامل
يعني حاطة معرض بالتوقيع
وما تخلي موضوووووووووع ما ترد فيه بس عشان تسوي دعاية
الله والردود البنائة عاد،،،،، تلقين الرد جذي
"موفقة"
"مشكورة"
يعني كلمة وحدة بس عشان يطلع توقيعها وتعرض بضاعتها
وبعدين اللي تيي تقرا الردود تنحول مسكينة
تقعد تنزل الصفحات كلها صور وكلمة وحدة
ولا رد مفيد
يصير معرض بضايع
الحركة النرفزية الثالثة
هذي الحركة تدرون منو يسويها؟؟
البنات اللي يكتبون تقارير مفصلة عن حياتهم الشخصية:طلعة مطعم،، سفرة،، ليلة رومانسية،، فندق
تكفيييين بس شنو هذا ؟؟ زوجج يدري عن التقرير؟؟
شنو يبقى الشي الخاص عندج وعن حياتج؟؟
يعني تحطين فراشج "الخااااااااااص" فيج انتي وزوجج بالمنتدى؟؟
ولا تصورين حتى الصحن والاكل اللي كلتيه؟؟
تصورين كل زوايا بيتج
اغراضج وملابسج
تدرين منو يشوف كل هذا؟؟ اختج؟؟ بنت خالتج؟؟ عمتج؟؟؟
لاااااااا كلهم غرب عنج
ما عندج غيرة وخصوصية؟؟
ترى مو سنع هذا
ادري ان انتي حطيتيه بحسن نية
بس الناس مو كلهم قلوبهم نظيفة
ما تدرين عنهم
وترى والله ما يجوز هذي اسرار زوجية واسرار بيتج تعرضينها عالملأ
الحركة النرفزية الأخيرة
حق اللي تكتب موضوع وتمدح بعمرها: طبخة، ترتيب منزل، طريقة للعناية بالاطفال، طريقة رومانسية للتعامل مع الزوج
مو هذي المشكلة
تدرون وين المشكلة؟؟
لما تكتب عقب الموضوع
"هاااا شرايكم فيني؟؟؟"
ولا تكتب
"يالله شجعوني عشان اكمل"
شنو هذا فيج نقص؟؟ وتكتبين بالمنتدى وتتعبين نفسج عشان الناس يمدحون فيج بس؟؟
لا تعلييييييييييق
على العموم هذا راي شخصي
أرجو تقبلكم مني بسعة صدر
لأني ابي مصلحة الكل
لو سمحتواا يا بناات لا تفهموني غلط
انا ما اقصد وحدة ولا ثنتين ولا عشر
اقصد مئااات وآلاف البنات اللي يسوون هذي الحركات اللي كل يوم وانا اتصفح بصفحات المنتدى ألاقيها
واللي بتقبل رايي حياها الله
والله بتهاجمني ما له داعي لأن اللي قاعدة اقوله صج ما يبته من عندي
الحركة النرفزية الأولى
ان لما تكون وحدة كاتبة موضوع ومتعبة روحها وكل شي،
لما تدخلين يا حلوة... ياا تقرينه وتردين عدل،، يا لا تردين،،
يعني مسكينة البنت تكون لاجئة للمنتدى عشان تعرض مشكلتها أو موضوعها وتبي ردود
وتفففرررررررححح حييل لما تشوف ان اكو مشاركة
وتدخل للموضوع
وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد.
الحركة النرفزية الثانية
هذي الحركة يسوونها التاجرات وسيدات الاعمال بالمنتدى (مو كلهم لا تهجمون علي)
مااا يبقى شي مو حاطته بتوقيعها
خمسين ألف صورة ودعاية لبضاعتها
التوقيع ساعات أكثر من حجم الصفحة تنزلين السهم عشان تقرينه كامل
يعني حاطة معرض بالتوقيع
وما تخلي موضوووووووووع ما ترد فيه بس عشان تسوي دعاية
الله والردود البنائة عاد،،،،، تلقين الرد جذي
"موفقة"
"مشكورة"
يعني كلمة وحدة بس عشان يطلع توقيعها وتعرض بضاعتها
وبعدين اللي تيي تقرا الردود تنحول مسكينة
تقعد تنزل الصفحات كلها صور وكلمة وحدة
ولا رد مفيد
يصير معرض بضايع
الحركة النرفزية الثالثة
هذي الحركة تدرون منو يسويها؟؟
البنات اللي يكتبون تقارير مفصلة عن حياتهم الشخصية:طلعة مطعم،، سفرة،، ليلة رومانسية،، فندق
تكفيييين بس شنو هذا ؟؟ زوجج يدري عن التقرير؟؟
شنو يبقى الشي الخاص عندج وعن حياتج؟؟
يعني تحطين فراشج "الخااااااااااص" فيج انتي وزوجج بالمنتدى؟؟
ولا تصورين حتى الصحن والاكل اللي كلتيه؟؟
تصورين كل زوايا بيتج
اغراضج وملابسج
تدرين منو يشوف كل هذا؟؟ اختج؟؟ بنت خالتج؟؟ عمتج؟؟؟
لاااااااا كلهم غرب عنج
ما عندج غيرة وخصوصية؟؟
ترى مو سنع هذا
ادري ان انتي حطيتيه بحسن نية
بس الناس مو كلهم قلوبهم نظيفة
ما تدرين عنهم
وترى والله ما يجوز هذي اسرار زوجية واسرار بيتج تعرضينها عالملأ
الحركة النرفزية الأخيرة
حق اللي تكتب موضوع وتمدح بعمرها: طبخة، ترتيب منزل، طريقة للعناية بالاطفال، طريقة رومانسية للتعامل مع الزوج
مو هذي المشكلة
تدرون وين المشكلة؟؟
لما تكتب عقب الموضوع
"هاااا شرايكم فيني؟؟؟"
ولا تكتب
"يالله شجعوني عشان اكمل"
شنو هذا فيج نقص؟؟ وتكتبين بالمنتدى وتتعبين نفسج عشان الناس يمدحون فيج بس؟؟
لا تعلييييييييييق
على العموم هذا راي شخصي
أرجو تقبلكم مني بسعة صدر
لأني ابي مصلحة الكل
