هلووو
أي تغيير بسيط يلاحظه الريال و يحس فيه.. حتى لوووو مايقووول... بس اللي تعرف زوجها و تفهم عليه تلاحظ نظراته و إعجابه
في أمور صغيرة و رخيصة و ما تكلف وواايد وقت و جهد و تغير المزاج و اللوك لج و لغرفتج
أولا الغرفة..
طقم فراش بلون يديد عليكم.. معاه كوشيات و شموع و مفارش الطاولات و التواليت و علبة الكلنكس و الزبالة تكرمون و بتلات ورد منثوور و قطعة موكيت صغيرة إذا داركم سيراميك..
فواحة الزيوت العطرية و مرشات الفراش و معطر الجو و البخوووور
غيري أماكن الأثاث و جربي تفرين السرير و القنفة.. غيري ترتيب الدار
ركبي ناموسيه على الكرفاية إذا مو حاطتها من قبل..
موسيقى كلاسيك بيانو أو بلوز و غيتارات جاز أو كمان و هارب.. مووو أغااااني حق اللي ما يسمعون أغاني.. أو أي ساوند إفيكت مثل صوت موج البحر و زخات المطر و تغريد العصافير مثل اللي بالسبا.. بالاستيريو أو اللاب توب
أبجوووراااات و شموووع و إضاءة خااافته و رايقه
زيوت للمساج عشان اتدلعووون بعض
طاولة صغيرة و كيك و عصير عشان توكلون بعض و تشربون بعض و تسوون أكشن بالكريمة اللي على الكيك
هدية ذربة و مغلفة و كرت صغير بخط إيدج بكلمة طيبة أو حطي حمممررره و بوووسي الكرت و طبعي عليه.. لو غرشة عطر أو بزمة (كبك) حق دشداشته أو قميصه.. أو قلم أو بوك خياراتج متعدده ضمن ميزانية محدوده..
فكره يديده إذا ماااا كنتوا مسوينها من قبل.. سيديات أفلام و مسرحيات و شغلوا الديفيدي و التلفااااز و سووي جو سينما.. ظلمة و نفيش و كاكاو و بيبسي و انتي و شطااارتج .. استغلي البوووب كووورن بحركااات و أشياءات و ما أقدر أشرح أكثر..
قطعي فواكه لذيذه و صفيها بشكل يديد و شكيها بأعواد الشوي و ثلجيها بالفريزر مع ثلج ملون و على أشكال قلوب و شفايف.. فراولة و كرز و توت و موز و خوخ و مشمش و عنب
انتي:
ماله داعي أدش بوواايد تفاصيل لأن كل وحده فينا ذوقها و مزاجها يختلف عن الثانيه.. بس الفكره العامه انج تسوين شي غير مألوف عليكم و يديد..
جربي اللبس التنكري.. بدلة رقص شرقي.. قصة شعر يديده.. لون عدسات غريب.. نوع عطر مختلف عن اللي متعوده عليه.. قميص نوم طويل إذا دايما تلبسين قصير و بالعكس.. اكسسوارات و حيول و دناديش إذا دايما ستايلج ناعم أو العكس..
ألوااان جريئة و صيفية و فسفورية إذا غالبا رومانسيه و ناعمه و نيود و كلاسيك.. و العكس
رقصي معاه فالس أو لو حتى رقص استعباط و ضحك المهم تستانسووون و تغيروون
سوي له مساج و استخدمي نكهات لجسمج إذا مو مجربه من قبل.. مو ضروووري تفترين و تدورين و تشترين و تنحرجين من اللي يبيعون بالمحلات.. استخدمي العسل و سيرب الكاكاو و سيرب الفراولة و غلوسات بدي شوب اللي فيهم طعم و بذكاء و إغراء استغليهم و استخدميهم كنكهات للجسم..
غيروووا مكااان سهرتكم إذا في مجال و تقدرون.. مثلا مووو شرط بس بغرفة النوم.. بالصالة.. على القنفة.. على الأرض مو بس على السرير.. إذا البانيو كبير و جاكوزي أحلا و أحلا..
كل وحده تعرف تطلع بشكل مميز و حلو و أخبر بزوجها و مزاجه.. بس إذا انتي معودته على مكياج صارخ و قوي حطي ناعم.. و العكس..
جربي لعبة زوجيه أو انتي ألفي لعبة تستمتعون فيها.. لعبوا أونو و اللي يفوز يشرط شي على الخسران و الشرط يكون شي فصعووون و سيكسي..
الله يهني الجميع.. و عطيتكم اللي عندي.. يالله عااد عطووني اللي عندكم.. لووووووولز
