حرام عليكم ٤٤ زيارة ومحد رد علي غير ٣ بنات

[qazlaan]

حرام عليكم ٤٤ زيارة ومحد رد علي غير ٣ بنات واناقاعد اشتكيلكم علما اني تعبانه من الحمل عندي بنت صغيره عمرها سنه وشهر وطول الوقت معاي تلصق فيني لعب واكل وتغير حفاضه وانومها تعب والله

 

[Om 3zo0oz_2011]

رد : حرام عليكم ٤٤ زيارة ومحد رد علي غير ٣ بنات

وين موضوووعج ؟

حبيبتي يمكن ماعندهم خبره او علم بالشي الي تبينه

 

[om_3azoz]

حبيبتي عادي حتى انا الحين حامل وعندي ولد سنه ونص سمله عليه لازق فيني ومايخلي احد يبدل حفاظته الا انا وماينام الا انا انومه ,, وشنو اخرتها نزيف صار فيني الحين يالله قام يروح حق خالته والخدم

وصايرله سبوع ابوه ينومه ويمسكة بليل ويخليني انام لاني حيل تعباانه موبس تعب جذي


الله يكون في عونج ,,

 

[نبض السعاده]

رد : حرام عليكم ٤٤ زيارة ومحد رد علي غير ٣ بنات

الله يهون عليج

ويساعدج على تربيتهم

 

[عوااار قلب]

رد : حرام عليكم ٤٤ زيارة ومحد رد علي غير ٣ بنات

الله يعينج انشالله

 

[أغلى حبيبه]

رد : حرام عليكم ٤٤ زيارة ومحد رد علي غير ٣ بنات

عاااادي كلنا جذي

وين المشكله

 

[شواشه]

رد : حرام عليكم ٤٤ زيارة ومحد رد علي غير ٣ بنات

ياقلبي الله يعينج لازم لازم تجيبين خدامه حتى لو بالاجار الشهري انا والله تعذبت جبت ولدي الثاني والكبير عمره سنه وخمس شهور تبهدلت يوم نفاسي وهو الله يسلمه مايبي احد يغيرله ولا يوكله كله لازم انا واخر شي انفتح خياطي ولاتشوفين حالتي الشكوىلله بس اهم شي جيبيلج خدامه من الحين علشان يتعود عليها والله يسهلج يارب

 

[فتوت1984]

لله يرحم حالنا ويكون في عونا هاذي الامومه سبحان الله
الله يخليهم لنا ويهديهم يارب العالمين

 

[غلاي امي وزوجي]

يا الغاليه اجل الجنه ليش تحت اقدام الامهات

كل شي باجره

وعسى ربي يرزقني برهم

 

[Diva-Q8]

رد : حرام عليكم ٤٤ زيارة ومحد رد علي غير ٣ بنات

زين عندج وقت تسوين chating ! لا جد جد الله يعينج اختي ماعليه تحملي كلا ثواب !

 

[LiL MaMa]

رد : حرام عليكم ٤٤ زيارة ومحد رد علي غير ٣ بنات

عادي انا عندي بنتي عمرها 11 شهر وانا بالسادس
وعندي بنتي عمرها 3 سنوات وماشالله عليها حركيه واااايد و بيلها مجابل
بس عادي انت ام و الجنه ماصارت تحت اقدام الامهات الا لأنج تتعبين
الله يعينج
صبر جميل والله المستعان

 

[اميرة بنتها]

وين المشكله؟

 

[جوري85]

ياحياتي الله يكون بعونج حبيبتي ماعليه الجنه تحت قدمج ان شاءالله

 

[om al ghaleen]

هذي ضريبه الامومه مافي شي حلو من غير تعب !!
اذا موظفه اخذي اجازه او غيري جو "

\\

 

[& الذاهبه &]

الله يكون بعونج الزمي الاستغفار كثري التسبيح والتهليل

انا بنتي الصغيره فيها توحد وما احب اتكلهاا على الخدم كله لازقه فيني واشيلهااا بس مع الاستغفار كل شي يرووح

الله يريح بالج

 

[جمالي ايطالي]

عوديه على الخدامه وفكي عمرج

عالاقل وقت الحمل والله يعينج

 

[بيبي بدر]

الله يعينج

 

[دمثة]

اجر اجر اجر

 

[اشتياق]

حطي خدامه

 

[hooryah q8]

رد : حرام عليكم ٤٤ زيارة ومحد رد علي غير ٣ بنات

زين عندج وقت تسوين chating ! لا جد جد الله يعينج اختي ماعليه تحملي كلا ثواب !

ضحكتيني الله ياخذ ابليسج لوووووووووووووووووول


الله يهون عليج حبيبتي وتولدين بالسلامه ان شاءالله
روحي عند اهلج جم يوم ريحي عندهم لو ماعندج خدامه ولي صرتي احسن ردي شقتج