حرارتي مرتفعه اروح حق دكتورتي واقولها ؟

[Al-RoRo77]

السلام عليكم ورحمة الله وبركاته
بنات انا تو داشه الثالث
وصارلي 3 ايام تعبانه "منشوله" واليوم حرارتي ارتفعت شويا
واللي سمعته ان مو زين للحامل ارتفاع درجة الحراره وقاع اعطس بين فتره وفتره بقوه وخاصه امس
اروح باجر حق دكتورتي واقولها ولا شنو؟
ياريت اللي عندها حل او طريقه تخفف الحراره بدون اضرار تفيدني
ومشكورين
ملاحظه:
مابي الوع جبودكم بس بنات طالعتلي امس حبه بيضه صغيره وايد بطرف لساني وليما الحين موجوده

 

[daleeda79]

روحي حق دكتورتج الحين ليش باجر انا من جم اسبوع صارت فينا حرارة
وعطتني الدكتورة خافض للحرارة بالدرب والحمدلله صرت احسن
وقالتلي انا الحرارة مو زينة حق البيبي ولازم تنزلينها بسرعة
الله يشافيج ويثبت حمالج يارب ويقومج بالسلامة

 

[Al-RoRo77]

رد : حرارتي مرتفعه اروح حق دكتورتي واقولها ؟

امبي خفت زياده والله خلاص باجر بروح الصبح ان شاء الله
ماعندي احد يوديني الحين مشكوره نبهتيني ويزاج الله خير
ويسمع منج واجمعين يااااارب

 

[أحب الصدق وأعمل به]

روحي انا من فترة صارت فيني حرارة واسهال تكرمون ودكتوري خاف قال الحين رادة انفولنزا الخنازير وهذه بدايات بس الحمدلله اخذت بندول وقالي شربي كل سوائل دافية وانا كانت فيني كحة قالي اذا زادت اي وقت دقي علي عشان اعطيج شراب للكحة ومضاد والحمدلله عدت على خير واسم الله عليج بس واحد لازم يدير باله الله يحمينا ويحفظ عيالنا

 

[ғ α η ί l ү α]

عدل كلام اختي دليدا الحراره موزين


لازم تروحين تعطيج خافض حراره بندول بالدرب انا امس ماخذه واصرفتلي حبوب بندول اللي علبتهم سلفر

والله يشافيج ويثبت حمالنا يارب ويرزقنا بعيال متعافين متشافين

 

[ғ α η ί l ү α]

عدل كلام اختي دليدا الحراره موزين


لازم تروحين تعطيج خافض حراره بندول بالدرب انا امس ماخذه واصرفتلي حبوب بندول اللي علبتهم سلفر

والله يشافيج ويثبت حمالنا يارب ويرزقنا بعيال متعافين متشافين

 

[Al-RoRo77]

رد : حرارتي مرتفعه اروح حق دكتورتي واقولها ؟

ان شاء الله بنات انا كلمت ريلي وقالي بيوديني الصبح
مشكورين نبهتوني
ومشكورين وايد والله يسمع منكم يارب ويحفظكم يارب

 

[ديما ..]

رد : حرارتي مرتفعه اروح حق دكتورتي واقولها ؟

حبيبتي لازم تروحين
ماتشوفين شر ان شاء الله

 

[OM AWWASHA]

رد : حرارتي مرتفعه اروح حق دكتورتي واقولها ؟

الحراره مو زينه حبوبه حق البيبي روحي الطبيب احسن

والله يشفيج يارب

 

[حلوه العسل]

حياتي ترى الحراره اتاثر على مخ البيبي ولا سمح الله يطلع معااق
اشتري البندول الازرق العادي
واكلي ٢ كل اربع ساعات على مايصير باجر
او اتسبحي ابماي فاتر اذا حرارتج حيل مرتفعه

 

[noha33]

سوي كمادات واخذي بنادول لأن ارتفاع الحرارة مو زين حق الجنين
لو ما استجابت الحرارة كلمي الدكتور
ما تشوفين شر