حد منكن تامه سنين ف البيت ؟

[إمارتية عسل]

سلام خواتي
أنا متخرجه من الجامعه من 5 سنوات ماتوظفت ولا عرست
قبل كمن يوم انعزمت ع عرس وحد من ربيعاتي القبليات ايام الدارسه الجامعيه انا ماشفتها من يوم تخرجنا علاقتنا سطحيه وهي عندها شله ربعها اعرفهن علاقه سطحيه بعد كلنا نفس العمر وتخرجنا قبل 5 سنوات وماعرف عن اخبارهن اي شي
سرت العرس ويارتني ماسرت
تخيلوووو صح فرحت بشوفتهن بس انصدمت كلهن تغيرت اوضاعهن للافاضل الكل توظفن والكل عرسن بس وحده منهن عرسها عقب شهرين
وعندهن عيال
الا انا الوحيده الي ماتغيرت حياتي مول من يوم تخرجي
اقولكن اصدمت هم يسالوني باستغرب بهالسنين كلها ماتغير اي شي
صحيح انا انخطب بس مايصير نصيب وهالشي مب بيدي
والوظيفه تعبت احاول بس الله ماكتب لي للحين
تصدقو روحت من العرس مارقدت الا الصبح عقب ماطلعت الشمس
حسيت نار داخلي الدنيا وااقفه فيني
بالرغم اني ماسير ولا رد وملتزمه بالصلاه وقيام الليل وسورة البقره
والله احس نار داخلي الدنيا واقفه من سنين
تخيلو تخرجت يوم كان عمري 22- واحين 27
وسيرت هالعرس زادتني هم والله

حد منكن جي تامه ف البيت سنين مكانها​

 

[Moim]

الله يصبرج ويفرج همج انا اعرف بنت جذي تخرجت وقعدت بالبيت وكله قاعده بالبيت توظفت بس كلش ما تحتك بالناس محد يشوفها عشان جذي ما تنخطب وايد قليل ومافي نصيب
انا اقول اختلطي بالناس يعني قدمي على اكثر من مكان حتى لو قطاع خاص اختلطي بالمجتمع خلي الشباب يشوفونج وخلج على اخلاقج يعني احتكي بالمجتمع بحدود المعقول

 

[بطوووطة$بيضة]

انا جذي وهذا نصيبج انا تميت ادرس بالجامعه ٦سنين وبلغصب تخرجت...ورفيجاتي اللي تخرجت وتزوجت واللي اشتغلت ....ونطرت عقبها حق الشغل سنة يعني يوم توظفت انا عمري٢٤ وليلحيني قاعدة وكل بنات عايلتي اللي كبري تزوجوا وانا الحين الوحيدة اللي ماتزوجت

 

[إمارتية عسل]

انا مقدمه ف قطاعات خاصه
وعادي عندي اختلاط
بس سبحان الله ماتوظفت

 

[راقية بذوقها]

يشرفني اني اول وحدة ترد عليج خيتوووو صدقيني اني مو الوحيدة اللي تاخرت بالزوااج والوضيفه انمثل حالتج وازيد انخطب كثيير والله مايكتب والوضيفه ماحصل نصيب بس انا في شي معطل اموري عين قووية فيني وانا للحين اعالج وتوني رايحه الخميس اللي فات خطوبة وشفت اللي اكبر مني وكبري واللي اصغر مني كلهم متزوجات وعندهم عيال بس والله عاادي فرحت للكل ولا كانه شي ناقصني واشووف نضراات الاعجاب من الجميع واني حلوه واخلاق وكل شي بس هذا الدنيا كل واحد ماياخذ الا نصيبه صدقيني ربي خاش لج الاحسن والافضل انا هاذي قناعتي كل تاخيره فيها خيرة وان ربي خاش لي الزوج اللي كل بنت تتمناه وربي كل ماتفنكشت خطوبه لي تدرين شقول اقول اكيد هذا مايستاهلني والا كان ربي كتبه لي انا استاهل الافضل وربي اكلمج وانا حدي تعبانه اليوم صار لابوي سنة من توفى مع الحزن زادت حالتي وتعبت من العين بس مستمرة بالرقية اوصيج بالدعاء ولاتهدين سورة البقرة وصدقيني بيجي يوم وتفرج اسال الله العظيم ان يرزقج بالزوج الصالح والذرية الصالحة والووظيفه الزينة الله يقدرني اني ادعيلج انتي وكن غريبا وكل بنات المنتدى نصيحتي الاخيرة تفائلي مهما يصير وبتشوفين الخيير

 

[إمارتية عسل]

انا عادي الزواج مب وايد ف بالي
خاطري صج اتوظف احس العمر طار وانا ماتوظفت

 

[صديقه فله]

الله يسعدج يارب وتكون هدا السنة سنة خير وبركه عليج يااارب تتوظفين وتتزوجين
آمين يارب

 

[اميره1980]

ان شاء الله تتوظفين باسرع وقت
و اذا قاعدة بالبيت جذي دشي دورات او كملي ماجستير
اختلطي بالناس و كوني معارف وايد و ان شاء الله ربي يكتبلج النصيب الزين

 

[إمارتية عسل]

مشكورات ع المرور خواتي

اميره 1980
وصديقه فله

امين يااااااااااااااااااارب

ومشكورات ع الدعوه

 

[golnaz]

عسى الله يفرجها عليج يارب وربي بحققلج كل الي تبينه بإذن الله تعالى

 

[مس قطريه]

انا عندي حد من اهلي جي ربعها اللي صارت مهندسه والصيدلانيه
ووووالخ

الا هي ظلت مثل ما هي ولا تغير فيها شي بس انها توظفت

حبيبتي انا من رايي ضيفي ع حياتج شي مشروع مثلا ،،هوايه،،روحي تطوعي في مكان

لين ما تحصلين وظيفه ،، واختلطي بالناس والطيبون للطيبات ودايما قولي

الله خاش لي الشي الاكثر من روعه

 

[قــل مـا تـشـاء]

الله يفرجها عليج حبيبتي
إذا كل شي متوفر لج ليش ماتقدمين عالماستر او تاخذي لج دورات وشهادات
أفضل لج ,, شوفي 5 سنين وانتي جالسة صعبه الوحده تظل على حالها ,, قدمي عالماستر وابدي من ألحين شوفي الجامعات
والا البعثات أطلعي من الجو اللي انتي فيه ,, وإذا بتدرسين الماستر بتاخذينها في 3 سنوات والا 4 بالكثير وبتحصلين لج أحلى وأفضل وظيفة ,,
تواصلي مع الناس لا تجلسين في البيت ,, أطلعي روحي تمشي سيري على صديقاتج ترا الطلعة لاهي عيب ولا هي حرام ,,
واستمري على الاعمال اللي انتي تسوينها ,,
الله يفرجها عليج ويرزقج بالزوج الصالح والوظيفة السنعة ,,

 

[كلهآ ملح ..}]

حبيبتي آمآرآتيه < وهـ فديت طآري آمآرآت

شوفي يآلغاليه كثييييييير وصلو لـ 35 سنه لا زواج وولا وظيفه كل شي ربي كاتبه ومقدره
وماتدرين ربي وش كاتب لتس الخيره ولا تتضايقين ولا شي يالغاليه
وكثثثثثثثثري من الاستغفار بنية اي شي تبينه مثل الزواج _ الوظيفه او اي شي بخاطرتس وصدقيني ربي بيفرجها عليتس وهالشي حييل بسيط [ الاستغفار ]
لكن له عجججججايب سبحان الله .!!
فديتس وبرضو حاولي تختلطيين بالناس .~!

ويآآآآآآآآآرب مايجي رمضضآن الآ وآنتي متوظفه ومتزوجه وحامل بعد *_^

 

[Tom ♥ Jerry]

,



الله يفرج همج حبيبتي !

عليج بالصبر و الدعاء ، عسى الله بكتب لج الي فيه الخير
و كل تأخيره فيها خيره ؛)

الله يوفقج يارب !

 

[روح مووود]

الله يفرج همج حبيبتى

 

[القصيدة]

السلام عليكم و رحمة الله و بركاته

الله يوفقك بالزوج الصالح و يرزقك الأسرة السعيدة و الوظيفة المناسبة

و على فكرة غلاتي كثير بنات يتأخر زواجهم و ما فيه أي مشكلة :eh_s(17):

​

 

[Looly2]

لاتتضايقين ولاتفكرين..وكلي امورج لرب العالمين..وصلي وادعي والله ان شاء الله بيفرجها عليج وتتزوجين وتتوظفين بنفس الوقت...
انا لي متخرجة 15 سنة تخيلي..لاوظيفة ولازواج والحمدلله صابرة ..صحيح اتضايق ساعات لما اشوف فلانة تزوجت وفلانة صار عندها عيال..بس لما افكر اقول اكيد ربي مخبي لي شي احسن من اللي انا اتمناه (( ولسوف يعطيك ربك فترضى ))..واعتبره هذا اختبار لايماني ولصبري..وياربي لك الحمد ماضعف ايماني بالعكس بهالفترة زاااد اكثر من اول..والله يجيب اللي فيه الخير.....

عسى الله يسعدج ويوفقج ويرزقج اكثر من اللي تتمنينه ياااااااارب :yaaaaaarb:​

 

[قموشه21]

إلـزمـي ًالأسـٍسـتـًغـفـآآأآر ..

 

[إمارتية عسل]

مشكورات حبيباتي على المرور
والرد
والدعوات الحلوه