حدي مقهوره تعالو

[عاشقة-الكفيل]

السلام عليكم



واااي بنات غثى صارلي يومين نايمه بيت اهلي لظروف خاصه وامس من الغبار ماقدرت ارد ..
المهم زوجي اليوم ياي يتغدى عندنا وانا حدي ولهانه عليه واساسا كنا متفقين نطلع اليله ..
بس صارت حركه ومادري منو الغلطان والحين انا بداري واهو بروحه قاعد تحت ويا امي ..

اول مانزلت كان قاعد بالصاله وامي بالمطبخ تنجب الغدا قعدت يمه اسأله وين بنطلع اليوم وجذي .. جان تطلع لقطه خايسه وحده لابسه قطعتين وتسوي حركات :eh_s(1): واهواا يبي يغير والخدامه صماخها مغطي عالرسيفررر .. وانا طفارتي هاللقطات تطلع..
جان اقوله غير وايد عاجبتك اللقطه يعني ..؟؟

جان يقول خو بيغر ماتشوفين الريموت معلق ..
قتله معلق ولا مستانس ..؟؟

جان يقول اي اي مستانس وعناد عليج بحطه ..

ورد حط القناه والخايسه ليلحين واقفه واتسوي حركات ..
جان اقوله عاند روحك وطالع بروحك .. جان اهده واقول حق امي مابي غدااا ..

وانا ماشيه جان يزفني انتي ياهل وماتستحي والحشيمه لامج ولا جان هديتج ورديت البيت ..

انا حقرته وصعدت غرفتي فوق


بنات شرايكم بذمتكم مو حركته تبط الجبد

حدي مقهوره

 

[جلكسيه اس 3]

حبيبتي يعني انتي بروحج قلتي
اهوا يبي يغير والخدامه
صماخها مغطي
نصيحه تاسفي له

 

[مضاوي 75]

لا طبعا حركته مافيها شي

لان لو كلن يبي يشوف مقاطه بايخه مو عند اهلج

وانت قلتي الخدامه كانت مسكره عليه وهو حاول يدور القناه ...بس انت استفزيتيه برده فعلج

نصيحتي انج تنزلين له الحين وتراضينه الي سويتيه غلط ...اسمحيلي هذه رايي وانت طلبتيه

 

[عاشقة-الكفيل]

بنات انا الي حرني بس شكو يرد يحط القناة بالله امي طلعت من المطبخ وشافت :/ اشتبي تقول بالله نسيبي جليل حيا ؟؟

 

[@ام يوسف@]

بصراحه اختي انتي اللي غلطانه تشوفينه يبي يغير القناه وعلق الريمونت اقول تعوذي من الشيطان ودقي عليه وتسامحي منه وبعدين انتي اتفتحين عيونه

 

[عاشقة-الكفيل]

مشكوره ام يوسف والله اغار لما اشوف جذي لاشعوريا ماتحمل زوجي يطالع هالسوالف حتى لو بالغلط

 

[La6o0oFa]

كلامي نفس كلام اختي ام يوسف كفت ووفت

 

[شموسة كيوت]

مشكوره ام يوسف والله اغار لما اشوف جذي لاشعوريا ماتحمل زوجي يطالع هالسوالف حتى لو بالغلط

سيم سيم

والله لو بالغلط اقوم الدنيا مابية يطالع


بس عاد خلاص انتي تسامحي منة وخيركم من بدا بالسلام

 

[عاشقة-الكفيل]

شموسه اشلون اتسامح منه اتوقع الحين حاقد علي كافي خليته بتغدا بروحه ويا امي :/

 

[بتبوتااا]

حياتي انتي كبرتين السالفه اهو كان بيغير وعلق وراس الخدامه هم مغطي بس انتي نرفزتيه واهو عاند والريال ما ايي بالعناد نصيحه راضيه وتأسفي ياقلبي ,,

 

[عاشقة-الكفيل]

مشكوره بتبواااتاااااا بس اشلون اراضيه << اتحاتي الطلعه بليل :<

 

[white**angel]

معروفين الريااييل كل ما تعاندينهم وتراددينهم يعاندون زيااده يعني ماله داعي تقوليله جذي اهوا لو بيشوف هالاشياء بيشوفهم من وراج مو جدامج

 

[جلكسيه اس 3]

حبيبتي مسج واحد منج
ايلين قلبه

 

[((shoOoshoOo))]

بصراحه انتي الغلطـانه
دقي اعتذري منه قوليه انا اسفه تنرفزت بسرعه

 

[انا لحبيبي .]

حبيبتي انتي الغلطانه ،، لانك انتي حكيتي انه هو كان بدو يغير بس الخدامه واقفه

ورجعها لانه عند ،، والرجال ما بحب المره يلي بتكبر المواضيع الصغيره عشان هيك رجع القناه

وبدك تصالحيه // كلميه واتصلي عليه او ابعتي مسج واحكيلو انا بغار علييك مو بايدي ​

 

[KOKO_284I]

حبوبه انتي الغلطانه الريال بيغير وانتي قاعده اتقوليله بطالع


انتي حرتيه بزياده لا تزعلين مني انتي الغلطانه كان المفروض تطلبين من الخدامه تذلف من جدام التلفزيزن

 

[Ameeraaaaaa]

مسج حلوووو
بكلمات منتقاة
وشوية عبارات دلع
توفي بالغرض
واذا علي غداه بروحه قوليله اعوضك واتعشي معاك
ههههههههههههههههه

 

[زوجة عزيز]

اهي حركته مو بس اتبط الجبد الا تفقع المراره لين بجونا قالو ياهل وياهل صج يقهرون والله

 

[honey lust]

تبين الصراحه انتي اللي حركتج تبط الجبد

يعني بنفسج قلتي كان بيغير بس راس الخدامه مغطي عالرسيفر !!!!

 

[sheraZia_Q8]

الله يهداج انتي تناقضين نفسج بنفسج
تقولين الخدامه صماخها مغطي على الرسيفر
بعد ليش تزفينه وتعكرين الجو

بدال هذا دام قالج الرسيفر معلق جان مسكتيه من حنجه وبدلع لفيتي ويهه عليج وقلتي له بدلع اغار تره انا ورمشتي عينج وتتدلعين
بدال الهوشه والعناد هذا

مو حرام كسرتي فيه وخربتي طلعتكم
قومي ولا تخربين على نفسج هالايام ما تعوض ولا تنسي
قومي تراضو انتي وياه وخلاص