حدي صايره مو خوش ام :(

[يا حلوه يا انتي]

امهات لحقوني صاايره حدي خوار ملييييييييت من التدريس تعبتتتتتت مالي خلللق

انا اللي كنت اجااابل بناتييي بالساعاااات حل واجبات و تدريس و مراجعه و نسخ و تدريبات وووووووو


صايره بس اساعدهم بالوااجب و اسكر جنااطهم خلاااص

 

[قناديل الخير]

الله يعينج ويعينا واعتقد الأغلبية الحين واصلين للمرحلة هذي بصراحة ملينا وتعبنا امتحانات ورى بعض كلش ما في راحة باجر على بنتي امتحان علوم قصير مالي خلق افتح الكتاب ادرسها

 

[^kloOot^]

انا ماخذه اجازه بس عشان اجابل ولدى اللى بروح الابتدائي اهو بروضه


وتعبانه بشكل مو طبيعي


الله يعينهه والله

 

[شيــوخه]

الله يعينج ويعينااااااا

والله انا حتى لو مالي خلق ادوس على نفسي وادرسهم مامدنا خلصنا امتحنات الا ردو امتحناااات باجر بنتي عليها امتحان قصير علوم والثانيه عليهاااا انغليزي على الله بس عيزت تعبت وانا انسخ واشرح والحاله حاله الحال من بعضه وانا اختج خليها على الله

 

[الحراير]

اي والله كلنا مثلج بس لازم نجابلهم يالله هانت مابقي شي وربي يوفقهم

 

[منيرة خالد]

الحال من بعضه

انا بعد مثلج >> اجابل الجنطه واقولهم افتحوها وطلعوا واجباتكم حتى ما لي خلق افتح الجنطه


اف صج مليت

بس عقب فتره اضغط على نفسي واشوف شنو مو فاهمين واذا دورتهم القاهم منحاشين لحديقه البيت


حياتي بس صراخ عليهم مساكييييييييييييين احس انهم ملوا اكثر منى وخاصه واهم يردون الظهر والله ان وجيههم حمراااااااااا من الحر

الله يعينا

 

[حضاره]

هانت وانا اختج 00مابقى الا القليل00تحملي شوي

كل هالتعب باجر بيهون لما تشوفين درجاتهم عااااااااااااليه 00الله يوسع صدرج ويوفقج مع عيالج يااااااااااارب

 

[أم عبووووود]

الله يعينا يارب

ماعليه ياقلبي تحملي كلها جم يوم ونرتاح

والله كلنا وصلنا لهالمرحلة حتى اليهال بالغصب يدرسون

ربي يوفق عيالي وعيالكم

 

[الرياش]

اتصدقين حتى انا من بدا الكورس الثاني وانا هاملته ما لي خلق بس أقوله يحل الواجب وعقب أشيك من وراه حتى ساعات ما أشيك بس أهو اسم الله عليه شاطر وايد مريحني

 

[سبائك]

ماتنلامين الصراحه حياتنا صارت تدريس بتدريس!!!!!

يعني هم احنا ورانا حياة اجتماعيه واليهال يبون يلعبون يستانسون مو بس دراسه بدراسه شصاير بيطلعون عيالنا علماء المستقبل!!!

 

[أمانيQ8]

كلنااااااااااا طاقه اجبودنا بس ما اقول الا ويييييييييييييينج يالعطله

 

[:: Diva ::]

حياتي انتو كلكم
الله يعينكم

حاولو تعلمون اليهال اهم يدرسون بروحهم و انتو شراف واجب و تحفيظ ونسخ

 

[رفرف]

حبيبتي المفروض هذا الصح لا يأنبج ضميرج ..
علميهم يدرسون بروحهم وانتي اتابعين بس اريح لج واحسن لهم

 

[حروف من ذهب*]

اي والله خلصت بطاريتنا تعبنا

 

[همسات ليالي]

والله ما ألومج ملينا

هانت باقي شهررررررررررر ونرتااااااااااااااااااااااح

الله لا يخسر التعب