حدي تعبانه ساعدوني

[الغلا مشاري]

شلونكم بنات...
ياريت تفيدوني..
انا اجهضت ب عاشر اسبوع وسويت تنضيفات وعقب 20يوم نضفت وبعدين جتني دوره اسبوع وماحملة
وقالتلي الدكتوره من تجيج الدوره اكلي حبوب منع الحمل ياسمين ومن اكلتهم وانا بس تعبانه والدوره ماوقفت صارلها 13يوم وحدي تعبانه صدري وراسي وارحامي تعورني ... هل العراض هذي من الحبوب . اقطعهم عادي وذا قطعتهم احمل .. نفسي بالحمال..

 

[أميرة 22]

ليش تاكلين حبوب وانتي تبين حمال

وتعب الي فيج من حبوب تلعب فيج وتدوخج !

 

[M!SS.LOBY]

الله يشافيج ما تشوفين شر
حبوب الياسمين موشي

 

[زيووونتييي]

حبوب ياسمين محد يمدحها وبعدين اذا بتحملين تاخين محفزات مو موانع

 

[الغلا مشاري]

قالولي عشان تنتضم دورتج وتعدل الهرمونات..

 

[# غنوجة بيبي #]

اقطعيهم و توكلي على الله
عسى ربي يرزقج و يثبت. الحمل الجاي باذنه

 

[الغلا مشاري]

رحت الصباح وسوتلي الدكتوره فحص داخلي وتحليل دم هرمون ..وقاالتلي مافيج شي وستمري ع حبوب المانع

 

[نونو جين]

مالج شغل فيهم قطيهم انا جذي خذيت حبوب مانع وماوالمتني وقالو لا ماله شغل الحبوب ورحت حق مهجه البدر قالت هديهم وجم يوم بتوقف ووقفت الحمد عقب فتره عيرت النوع واوكي

 

[نونو جين]

في حبوب تنضم الدوره ماتمنع الحمل اللي تصير لونين

 

[# غنوجة بيبي #]

نونو اي لونين ابيض مع بني
حيل زينات

 

[3aly mstway]

لااااااااااااااااااااااااااااااااااااااا


نصيحه ريحي اقل شي اربع شهور انا حملت واجهضت وحملت وراه واجهضت الثاني الرحم تعب


ريحي ريحي تكفين لا تغلطين مثلي وتعبين رحمج

 

[قـــمـــرهم]

ارتاحي ع الاقل 3 شهور بعدين فكري بالحمال عشان ترتاحين ويرتاح جسمج

بس نصيحه اكلي حبوب فوليك اسيد يوميا حبه عشان يهئ رحمج للحمل

وحبوب المانع انا ما احبها سوي اي طريقه عشان ماتحملين هالجم شهر والله يكتبلج اللي فيه خير

 

[دلال و غلا]

اي هالتعب من الحبوب و ياسمين ما تصلح للكل و قويه وقفي الحبوب و خلي المانع طبيعي كم شهر عقب فكري بالحمال

 

[Shop Girl]

استشيري دكتوره غيرها

 

[نـور الكويت]

لا والله قطي الحبوووب شكو تعطيج منع حمل

قطيهم والله يرزقج ي قلبي

 

[الغلا مشاري]

جزاكم الله خير يا بنات♡
قالولي عن الحبوب الي تنضم الدوره يمكن اسمها أقمنتين ع ماأضن .. وحبوب فولك اسيد صارلي 3شهور اكلهم .
بستمر ع المانع جم يوم لمن يخلصون وسوي ان شاءالله بعدها منع طبيعي بدال مالعوز نفسي بالحبوب ..والمن يفرجها ربي..♡♡..