حجم راس البيبي

[محسن ولدي]

مرحبا بنات شخباركم
بنات انا حامل باقيلي 5 ايام ادخل شهر
وطول فترة حملي يقولون الوضع طبيعي بس قبل اسبوع راجعت والا الدكتور يقول راس البيبي كبير واحتمال كبير اولد عمليه
للعلم انا حملي الاول كان ولدي فيه ماي براسه وكان راسه كبير ولدته بعمليه باول التاسع كان مقاس راسه 44 بس ولدي من اخر الشهر الخامس بين معاهم ان راسه كبير
والحين باقيلي كم يوم وادخل شهري ويقول مقاسها 36 وخايفه ..... ويقول الدكتور هي باخر قياس للوضع الطبيعي

 

[محسن ولدي]

للرفع ولا وحده ردت

 

[حبيبي مالكني]

هالدخاتر لاعبين فينه
انا بحمالي الثاني قالو لي البيبي وايد كبيرة ومستحيل تولدينها طبيعي
ويوم ولدتها طلعة نتوفه حتى الكل يقولي وين الدبة الي قالو بتولدينها

 

[bubble.gum]

اب
اب
اب
اب

 

[أخاف اجرح]

ان شاء الله ماكو الا كل خير يارب

 

[زيووونتييي]

نصيحه لج الدكتور محسن طلبه متخصص بهالاسياء روحيله وبتولدين طبيعي أن شا الله ومنتي خسرانه شي روحيله وبتدعيلي

 

[ام الحلوااات]

اللـــــه يـــقــــومــــج بــاالـــســـلامــــه انـــتـــــــي والــــبـــيــبــي

 

[ام عفراء]

الله يسهل عليج ويقومج بالسلامة


بس حبيبتي دام ولدج الاول كان فيه ماي براسه

انا اقول لا تسكتين وروحي اكثر من دكتور و شوفي رايهم

واعتقد بالسونار يبين معاهم تجاويف الراس وكمية الماي .. والا ؟؟

...

والله يطمنج عليهم يارب

وانا اشوف اهم شي حاليا تعرفين حالة الطفل

بغض النظر عن قيصري او طبيعي

وسألي اكثر .. لانه اخاف تصرين عالطبيعي وياثر عالراس بعد

...

بس ماقلتي الاول لما جبتيه يعني احتاج عملية للماي والا لا ؟؟

وماعرفوا شنو اسباب الماي بالراس ؟



الله يسهل كل امورج

 

[محسن ولدي]

اي حبيبتي ولدي من جبته سووله عمليه انبوب براسه وقعدت عليه 4 سنين ونص بس ولدي من وانا حامل بالخامس قالوا لي راس البيبي كبير وفيه ماي براسه والماي حول البيبي بعد واجد ... والحين حامل اليوم لي ثاني يالتاسع وطول فترة الحمل كل شي طبيعي بس اصدموني قبل اسبوعين يقولون راس البيبي كبير مقاسه 36 بس التجاويف مافيها ماي ... ويقول الماي حول البيبي نازل شوي مو واجد مايخوف

 

[زيووونتييي]

لا تقعدين جذي جربي روحي حق محسن طلبه ما تندمين

 

[محسن ولدي]

انا رحت للدكتور ماجد الشمري تخصصه اجنه و رحت دكتور منصور العرف
محسن طلبه وين عيادته عطيني رقمه جزاج الله خير

 

[M!SS.LOBY]

إن شاءالله سهالات

 

[ام عفراء]

الله يطمنج عليهم يارب

وبخصوص الماي اللي ناقص .. اهم شي لاتبذلين مجهود زايد

وعليج بماي زمزم بنية الشفاء .. وحاولي دايما تقعد وتمدين رجولج او تنسدحين

عشان الدم ماينزل للرجل ويوصل للمشيمة اسرع

...

انتي خذيتي بيبي اسبرين ؟ في حملج هذا ؟

لانه انا قالولي انه يساعد في تغذية المشيمة ..

 

[*مطبخ الذواقة*]

انا من رايي تاخذين أكثر من راي

بصراحة دكاترتنا مو هالكلام اللي مسمار بلوح

الله يهون عليج

 

[زيووونتييي]

محسن طلبه بمستشفى الأمومه يدوام الساعه 3 العصر لي الساعه 10 بليل. بس وأيد زحمه عليه نصيحه دقي عليهم الصبح وأخذيلج رقم بالتلفون بالساعه اللي تبينها عساس تروحين تدخلين سيده طبعا تكونين فاتحه ملف بعد. وهذا رقمهم 24997000

أن شا الله ما راح تندمين وترا شاطر بهالسوالف. جربي منتي خسرانه