حبي له موطبيعي :)

[نمسآونه]

السلام عليكم
شلونكم الجووووووو عجييييييب بس ماطلعت مقزرتها بالحديقة قاعدة
المهم انا ادماااااااان كوفي ادمان مو طبيعي يعني باليوم 12اكواب اشرب سواء بلاك كوفي كبيتشينو نسكافيه لاتيه تركش فرنسي اسبريسو يعني الحارة مع قهوة عربية بس اشربها المغرب والباجي وزعوهم ع اليوم لدرجه مرات اشرب كوب واسوي ثاني ع طوووول
احد مثلي ابيه احس اني مو طبيعية وانا اكل ما اكل الا جبة الغدا او مع الكوفي بسكت او كوكيز
مرات افطر لو كنت صايمه عشان كوووفي
اخااااف بعدين له اثر

 

[عشقك وطن]

كل شي يزيد عن حده مب زين



12 حيل واجد والله


2 احس كافي وزود بعد

 

[حسبنآ الله]

ابيييه ماشاءالله تبارك الرحمن
حبيبتي مو زين تكثرين احسه يضر في صحتج
حاولي انج تخففي

انا اشرب نص كوب بس كبير واحس اني شربت وااااااااايد هههههههههههههه ومااقدر اكمل الباجي


حبيبتي حاولي تخففي مايصلح تكثرين

 

[FeShinGoOo]

انا مثلج مدمنه قهوه وحتى صورتي الرمزيه قهوه لان اموت فيها بالدوم اشرب 3 مرات كابتشينو وربعه طبعا غير الفرنسيه والعربيه يمي مطاره اشرب واعبي واعبي واشرب

اتصدقين بالعكس احس القهوه اتنظف المعده حتى القولون احس خف عني وزينه حق الرجيم

بس لاحظت بالفتره الاخيره دقات قلبي صارت سريعه ولما اسجد اختنق مادري له علاقه ولا لا ؟؟

 

[لوفيه]

مووووووو زين اسم الله عليج

والله العظيم خالي من كثر مو مدمن قهوة انسميه كوفي

٢٠ سنة يشرب كل انواع القهوة اللي ذكرتيها ادمااان

والحين عمره ٤٦ تدرين شفيه ؟ والله يتراواله احد يكلمه ويرد عليه مع ان مافيه احد يكلمه

والله نخاف نقعد يمه والدكتور يقول جسمك فيه نسبة كافيين كبيرة حيييييل

ومع العلاجات ومافاد ماقدر يقطعها وللحين يكلم نفسه

وزوجي نفس الشي مدمن قهوة

وربي سوا عملية حق ريله وكل اشوي يصحى واهو بعز عمليته ويعطونه ابر عشان ينام لان دمه متشبع بمادة الكافيين

وتخليه صاحي حتى البنج ماينفع معاه

عسى ربي يحميج ويفكج من هالادمان

 

[مُخملْ]

آنآْ قبلْ كنتْ لآزمْ آشربْ كوبْ ولآكوبينْ فاليومْ ،
بس الحمدلله تخلصتْ من ه العادةْ
قمت اشرب اقل بواايددْ

كوبينْ آحسْ منآسب بس 12
نووو وي مضضر حبيبتي
حآفظي على صحتجْ واضبطي نفسجْ شوي

آقري اكثر عن اضرار آدمآن الكآفيينْ
على الجسمْ

اقل شي تلاقين تآثيره على البشرة
شحوب وهالاتْ وامتصاص للفيتآمينآتْ ،
وهشآشه عظآمْ... والقآئمة تطولْ

حلوْ لمآ نحآفظْ على عآدة ْ تخصنآ ،
لكنْ بآعتدآلْ =)
وو كل شي يزيد عن حده ينقلبْ ضده
حآفظي على صحتجْ

 

[ميس المشاعر]

مثل ما قالوا البنات
موزين نسبة الكافيين قويه عالجسم وتسبب اعراض خطيرة الله يكافيكم شرهااا
حاولي تقطعينها نهائياا على الاقل بشكل تدريجي والله موزينه انا حدي قلاص واحد بس لا ومو كل يوم
مرات اذا عندي امتحان وتخليني قاعدة لي الصبح واروح مو نايمة هذا بس قلاص واحد
انتي شلون تقدرين تنامين والله خطر .... الانسان الطبيعي اذا ما نام يومين كاملين يسير في شي مو طبيعي
ديري بالج على صحتج

 

[سويت فانيلا]

حبوبه موزين وايد

 

[شموخ ممطير]

حاولي تدمنين على العصائر الطبيعيه افيد بكثير من الكافيه على الاقل تعوضين نسبه الحديد الي راحت من جسمك

 

[Laidy n3ooma]

انا بعد ادماااااااااااااااان لدرجه ان محد يكلمني الصبح اول ماقعد من النوم قبل ماشرب الكرك او النسكافيه

واليوم اللي اداوم فييييه بدون هل خرابيط لازم اتنرفز على حد ويصير مزاجي زفففت لابعد الحدوووووود

والله مب زين لنا ياثر على المخ والاعصاااااااب

 

[" ام حمود "]

مو زين شنو هذاا هههههههههههههه مااشاءالله تبارك الرحمن
بس خففي صرتي مدمنه علييه

 

[وردة الدوحه]

أنا أحس يومي ناقص اذا ماشربت الكابتشينو أول ما أصحى من النوم
بس ما أزيد عن 3 أكواب فاليوم
وحاولي أنج ماتشربينه بعد ال6 فالليل لانه بيسهرج
احلى شي فالدنيا القهوة اللي لايهين من اخترعها
مالومج هههههههه

 

[شمس 20]

ههههههه

اي انا بعد امووووت ب القهوه والله بشكل مش طبيعي

 

[فلنتينو]

الله اشتهيت القهوه الحين
خل اقووم اسويلي كووب

الحال من بعضووو يانمساويه:eh_s(22):

 

[عزة وكبرياء]

ماشاء الله بس وايد تشربين خففي منها احسن انا كنت أشرب وايد قهوة تركية بس قامت معدتي تعورني حيل وتركتها والحين اشرب بس على المزاج مو كل يوم واشرب نسكافيه هم موكل يوم احس ه ثقيل مااقدر اكمل الكوب شلون انتي تشربين 12لازم تخففين حبيبتي موزين ومثل ماقالو الأخوات كل شي يزيد عن حده ينقلب ضده ​

 

[Unusual]

لاتكثري كوفي .. عشان لايسببلك خفقان بعييييد الشر عنك وعن حبايبك ..

 

[™〓 تۈڷيـــטּ~»❀]

اانا بعد ادمان كووووووووووووووفي
اذا ماشربته مرتين باليوم اصدع وايد

وخاصتا احين الجو حق كوفي والجو قاعد يحلووو معاه ياخراااااااااااااااااااااااااااااااااااااااااشي احبه هههههههههههه

 

[- BambeNo -]

شي غير طبيعي ..
حبي حاولي تتمسكين نفسج لأن كثرته تضر .. ومامنه
فايده .. أحس 2 فاليوم يكفي ..

 

[* شوية أمل *]

شالجبد اللي علييج !
ماشاءالله


حاولي تخفيين

 

[Only One]

يا للهول ما هذا!!!

12 كوب! اتقي الله يا امرأة!

حرام عليج احس تووووووو متش والله شنو هذا امبيه لا انتي مو من صجج اتحجين مو؟!

واااي الكوفي وااايد يسبب لي جوووع مو طبيعي واحس دمي قاعد يمشي على مطبات ولما انام احس قلبي يدق بسرعة هذا وانا اشرب كوب - كوبين باليوم ومن طبعي لازم اشرب لاني لما اقعد من النوم اكون مصدعة وحدي متنرفزة ومعصبة ادور عالكوفي حشى مخدرات مو كوفي صار صج ادمان...

بس انتي 12 كوب؟! يا الهي!

حرام والله عاد كل شي ولا الصحة

حاولي تخففين تدريجيا يا أم كوفي


​