حبيب رفيييييييييييجتي

[غرق بالماي]

مرحبا بنات انا بقولكم سالفه رفيجتي



رفيجتي تحب واحد تموت فيه واهوا بعد يموت يموت فيها


واهوا يغير عليها حيل مايخليها حتى تطلع من البيت حتى اذا صار عندها عرس عمامها ولا خوالها


يقول لها ماتروحين واذا تبين تروحين ماتلبسين نفنوف حفر ولا تروحين الصالون


ولا تحطين مكياج وتقعدين بالكرسي حالج حال الضيوف ماتتحركين من مكانج

واهي تفسيتها تعبانه ودها تطلع تروح وتجي مع اهلها بس مايخليها تطلع


وفكر يخطبها واجه خطبها بس صارت شوي مشاكل وماصار نصيب


وكان يقول لها لو تزوجتج ماتنامين عند اهلج اوديج العصر واردج بالليل


وسوق ماسوق ريلي ع ريلج ماتروحين ويا اهلج


واهي تتضايق من تصرفاته بس يدق عليها يسالها فوق العشرين مره


منو دق عليج منو طرش لج مسج حتى لو رفيجتها طرشت لها مسج يتهاوش وياها


هذي رفيجتج ماتستحي مطرشه لج مسج كله غزل وحب ومن هالكلام


حتى لو حفت بشيره جسمها كله يضل يصارخ اشحقه حافه حق منو واهي الحين لو حفت صارت ماتقوله



اهي تحبه حييييييييييييييييييل وتموت فيه ومستحيل تعيش من غيره بس محتاره من سوالفه


وماتدري شنو تسوي تقول لو الله كتب لنه نصيب وتزوجنه زواجنه ابيستمر ولا راح تصير حياتنه


كلها مشاكل ابمشاكل اهي تعبانه ومضايقه ماتدري شنو تسوي


امانه لو كل وحده فيكم اشراح تسوي

 

[إيمي1987]

الله يعينها

وبصراحة دام خطبها وصارت مشاكل وكلش راح تفقد منه الامل انهم يجتمعون ببيت وااحد

شحقى تكمل معاه

صحيح انها تحبه بس لازم تستحمل الفراق تبتعد عنه احسن الحين اكثر ما تتعلق فيه ويصير مستحيل تنسااه او تتناساه


خل يتقدم مرة ثانيه لها عشان يثبت لها انها يبيها واذا الله سهل عليهم عسى الله يهنيهم

اما اذا صارت مشاكل مرة ثانيه فتتخلى عن حبها احسن

لازم بكل خطوت تفكر بعقلها قبل قلبها افضل

صح ان يمكن كلامي شوي قاسي ويمكن عديم احساس

بس والله حبوبة خل تفكر بعقلها قبل قلبها

واسئلته يمكن مو اسئله عاديه

يمكن شك فيها خل تتاكد من هالناحيه منه
موفقه يا رب وعسى الله يجمعها معاه ويسهل امورهم دام تحبه

 

[غرق بالماي]

بنات في واااااااايد عندي سوالف عن رفيجاتي كل وحده عندها مشكله


بس مااقدر اكتبها واطرحا بالمنتدى الا من اخذ رايها اشورها واذا رضت انه احط موضوعها راح اكتبه


لاني مااقدر اكتبه من غير اهيه ماتدري حرام وبعدين اهمه دايم يدخلون المنتدى هذا يقرون المواضيع ويطلعون


قولو النشالله يرضون انه اكتب مشاكلهم بالمنتدى

 

[سلطانه العتيبي]

والله اللي هذا اوله ينعاف تاليه

يتحكم فيها ببيت اهلها اجل لو صارت عنده بيحطها بقفص

والله مدري وش الحل الله يهديها للحل الصح

 

[eva beach]

هذا من اولها جذي عيل لو ياخذها شنو بسوي فيها ؟؟

لااااااااااااااا يبه خل تحط في بالها ان باجر لي صارت مرته رسمي

راح يتحكم فيها اكثرررررررر واكثررررررررررررررر

اصلا ماراح يصير لها راي نهائيا

وراح يتحكم في طلعاتها وروحاتها ويياتها وفي كل شي

والمشكله ان فوق هذا شكااااااااااااك !!

خل يووووولي مو من صجها متمسكه فيه لي الحين !!

مافي شي يخليها تتمسك فيه

انسان انااااني شكاااااك يبي يسيطر عليها !! ومايبي يسمع رايها ولا يناقشها !!

هذا باجر شلووون بتعيييش معاه !!

الحب مو كل شي بالدنيا

ترى الله عطانه عقل نفكر فيه

والله لي خذاها تتحسف قدددددددد شعر راسهااااا وتندم

طيب ليييش ؟؟؟

عشان تحبه ؟

يبه خلااااص تنهي العلاقه من الحين وتتعذب جم شهر

وترتاح تالي العمر

وصدقيني من ترك شيئا لوجه الله عوضه خيرا منه

اذا نهت الي بينهم بييها الي احسسسسسسسن منه ويسوااااه

وذكريها مع الايام راح تضحك على روحها ان شلون كانت متمسكه فيه !!

ادري بتقول صعععبه ومااااقدر واحبه وراح اموووت وماقدر اتزوج غيره ومن هالسوالف

بس صدقيني ماينفعععععععععععع كلللللللللللللللللللش كزووووووووووج

وبالاخير القرار لها كلن عقله براسه ويعرف خلاااااااااصه

ولي طاح الفاس بالراس ماينفع الحجي

 

[قلبي سلومي]

شنو هذا شلون متحملة جذي

الحمدلله ماصار نصيب خل تهده وترتاح

 

[Stylista_Q8]

على أي أسآس يتحكم فيها لهالدرجة ؟

أحسه مريييض !

ومدآم ماسار نصيب بس كل وآحد بطريج . . ليش إتعب روحهآ ؟ =/

مآلله كآتب . . ومبين من حركآته انه بيأذيهآ

وحبيبتي هذا مبين مو واثق برفيجتج !

والحب ينعدم بانعدام الثقة !!

فَ أي حب تتكلم عليه ؟

خل تهده والله يوفقها ويرزقها الريل الصالح ان شالله

 

[Tulips]

والله الشرهه مو عليه عليها اللي مخليه واحد من الشارع يتحكم فيها وتسمع كلامه

اهم اهم اهم شي مايخليها تحف

الحمدلله والشكر

 

[غرق بالماي]

والله قلت لها ونصحتها وايد من رفيجاتنه انصحوها بس مافي فايده البنت متعلقه فيه حييييييييييل



تقول انا مستحيل اخليه واهم تقول لو استمريت وياا المشاكل راح تزيد وتكبر تقول انه اهيه حالفه له ع المصحف انه ماراح تخليه ولا راح تبعد عنه يوم واحد واهي مره تنرفزت منه وسكرت جهازها ضل يدق ع اختها عشان ترد عليه ومن ردت عليه ضل يبجي \


ويصارخ


ماادري شقول لكم


يعني البنت بين نااااااارين

 

[غرق بالماي]

بنات نسيت اقول لكم انه اهواه مطلق وعنده اعيال 2


فاانا فكرت يمكن سبب غيرته من طليقته يمكن شايف عليها شي وصار مايثق بالحريم

 

[ورد]

ويع ويع ويع

ما احب البنت الغبية الي متمسكة في واحد شكاك وغبي ! وعلى اي اساس يتحكم فيها وتسمع كلامه ؟؟
وييي مو قادرة والله لاعت جبدي !!
وش هـ الحركات البايخة احبج بتحكم فيج لاني اغار !
قول اتحكم فيج لاني اشك فيج زي ما خنتي اهلج الي ربوج وتعبو عليج وكلمتيني الي انا جاي من الشارع لا تعرفيني ولا اعرفج يعني عادي بتكلمين اي زبالة تشوفينها !!!!

يعني ليش مستسهلين الموضوع ؟ وحتى لو صاحبتك ليييش تصاحبين وحدة بهـ الاخلاق ؟؟
ترى انتو والله قاعدين تشوهون سمعة بنات شريفات بهـ المواضيع ،، الكل ماخذ فكرة عن الكويتيات انهم بايعينها من المشاكل الي من هالنوعية وتنطرح في منتدى اسمه "كويتيات" !! مصورين ان شي عادي وحدة تكلم واحد ويعرف كل هـ التفاصيل عنها ويتصل في اختها يبكي ؟ مالت عليه من رجال ومالت عليها ما بينت تربية اهلها فيها وفي اختها !

ولا تقول لي حب شريف ولا بطيخ ،، الشريف ما يكلم ،، ولو قلنا ها يمكن الله يسامحه وكلم ما يتكلم بهالتفاصيل الوصخة ،، شنو يعرف شنو تحف وما شنو ما تحف ؟؟ هذا اذا ما كان شايف اكثر من انه سامع ! اجل ما يبيها تحف جسمها كامل ؟؟
انا زوجي حلالي ما قلت له وش احف وش ما احف هـ المرة واحد من الشارع يعرف وش حفت ؟؟

لا ولا تلبس حفر في زواج ؟؟ ليش ان شاء الله نايم عندها عشان يعرف لبسها ؟؟
والله والله انكم قاعدين تخربون سمعة البنات الكويتيات الشريفات بهـ القصص
وبعدين هذا اسمه منتدى الحياة الزوجية -- يعني العلاقة الي بالحلال ،، الي انشهرت قدام الناس والناس باركت لها وتمنت لها بالتوفيق بهالزواج ،، مو العلاقة الحرام الي بالخش والدس

جا خطبها ما صار نصيب كل واحد في طريق ،، شنو يعني حلفت عـ القرآن ؟؟ تحلف على انها بتسوي شي حرام على كتاب الله ؟ ما تخاف الله يخسف فيها ؟؟؟ يعني ما خافت من ربها يوم بتواجهه يوم القيامة من هـ العلاقة المحرمة الي ما لها اساس ولا صحة ؟ وبتخاف انها حلفت عـ القرآن ؟؟ تناقض عجيييب


مرخصة بعمرها ومتمادية معاه ،، والله اني مو متشددة لو هو صح يحبها ويخاف الله فيها وبيتزوجها ،، بس خلاص ما لهم نصيب في بعض ما له داعلي هـ العلاقة تستمر

والله والله اني ما كتبت هـ الموضوع الا من حر ما فيني على البنات الي قاعد يتعمم عليهم هـ الشي بسبة كم وحدة ما خافت من ربها ..

 

[Miss Chanel]

رد : حبيب رفيييييييييييجتي

ههههههههه مادري ليه ضحكتني سالفة الحف بكيفك مااحف لووول
بس مو بكيفه لاهو زوجها ولا خطيبها خطبها وماصار نصييييب
خلاص المفروض ماتسمع كلامه يعني هذي طايعته بكل
شي لو يقول قطي روحج بالنار هم تروووح ماعندها سالفه خل يولي

 

[!الجادل الصعب!]

دآمها راضيه ومسلمته رقبتها بالطريقه هذي من البدآيه خل تتحمل ..
و بعدين بيقولون لهآ النآس خبز خبزتيه يالرفله آكليه ..!
تحكمه غبي ومآله آساس وبصرآحه مستقبل علآقتهم غآمض ..
الا هو حبيبهآ او خطيبهآ ما فهمت ..!

 

[whisper]

ويع ويع ويع

ما احب البنت الغبية الي متمسكة في واحد شكاك وغبي ! وعلى اي اساس يتحكم فيها وتسمع كلامه ؟؟
وييي مو قادرة والله لاعت جبدي !!
وش هـ الحركات البايخة احبج بتحكم فيج لاني اغار !
قول اتحكم فيج لاني اشك فيج زي ما خنتي اهلج الي ربوج وتعبو عليج وكلمتيني الي انا جاي من الشارع لا تعرفيني ولا اعرفج يعني عادي بتكلمين اي زبالة تشوفينها !!!!

يعني ليش مستسهلين الموضوع ؟ وحتى لو صاحبتك ليييش تصاحبين وحدة بهـ الاخلاق ؟؟
ترى انتو والله قاعدين تشوهون سمعة بنات شريفات بهـ المواضيع ،، الكل ماخذ فكرة عن الكويتيات انهم بايعينها من المشاكل الي من هالنوعية وتنطرح في منتدى اسمه "كويتيات" !! مصورين ان شي عادي وحدة تكلم واحد ويعرف كل هـ التفاصيل عنها ويتصل في اختها يبكي ؟ مالت عليه من رجال ومالت عليها ما بينت تربية اهلها فيها وفي اختها !

ولا تقول لي حب شريف ولا بطيخ ،، الشريف ما يكلم ،، ولو قلنا ها يمكن الله يسامحه وكلم ما يتكلم بهالتفاصيل الوصخة ،، شنو يعرف شنو تحف وما شنو ما تحف ؟؟ هذا اذا ما كان شايف اكثر من انه سامع ! اجل ما يبيها تحف جسمها كامل ؟؟
انا زوجي حلالي ما قلت له وش احف وش ما احف هـ المرة واحد من الشارع يعرف وش حفت ؟؟

لا ولا تلبس حفر في زواج ؟؟ ليش ان شاء الله نايم عندها عشان يعرف لبسها ؟؟
والله والله انكم قاعدين تخربون سمعة البنات الكويتيات الشريفات بهـ القصص
وبعدين هذا اسمه منتدى الحياة الزوجية -- يعني العلاقة الي بالحلال ،، الي انشهرت قدام الناس والناس باركت لها وتمنت لها بالتوفيق بهالزواج ،، مو العلاقة الحرام الي بالخش والدس

جا خطبها ما صار نصيب كل واحد في طريق ،، شنو يعني حلفت عـ القرآن ؟؟ تحلف على انها بتسوي شي حرام على كتاب الله ؟ ما تخاف الله يخسف فيها ؟؟؟ يعني ما خافت من ربها يوم بتواجهه يوم القيامة من هـ العلاقة المحرمة الي ما لها اساس ولا صحة ؟ وبتخاف انها حلفت عـ القرآن ؟؟ تناقض عجيييب


مرخصة بعمرها ومتمادية معاه ،، والله اني مو متشددة لو هو صح يحبها ويخاف الله فيها وبيتزوجها ،، بس خلاص ما لهم نصيب في بعض ما له داعلي هـ العلاقة تستمر

والله والله اني ما كتبت هـ الموضوع الا من حر ما فيني على البنات الي قاعد يتعمم عليهم هـ الشي بسبة كم وحدة ما خافت من ربها ..

اي والله صاجة واتصدقين مو موضوع مهم ان رفيجتج اتكلم او لا احنا شكو !!!!!

عيب بس عيب مطلعه ان بناتنا عادي عندهم هالسوالف واعتقد المنتدى انحط حق الافادة مو حق الاشياء الفاضية!!!

صج اتمنى ينحذف الموضوع عييييب

 

[لبـى قلبـي]

أسم القسم الحيآة الزوجيه مو .......!

 

[F A R A W L A]

رد : حبيب رفيييييييييييجتي

​

اللي قعد يصير غلط
اليوم متحمله تصرفاته بس باجر لا
يغار عليها اوك خل يغار بس حلاة الغيره بالعقل
مو بهل التصرف
عرس ماتروح ولاحف تحف!!!
ليش مو بنت اهيا!!!!
صدقيني اليوم تحبه بس اذا ضل بهل تصرف راح تكره
منو يتحمل هالتصرف؟؟

خليها تواجه وتقوووله اللي يضايقها واذا ماكو نصيب
بينها وبينه خل تتركه ويتركها احسن لهم




​

 

[∫ ∫ ∫ ∫ جــوان ∫ ∫ ∫ ∫]

العلاقه من الاول غلط ولا شكو تكلم رجال غريب وتقوله انا احف وما ادرى شنو

وتدرين ليه اهى تعبانه نفسيا لانها ماشيه بطريق حراااام

خل تستخير وتتركه ومن ترك شيئا لله عوضه خيرا منه

اهى علاقه تلفون ومو مرتاحه اجل لو تعيش معاه شنو بيسوى فيها


انا هذا راييى

 

[المرتاحة]

هذا واحد شكاك و مو واثق بنفسه

والشرهه عليها اهي اللي معطته ويه اللي مثل اشكاله لازم تنفشه نفش لا هو مسؤول عنها ولا هو ولي امرها

امها و ابوها راضين اهو شكو

حتي لو تحبه المفروض ما تسمح له يتعدي حدوده

يا عمي طيييييييييييييييييير زين << على قولة اخوي


وبعدين اهي ليش مستمره معاه اذا اهلها مو راضين يزوجونه ؟!!!

 

[opera]

رد : حبيب رفيييييييييييجتي

هذا قاعد يطلع عضلاته عليها ومسوي فيها يعني انا الريال


خل تقوووله : استريييييييييييييح بس

 

[classicyah]

رد : حبيب رفيييييييييييجتي

مآلت عليه ،

و بعدين من عقب جملة " انتي اتحفين لمنو "

المفروض تفهمهآ ع الطآير ، الريـآل شآك فيهآ و في أخلآقهآ و في تربيتهآ . .

و بعدين هيه ليش مستمره ويآه دآم خلآص ، مآشي فآيده ؟

السآلفه لعب و لآ شو ؟ !!

يآ يخطبهآ و اتصير علآقتهم حلآل ، يآ بلآهآ . !!