حبيبي ،، عمري ،، حياتي ،، قلبي

[( مي )]

قوة بنوتات
















كلمات الغزل ممكن تكون صعبة وقت سوالفج مع زوجج ،، او اذا ناداج مثلا ورديتي
هلا حبيبي ،، أو هلا قلبي او غيره
بس ممكن نطقها يكون أسهل وقت العلاقة الزوجية الخاصة _03ba:

ممكن هذي الكلمات تكون صعبة تطلع من حلجج خاصة ببداية الزواج
ومع المدة تمشي الأمور
وممكن تضل صعبة عليج على الرغم ان صارلج مع زوجج سنين

او يمكن تكون سهلة عليج من البداية ،،


سؤالي
هل تواجهين صعوبة في انج تنادين زوجج ابهالألقاب ؟؟؟
ان كنتي تواجهين صعوبة ابهالشي ،، شلون تغلبتي عالموضوع ؟
ولأي درجة حسيتي ان هالكلمات أثرت بعلاقتج مع زوجج يعني لأي درجة تغير أسلوبه معاج عقب ما قام يسمع منج هالكلمات ؟

أنا وحده كنت اواجه صعوبة بإني اقوله هالكلمات ،، لساني يوقف واتنح وارد أكلمه عادي كل ما نويت اتغزل فيه ابهالكلمات خاصة أبأول زواجي حتى لو بخاااطري اقولها بس ارد انحرج واسكت ،، بعدين علمت روحي عليها
اني قمت اقولها له على ضحك وعبط وعيارة بمواقف معينة ،، لما صارت أسهل معاي
​

 

[zaina alotibi]

رد : حبيبي ،، عمري ،، حياتي ،، قلبي

هالكلمات الحلوة وااايد لها أثر بنفس الزوج خصوصًا اذا طلعت من القلب توصل بسرعة للقلب . والأحلا اذا انقالت بأنوثة ودلع .

اذا مومتعودة تقولينها بتلاقين صعوبة بالبداية بس لما تشوفين آثرها على ريلج بتكررينها وبتسير عندج سهلة وأنصحج بالتغيير بالكلمات مرة حبيبي مرة روحي ومرة تاج راسي ومرة قوليله اذا ناديتي تعاال يلي من عقبك ماحلى رجال ( ريال ) بعيني .
ولاتنسين أحبك موووت:hjy5jewf:

 

[دنيتى زوجي M]

تكون صعبه تدرين متى ؟؟

اذا كنت متضايقه منه وشايله بقلبي احس مااقدر اقوله

اما اذا كنت عادي ومافيني شي بالعكس :hjy5jewf:

 

[( مي )]

زينة
ماشالله عليج والله يتمم عليج

دنيتي زوجي
عاد حلاتها ابهالمواقف عشان يخق ههههههههه​

 

[ريماس77]

رد : حبيبي ،، عمري ،، حياتي ،، قلبي

والله انا عادي اول الزواج طبعا صعبه بعدين عادي بس جدام ولدي انحرج يعني في تحفظ شوي_shh_:

 

[قـــلبي XXL]

رد : حبيبي ،، عمري ،، حياتي ،، قلبي

هالكلمات ببداية الزواج تكون صعبه بس بعدين تعودت عليها لاني بالبدايه ودي اقولها واتبلعم بعدين صار عادي اقولها فديته والله :hjy5jewf:

 

[Daleela]

هلا والله مي اي هذي المواضيع الحلوه :lololoe: مو مواضيع حلاق وصالون

المهم انا تصدقين في بدايه زواجي استحي وريلي يقول فتعودت على ايده لسانه ينقط عسل حتى ساعات لو مرينا مطعم وبيطلب يقول عطني اثنين شاورما حبيبي اقوله شكو حبيبي:flower: خوفج يقول هالحجي حق الكل مو بس لي

يقولي احنا الشباب جذي ما ادري اصدقه ولا لا :s141:

الحين قمنا نقول بس جدام اهلنا نستحي تدرين عادات وتقاليد لووول قمت اخوره بالحجي

وشكرا عالموضوع الحلو يا حلوه

 

[^noonaa^]

مادري انا اصلا تعودت علي هالحجي الحمدالله يعني ما اناديه الا حبيبي ونادرا اناديه بآسمه

وبالنسبه لي عادي ما اشوف فيها صعوبه اذا طالعه من قلبج

 

[لمى...]

بالعكس هالكلمات طلعت عفوية معاي لأننا أخذنا بعض عن حب فحيل يحب يسمع مني الغزل ويفقده :fun:

وعودني حتى أدلعه جدام أهله وأهلي لأنو أهو يناديني بهالكلمات بروحنا وبالشارع وقدام أي أحد خلاص

صارت هالكلمات لنا مثل الأكسجين وسبحان الله تعودت اني أقولهم بكل مكان وهو تعود بعد يناديني بهالكلمات الحلوة

وحتى أهلنا تعودو علينا وصارو يسوون مثلنا بعد ...................... :hjy5jewf:

مشاء الله تبارك الله ولا حول ولاقوة الا بالله

 

[*مناوى*]

رد : حبيبي ،، عمري ،، حياتي ،، قلبي



والله بأول الايام صعبه أستحي أقولها كنت أقولها بس في تحفظات ..

والحين لا عادي أقولها مو كثير بس اذا أبي شي أكثر منها :lololoe::lololoe:

واهو فديته عرفلي يقولي يالله هاتي من الاخر اشتبين فاهمني

واذا بصير كلش رومانسيه دقايق بس بعدين أنسى وارد نفس أول شسوى ما تعودنا :bbbiu::bbbiu:

يالغاليه اشرايج انسوي حمله لهالكلامات ؟؟

تقبلي مروووري ..

 

[ام دليار]

رد : حبيبي ،، عمري ،، حياتي ،، قلبي

أنا لحد هلأ بحسها صعبة أني اناديه حبيبي بستحي منه
صارلي متزوجة فترة طويلة بس بستحي أقوله هيك كلام بناديه بأسمو
بقولولي بس يجيكي أولاد بتبطلي تستحي:bbbiu:منه
مشكورة:hjy5jewf:

 

[Mrs^Chocolaa]

رد : حبيبي ،، عمري ،، حياتي ،، قلبي

انا بالبداية كنت استحي وااااااايد بس سبحان الله مع مرور الوقت قمت احاول اتعلم اقولها بعيارة وضحك والحين ارحم من اول بوايد بس يبيله بعد تمارين مكثفة :dddds:​

 

[هيبة ملك]

أنا أول كنت استحي لكن هو عودني عليها
فعلا كلمات حلوة ولها تأثير خاصة وقت الزعل

 

[غارقة بأحزانها]

رد : حبيبي ،، عمري ،، حياتي ،، قلبي

والله انا وااااااااااااااايد اقولها
حتى ببدايه الزواج
من اول اسبوع طيحت الميانه
واغازله
اتذكر
مرة كنا طالعين يوم حفله الملجة
بالمطعم كلا من التبوله
جان يقولي حلوه ضوقيها
جان اخذ نفس القفشة اللي كلا منها
قالي عادي تاكلين عقبي
قلتله اصلا عسل,,, ما استحي
استانس قالي والله انتي العسل

الحين عادي ما يستانس تعود:dddds:​

 

[( مي )]

الله يتمم عليكم بنات

الغارقة ابأحزانها
يعني من كلامج المفروض هالكلمات تطلع بالقطارة !! عشان لا يمل منها ويضل لها مفعول ​

 

[Om_BaRRaK]

13 سنة وللحين استحي

 

[BiiShOoO]

ليلحين استحي منه وما اقولها وايد

 

[الأميرة جوري]

رد : حبيبي ،، عمري ،، حياتي ،، قلبي

عادي صرات عندنا دوم اقولها ...بس جدام بناتى نوووووووووو استحى واهم ماشاء الله مايخلون شيء الا سامعينه ههههههه

 

[( مي )]

ام براك
@@ نطري بعد تو الناس ههههههههه ،،

والله يا ام بروك وبيشو ماكو شي مخسبقنا الا هالمستحى

جوري
اي ماشالله ينتبهون لهالسوالف لووووول​

 

[ام شووووق]

رد : حبيبي ،، عمري ،، حياتي ،، قلبي

انا عادي متعوده عليه ماواجهت صعوبه:fun: