حبيباتي منو مدخلة ولدها حضانة الاندلس ...ساعدوني

[miss-jmjm]

بنات شلووونكم
وكل عام وانتوا بخير للعام الدراسي اليديد:eh_s(22):
والله يعينكم يالامهات صج ويعطيكم الصحة والعافية :eh_s(7):

عندي استفسار للبنات الي مدخلين عيالهم حضانة بمنطقه الاندلس :rerrerek:
وبالذات حضانة الاندلس الي بجانب مكتبة السنافر منووووو يعرف عنها شلون المشرفات والنظافه
والعناية عندهم .....

بنات الله يخليكم عطوني رايكم بصراحة والله يوفق عيالكم ويحميهم:eh_s(17):


انطر تفاعلكم معاي :sfg:
ماتقصرووون ان شاءلله

 

[miss-jmjm]

اب اب اب اب

 

[انصاريه قمره]

اب اب

 

[M!SS.LOBY]

رفع للعيوووووونج

 

[miss-jmjm]

تسلمووووون يالغاليات من طيبكم

 

[حرم راشد الماجد]

انا كلش ما عجبتني بصراحه اولا شكل الحضانه كلش مو مريح

وبعدين الابله كانت تسحب الياهل جنه ذبيحه جدامي عشان توديه المطعم

تغمت مادري شلون انا اول شي قلت الشكل مو مهم المهم الاخلاق <<<<<<<<<<< لوووووووول

وكنت افتر اشوف الصفوف والا الابله جدامي ساحبه الياهل من هدومه عشان تاخذه معاها المطعم بس ما تكلمت بصراحه خذيت بنتي ومشيت وبعدين حطيتها بحضانه بعبدالله مبارك صج كانت شوي بعيده بس انا ما داوم فكان عادي بالنسبه لي

 

[miss-jmjm]

امبيه والله خرعتيني بس حبيبتي من متى هالحجي اقصد متى رحتي شفتيها ..... ياربي شسوي انا ولدي لما اقطه يبجي حيل ولما ايي اخذه مادري قلت خل اشوف اول اسبوع
مادري شسوي محتاره الصراحه وانا اداوم وودي اودي ولدي حضانه بالاندلس ماقدر مكان ابعد كلش

 

[حرم راشد الماجد]

عندج ستبس زينه وكاميرات بعد ومادري والله اذا مضطره عليها وولدج حليو يعني يعرف يعبر ويقولج ان طقوه ولا سووله شي توكلي على الله بعد شتسوين

 

[miss-jmjm]

قصدج ستيبس الي تكون ورا مكتبه السنافر من داخل عالزاويه
موجنها قمته الصراحه ودي ادخلها ماشفتها بشوفها الصراحه

 

[حرم راشد الماجد]

للامانه انا ملوت الاندلس كلهم ما عجبوني بس انتي وين تداومين

 

[miss-jmjm]

انا اداوم بالاحمدي ومابي ابهذله وياي درب عشان جذي ابي شي قريب من بيتها عالاقل ريلي اييبه عال12 ويرد البيت مابي بعيد حرام والله عليه
والله بيني وبينج وانا بعد ماعجبوني بس قاعده احاول اختار
رحت شفت توب كيدز من داخل كبيره وشرحه بس ماكو مكان اليهال يلعبون فيه الا السرداب وبعدين وايد فيها ادوار ودري وعالي بس من داخل حلوه وشرحه والوان
بس مافيها مكان للاكل سنع ولا فيها مكان للالعاب

 

[حرم راشد الماجد]

توكلي على الله بس اهم شي الكاميرات

 

[miss-jmjm]

لا اله الا الله
ان شاءلله بشوف بعد جم حضانة واشوف والله كريم وبصلي استخارة باذن الله يهديني للمكان الزين حق ولدي

 

[miss-jmjm]

شلونكم بنات اليوم رحت مريت حضاة ستيبس والله وايد حلوه من داخل ولاتتقارن مع حضانة الاندلس
وفيها العاب والمطعم مكانه حلو وشرح المكان من داخل صراحه ماتوقعته جذي كلش
الي يشوفه من برا يقول لا موشي بس لما ادشين داخل شرح والغرف فاتحه حلوة تشرح النفس واشكال عالطوف
وايد ارتحتلها صج ماتوقعتها جذي

 

[انصاريه قمره]

واااااااااي حرم حرتني المشرفه شلوووون تسححححب الياهل الله ينتقم منهاااا حقيره
بصراحه لو انا بدالج ما اسكتتتتت حراااااام تلقين امه فقيره قاطته ومأمنته عندهم واهم يسوون بالولد جذي
انا كنت مفكره ادخل بنتي الوسطيه لانه اختها بتروح الروضه واكيد راح تتملل بس هوووونت بصراحه تقعد بالبيت احسن واضمن

 

[miss-jmjm]

واااااااااي حرم حرتني المشرفه شلوووون تسححححب الياهل الله ينتقم منهاااا حقيره
بصراحه لو انا بدالج ما اسكتتتتت حراااااام تلقين امه فقيره قاطته ومأمنته عندهم واهم يسوون بالولد جذي
انا كنت مفكره ادخل بنتي الوسطيه لانه اختها بتروح الروضه واكيد راح تتملل بس هوووونت بصراحه تقعد بالبيت احسن واضمن

لا لا لا لا ادخلينها هناك روحي مري حضانة ستبيس ضروري ترا برا شي ومن داخل شي ثاني امبيه فرق واشرح واحلا والوان والعاب

 

[سلاسل ذهبيه]

ماقصرو البنات

 

[توحه1]

الحضانه قمته
والاداره الي قاعدين غير كويتين((ايرانيات ))
ولمن دخلت مبسطين ثلاث ريايل ويشربون شاي معاهم اتوقع من الاهل لان قاعدين يقرقون
والغرف صغيره
ولمن شفت جذي ماعجبني الوضع
والابلات مو ذوخبره من اسلوبهم بالتعامل مع الامهات