حبيباتى ساعدنى فى انترلاكن

[عمرى غير]

السلام عليكن حبيباتى حجزت لانترلاكن بس ابى شاليه خاص لى ولزوجى فوق فى الجبال عند الثلج بسرعه سفرى بعد 3اسابيع:krkrkr:

 

[shjoon]

حطي على موقع بوكنق وعلى خريطة انترلاكن شوفي الفنادق اللي لها اطلاله على البحيره

انا خاطري اروح انترلاكن انتي على اي طيران حجزتي وجم كلفتج التذاكر وبترحون بس انترلاكن ولا بعد مناطق ثانيه بسويسرا

 

[Samurai]

عمري غير. مافي عند الثلج.
الثلج تروحين له رحاه بالقطار لمدة كم ساعه بس

في عندج اختيارات كثيره
دوري في منطقة قريندل والد منطقه مرتفعه واطلالتها روعه

Grindlewald

 

[عمرى غير]

السلام حبوبه شجون مالقيت شاليهات وبالنسبه للحجز على الامارتيه 4ايام سويسرا و14 لندن انشاءالله تذاكرنا وفندق بلندن الف ونص اتمنى مايكون وايد وسموره حنامانبى الاالثلج خاطرى بشوفته ابى اسكن باعلى الجبل اشكركم لسرعه الرد

 

[shjoon]

عمري غير من سويسرا الى لندن بطياره ولا بقطار

والحجز انتي مرتبته ولا من السفريات

وموفقه ان شاء الله سفره سعيده

 

[84 Miss Chocolate]

مافي سكن عند الثلج , رحلة الثلج تحجزينها من المكاتب السياحيه و عقب تروحين بقطار حق منطقة و يركبونكم مثل قطار يدش بنفق و يصعدكم منطقه عاليه و تشوفين متحف الثلج و اعلى قمه باوربا هناك رحله موفقه

 

[Samurai]

الثلج يذوب بالصيف وبس يظل في القمم

اجري شاليه انصحج والله انظف وارخص من فنادقهم

 

[عمرى غير]

حبيباتى دامكم خبيرات بسويسرا الحبيب يبى يروح مصنع غروويير للجبنه بيتعلم سواتها وانا ابى مصنع نستله اموت عليها طلبتكم علمونى واللى عندها خبرة بالقطار تعلمنى فيه من ناحيه السعر ورقمه انا ابى يروح انترلاكن وست واشكركم مقدما واختى شجون انا خططت من شهر 7 العام وحصرت روحتى فى المنطقتين وطلعت فندق لندن من النت وطلبت من السفريات يحجزونه لى اضمن هذى 14 يوم ولندن صراحه خفت اتوهق بالبوكنج وبالتوفيق للجميع

 

[قلب عشتار]

انترلاكن مافيها ثلوج الاالقمم وذى رحلات بس اذا تبين فندق عندك شامونيه هى فرنسيه وينراح لها وانتى بسويسرا كنا بمنطقه فيفي vivy بين لوزان ومونترو وركبنا القطار ورحنا لشمونيه الفرنسيه وصعدنا لقمه مونت بلاك الثلجيه وفيها قريه واذكر فندق فيها تحسفنا انا مانمنا فيها
وبعدين مصنع الجبن عندك منطقه مولسن يم فيفى المكان خيالى زوووووغه شى فوق الوصف وكان فيها مصانع كاكاو واجبان
بس ما انصحك تدخلينها تصك الراس ريحه الجبن خايسه
ونستله يمنا vivy عالدوار مالها
والقاك هناك ان شاء الله انا باخر الشهر رايحه
سؤال كم كلفتك فيزسويسرا ولندن غير تذاكرهم حرام الفتره وايد قصيره

 

[معلمة انجليزي]

حبيبتي حجزي شقق schwizi من موقع
http://www.schwizi.ch/default_eng.html
في شقق برا انترلاكن