حبيباتى الأمهات لو فى ناس بيفتحون روضة أو حضانة شنو تقترحون عليهم

[ذات الهمة العالية]

السلام عليكم :eh_s(17)::eh_s(17)::eh_s(17):

صباحكم عسل وقشطة

حبيباتى عنى من معارفى يبون يفتحون حضانة او روضة

عطونى بقوة افكاركم شنو تبون يسون باحضانة او الروضة


وشنو السلبيات اللى شفتوها ما تبون تشوفونها عندهم

وشنو الإيجابيات اللى شفتوها وتبونها عندهم



وشاكرة لكم تعاونكم ويارب يبرونكم عيالك ويصلحهم لكم :eh_s(7):

 

[Alias]

اولا السلبيات. الخادمات يجب اختيارهم وفق شروط معينه. تعرفون شخصيتها لان انا عانيت من الحاضنات ألخادمه تطق بنتي ثانيا. تركيب كاميرات في كل مكان وتعيين معلمات خبره في التعامل مع الطفل يعني تكون ماخذه دورات في التعامل مع الاطفال ثالثا المنهج التعليمي يكون بسيط مؤ دسم. قران ولغه انجليزيه واهم شي. تعلمون الطفل علي مهارات. مثل الثقه بالنفس واحترام الاخرين وحب الذات والتعاون هذي اهم من للدراسه وما تكون الرحلات اسبوعيه تكون مره بالشهر. والله يوفقج

 

[مسك اسود]

علمي علمج

 

[PuPa^^SWeeT]

تركيب كاميرات


ستاف متنوع من كويتيات و عربيات و اجنبيات


تعليم ثنائي اللغة


تحفيظ القر ان


رعاية الرضع


ممرضة بالحضانة


الخادمات حنونات


تركيب كاميرات في شتى الزوايا


تعليم ترك الحفاضة سواء طلبت الام ولا لا


الوجبات عليكم اتكون نفس طريقة الروضة

 

[صبر ايوب]

صراحه انا شفت شي رائع بحضانة عيال اختي الي بالشهدا tdn كل شي مدققين عليه مو مخلين شي تلفونهم 60491040

 

[mannawy]

1- مكان مميز وواسع كذا طابق ومرتب وتنظيف وتعقيم يومي
2- ادوات مميزه مو شغل الكويت نبي شغل من برا دبي / امريكا / ...
3- طبعا تكون الطوفه ملونه وعليها رسومات حلوه بالاضافه الى الارقام او الاحرف بالانجليزي يعني مكان يشوق والارضيات مناسبه للطفل تكون اسفنجيه عشان مايتعورون
4- لوكرز حق كل طفل خاص فيه عشان اولاء الامور مايبيون اغراض الطفل كل يوم ويردونها.
5- online camera كل ام لها username & password وبالاضافه الكاميرات تكون بمكان تبديل الاطفال بشكل مركز تدرين احنا امهات ونخاف احد يلعب بعيالنا
6- تكون ثنائيه اللغه في حضانات يعلمون فرنسي بس انا احس العموم انجليزي وعربي
7- اغلب الستاف اجنبي وشوي عربي ويفضل نفس لكنتنا مو تيبون مصريه تعلم عيالنا زس از!!! او حتى سوريه تعلم عيالنا بدنا نروح وهلأ!!! لا يفضل كويتيه او بدون بس لهجتها بالعربي ممتازه والفاظ الحروف عندها مناسبه.
8- استبيان قبل تسجيل الطفل عن حالته الصحيه واذا كان فيه حساسيه من اكل معين او ياخذ دوا معين بصفه يوميه
9- عشان تجذبين اولياء الامور لازم يكون في نيرس تفحص اليهال كل يوم الصبح وتجيك على حرارتهم واذا ياهل مريض تعزلونه وعندي فكره ثانيه سئلوا اولياء الامور اذا عادي تعطون اليهال فيتامين كل يوم نوع من انواع الاهتمام بالصحه. (زيت كبد الحوت) ولازم تتاكدون ان الياهل مافيه حساسيه منه او انكم تطلبون من ولي الامر يقولكم اسم الفيتامين اللي يستخدمه وسووا استبيان لين توصلون لي فيتامين معين
10- كل مدرسه تشرف على 5 اطفال بس بالكلاس اكثر شي 10 طلاب ويفضل 8 ومدرستين وناني اذا وصخ البيبي
11- طبعا في حال ما اذا مرض الياهل تستاذنون الام انكم تعطون بنادول/ ستيكر الحراره / جل تسنين / بيبانتين مرهم للالتهابات/ اسعافات اوليه لين توصل الام او الابو
12- رحلات كل اسبوعين وانشطه نهاية الاسبوع مثلا banan day الكل يلبس اصفر وتحتفلون
13- العاب داخل المبنى وخارجه بالاضافه الى قفص خارجي فيه حمام وارانب او اي شي المهم تعلمونهم وتورونهم بس مو يجيسونهم!!!!!
14- توفرون ايباد يستخدمونه اليهال مرتين بالاسبوع عشان ماتجف القرنيه عندهم
15- توفرون مكتبه
16- غرفتين نوم مزوده بسراير
17- للرضع توفرون غلايه للرضعات وتحطون جدول للاطفال
18- الاكل توفره الحضانه ويكون فريش ومنوع ومشوق دوري بالنت تلاقين توست اشكال حلوه
19- الاسعار وما ادراك ما الاسعار المباهضه بالسعر راح تأدي ان الاهل يسجلون عيالهم شهر او شهرين وينحاشون ماراح يكون عندكم استمراريه
20- الدوام لازم يبدي اوفر تايم من 6:30 - 2:30 والدوام الاصلي يكون من 7:30 - 1:30 لازم تراعون الزحمه ودوام الوزارات واذا حابين للناس اللي يداومون بالقطاع الخاص يكون لي 3:30 او 4:00 حسب امكانيه الحضانه ونوعية الشريحه اللي تبي تستضيفها.
21- كل ما بينتوا للناس استعدادكم التام لمساعدتهم ومساندتهم كلما حصلوتا ناس اكثر بتشترك معاكم.
22- التنويع والتشويق حتى للاب والام لازم يحسون فيه تطور مثلا اكاونت whatsup ********* ******** ******* وتطرشون بصفه يوميه صور عيالهم تحسسونهم انكم مهتمين باطمئنان الوالدين.

حاليا هذا اللي في بالي

 

[mannawy]

وفروا غرفة سينما تعرضون فيها بارني وهالسوالف

 

[جلكسيه اس 3]

بالتوفيق

 

[اشلون يعني &]

حلو لو تعلمونهم كل اسبوع قيمه تربويه
مثل الصدق طاعه الوالدين جذيه

 

[ذات الهمة العالية]

مشكورين بوصل كلامكم والله يعينهم بس. هم عطونى زيادة أفكار

 

[++MesK++]

كاميرات مراقبه


نظافة لخدم


المراقبه الدائمه من المشرفات على الحضانه و الاهتمام بالاطفال


توفير وجبات صحيه

اسعار مناسبه




منهج مناسب


تعليم و تطوير مواهب الطفل مثل الخياطه السباحه الرسم


تعليم الاتيكيت و الثقه بالنفس




انا وحده من الناس لاحظت لما الوحده بتسجل عيالها بحضانه يحطون الشمس بيد و القمر بيد و لما تسجلينهم يتغير الوضع

 

[مشتطـه]

مناوي كفت و وفت
كل كلامها عجييييييييييب
ولو تطبقووووووونه بتكون احسن حضانه بالكويت

 

[mannawy]

لو عندي ظروف ملائمه وماده جان خذيت عيال كل بنات المنتدى وحطيتهم بعيوني مو بس بحضانتي
بصراحه قمنا نخاف على عيالنا من نسمة الهوا ومحد بيدير باله على عيالنا عدل الا اذا كان منا وفينا وانتوا فاهمين شقصد. كافي ذكر الله وكافي التحصين وكافي اسم الله عليك وهالكلام الطيب اللي يطمن الام والابو والعيال بعد