حبوووب فيتامينات الشعر .. تزيد الوزن؟ شريت و توهقت!

[Mrs_Orchidia]

السلااام عليكم




ماعرفت وين أحط سؤالي ! مادري بركن الشعر او هنيه! لوول


بس بناات جد محتاجة مساعدة يزاكم الله خير


سوالي اهو .. فيتامينات الشعر تأثر عالوزن؟

انا اليوم شريت ... و الصيدلانية تقووول انهم ما يزيدون الوزن .. و طريقتهم انهم ينشربون بالليل قبل النوف و يفضل مع كوب حليب
اقتنعت بكلامها و رديت البيت

قعدت اشوف تجارب البنات بالمنتديات الثانية .. و للا وااااااااايد يقولون تزييد الوزن :eh_s(2):

وحدة قالت وزنها باسبوع زاد 2 كيلو!!

علبتي فيها 90 حبة :eh_s(16): يعني 12 اسبوع! معقولة ازيد 24 كيلو!!


المهم .. هذه صورة الحبوب



بلييز بنات اللي مجربتهم او عندها تجربه تعرضها هنييه

حتى لو حبوب ثاانية

انا كل شي عندي هين اللا الوزن .. خط أحححمر :rgewrg:





وااي يا ربي أحس اني تحسفت و شريتهم .. بس شسوي شعري صاير يطييييح بشكل خياالي



ناطرتكم
:eh_s(7):

 

[amoOoNA Al_mazyoNa]

على قولتج كل شي إلا الوزن خط أحمر .. ابروحنا معاناة مع هالوزن بعد هالمره ناخذ شي يزيدنا ..

مايصير تستبدلينهم ؟؟

 

[Mrs_Orchidia]

حبيبتي انا مادري اذا هالحبوب يزيدون الوزن او لا .. الصيدلانية تقول ما يمتنون .. بس انامادري ليش شاكة بهالموضوع!

 

[بدويه حره]

الدكتور قالي كل الفيتامينات تزيد الوزن

 

[أحلى عيون]

اختي هذي الحبوب انا كنت استعملهم نفسج ماعندي شعر كنت صلعه هههههه

وعطاني اياهم دكتور سلامه جبر

صرت مثل البالونه منفوخه ههههه

كل الفيتامينات او حبوب للشعر تزيد واذا الصيدلانيه قالت مايزيد تبي تبيع وبس


ابحثي عنهم اكثر بقوقل

 

[Mrs_Orchidia]

اختي هذي الحبوب انا كنت استعملهم نفسج ماعندي شعر كنت صلعه هههههه

وعطاني اياهم دكتور سلامه جبر

صرت مثل البالونه منفوخه ههههه

كل الفيتامينات او حبوب للشعر تزيد واذا الصيدلانيه قالت مايزيد تبي تبيع وبس


ابحثي عنهم اكثر بقوقل

أمبيييييييييه حدج حدج صدمتيييني!!!

أشوة انج رديتي و نبهتيني .. يزاج الله الف الف خير حبيبتي


و الله ماراح اكلهم لوو شنو يصير .. الحمدلله على كل حال

 

[رتو الكيوت]

اي انا نفختني

 

[Čut!e Quèéи]

ماعرف الحبوب هذي
انا الحين قاعده اجرب حبوب فيتامينات
وماشفت منها شي يزيد الوزن عادي حيل
اهم شي جيكي على انواع الفيتامينات والجرامات

 

[++The DuchesS++]

اهي تفتح الشهيه وعشان جذي يزيد الوزن

 

[noorq8]

عن نفسي استعملتها لي ولبنتي ولا زدنا ولا غرااام ,الظاهر جسم وجسم بس نتيجته اممتااازه بس تبي مواظبه وعندج الحين نوع أفضل اسمه priorin ,nأحسن منه

 

[فرح@@الكويت]

انا بعد مره استخدمت حبوب حق الشعر بندقار وكانت وااايد زينه بس متنت عليهم وطلع شعر بكل جسمى بعد

للتنبيه جسمى حيل قابل للزياده