حبوب crypto vita إلي تفتح الشهية

[الريحانة]

السلام عليكم
كويتيات حبيباتي و الله

اليوم قررت أروح الصيدلية أبي أشتري حبوب تفتح الشهية
فقلت للصيدلاني أبي أحسن شي عندك
جان يقول لي حبوب crypto vita
قلت أوكي فتحت البروشور و قريت فيه أول شي استغربت ماله علاقة بس لمن كملت قرايه بين صج إنه فاتح للشهية
قلت أوكي
إشلون الاستخدام قال لي مرتين باليوم مره الصبح و بالليل,, بعد الاكل و راح أحس بدوخه و أبي أنام أول فتره و بعدين عادي

قلت أوكي
لمن قريت طريقة الاستعمال بالبروشور مال الدوا كاتبين للبالغين 3 مرات يوميا,, بس مو محددين بعد ولا قبل الوجبات

أمي تقول اتبعي إلي الصيدلاني قالج عليه مرتين باليوم صبح و ليل

بس ما أدري أتبع إلي قاله لي و لا إلي موجود بالورقة؟

و إلي مستخدمته من قبل
سؤاااااااالي
جم مره تاخذينه باليوم؟ و متى (قبل و لا بعد الأكل؟)

 

[زبــــــــدة]

اي انا اكله

انا اخذ حبتين ع بعض قبل الغدا وقبل العشا وساعات بس قبل الغدا ..

 

[الريحانة]

أوكي يعني صح كلام الصيدلاني
عيل بمشي على كلامه
حبتين باليوم وحده الصبح و وحده بالليل
تسلمييييييييييييين حبيبتي على الرد

 

[دنيا جديده]

زبده من صجج شنو حبتين مع بعض مايصير؟؟؟؟؟؟؟؟؟ حبيتن باليوم قبل الغدا وقبل العشاا بس أو مره باليوم قبل العشااا .

امبييه ترا مرتين مع بعض و زييين بالمررررررررره يضير المخ بعيد الشر عنج.

الريحااانه اخذيهم مرتين باليوم قبل الغدا وقبل العشااا بس

 

[أيام السراب]

انا شـريته وآكل بعد الريوق وبعـد الغدا وبعد العشـا
عشان تنتفتح شهـيتي وآكل الوجبات الرئيسيه وغيرهآ

 

[الريحانة]

تسلمون حبيباتي
إن شاء الله باكل بس حبتين باليوم
تسلمون على الردود

 

[ديومه العوبه]

مرحبا..

انا جربت هالحبووب ومتنت عليها شوي.. بس بعدين رديت اضعف من قبل..

وسمعت اكثر من وحده انها مو زينه..

فياليت ماتاخذوونها..

وحابه اقولج عن حليب اسمه السوستاجين متوفر بمركز سلطان..

هالحليب مكمل غذائي ويبين باسبوعين .. تقريبا بالشهر تزيدين كيلو ونص..

تاخذينه ثلاث مرات باليوم عقب الوجبات الغذائيه..

قفشتين من الحليب مع قلاص ماي..

هالحليب احسن من الحبوب اللي هي اساسا لعلاج الحساسيه وتسبب دوخه مثل مالاحظتو..

فياليت لو تجربونه وتبعدون عن الحبوب وخلطات الحريم..

لاتنسونا بدعائكم..

دمتم بخير​