حبوب هير دال لتساقط الشعر !! منوو جربتها ؟

[تومآ وبس]

بسم الله الرحمن الرحيم..


السلام عليكم ورحمه الله وبركاته ...


بنــات حبيــت استشيركم في موضووع مسبب لي ازمه نفسيه ..,

انا شعري طويل ونــاعم وماكـان فيه الا العافيه ...

بس من سنه تقريبا كنت في لندن ,, لمده شهرين كنت مرافقه لأختي تعالج هناك..

وانا هناك لاحظت ان شعري .. قام يتسااااقط بشكـــــل فضيع ..لدرجه اني ابجي لما اتسبح ...:eh_s(16):

وقالوا لي من الماي او شعري ماتعود عليه < عشتواااا

.. واللي يقولي من التكفير والمحاتاه ....


المهم ومن عقب مارديت الكويت ماخليت خلطه الا وحطيتها ..

تحسن عن ايام لندن .. بس مازال التساااقط ملوع جبدي ...

وصاار خفيـــــــف حيــل ..



وبحثت بالنت عن علاج للتساقط ... وشفـــت بنات واااااجد يمدحون حبوب ( هـير دال ) وانها توقف التساقط !!!

دورتها بكم صيدليه مالقيتها ..

وسمعت انها مو موجوده بالكويت ... بس بالسعوديه !!
وعندي رفيجتي بالسعوديه بتجي الكويت بعد اسبوع .. ووصيتها تدورها لي وتجيبها ..

من كلام البنات تحمست استخدمها ,,

وللعلم توني مسويه تحليــــل دم شامـــل ... كانت النتايـــج ممتازه ولله الحمد .. ماعندي اي نقص او زيـــاده بشي ..’’



فحبيــــت اسألكم منو جربتها ..

وشنووو تنصحوني فيـــــــــه !!

بليـــز بنــات ساعدوني انا على وجه زواج ومابي شعري ينقص اكثر من جذيه ......:eh_s(2):





ولكم كل الشكــر والتقدير ....:eh_s(7):​

 

[برنسس أوراق]

انا استخدم هيرفت وملاحظه تحسن
وبالنسبة لتساقط الشعر
استخدمي دابر املا

او اخذي ست فصوص ثوم مبشوره ونقعيها بزيت زيتون واتركيها اسبوع وبعدين صفيها ببطل واستخدميها مرتين بالاسبوع
خلال شهر تبين النتيجه

 

[تومآ وبس]

شكر على المرور العطـر ...

لكــن للأسف فيني حساسيه من زيت الزيتون ,,,,



والله يعين ويصبر..

 

[قدها وقدوود]

انا جربتهم حيل ناسبتني ووقفت التساقط بس لازم تستمرين عليهم كذا شهر

 

[تومآ وبس]

حبيبتي والله انج قدها وقدود ..

بسألج بس هل فعلا .. زاد شعر جسمج ووزنج..؟

وعسى الله يوفقج لما يحب ويرضى ...

 

[• JoJo •]

انا مجربتها ثلاث شهور ما شفت شي يذكر

يمكن تناسب غيري

 

[omsalooom@hotma]

انا جربتهم بدون فايده اذا تبين شعرج يوقف تساقط ويصير زين انانت نفسج وكان عندي تساقط وسويت تحاليل وطلعت زينه بس عرفت السبب نقص. فيتامينات اخذت ستربس تابس من صيدليه عشان فيه نسبه زنك عاليه وخذيت من جي ان سي بيوتين قوه ٢٥٠٠ والحين الحمد الله والله خف وايد التساقط واحسه صار. اقوي جربي وادعيلي ولازم. تستخدمين شامبو. للتساقط مثل ريكسول او ريفايفجين. وادعيلي وبعدين بلغيني. بالخاص شنو صارمعاج و راحتشوفين نتيجه حلوه.

 

[omsalooom@hotma]

وانابعد كاتبه. خلطه زيوت شوفيها وجربي الشعر لازم عنايه من داخل جسم ومن بره

 

[الطخمــه]

ماجربتهم خايفه تخرب الليزر وتطلع لي شعر بجسمي
<< موسوسه هههههههههه

ان شاء الله البنات يفيدونك

 

[الفدنه]

استعملي السدر حبيبتي
وادعي لي

 

[مزاجي حب]

بنت خالي ناسبتها حييييييييييييييييييييييل وانا لاء تناسب ناس وناس
مفعولها يبان بعد4شهور يبيلها صبر والعلبه الوحده اتوقع تكفي شهرين كل يوم حبه وسعرها على ماعتقد ب70ريال

 

[قدها وقدوود]

لا حبيبتي مازاد وزني ايامها كنت مسويه رجيم صارم خسرت 10 كيلو وحت شعري وبعد الله ثم هالحبوب خف التساقط حيل وانا وياها بلشت عنايه بشعري حنا وسدر وزيوت يعني يمكن هم ساعدو وشعر جسمي لا مازاد منها

 

[زين ودلال]

ماستخدمتهم

استخدمت هيرفيت حدهم حلوين ماشاء الله نبتلي شعر يديد منهم

 

[غراس الوفاء]

انا جربتهم ررروعه توقف التساقط

 

[تومآ وبس]

تسلمون ياحبـــــايبي على المشاركـآت الحلوه ...


والله انا للحين متردده حيـــــــل اني استخدمها ...,,,


لأنها تناسب بنات وبنــــات لا ...​

 

[رؤى القلوب]

انا استخدمت هيرفيت علبة وحدة اووووووووووووف طلعتلي بطن كأنه حامل مع اني قبل ما اخذهم كان وزني 54 والحين 56.5 وهذه الزيادة كلها في بطني مع العلم اني كنت اخذها باليل قبل النوم وبالنسبة لشعري ماخف التساقط وانما فقط لمعة ونعومة لا غير
والحين افكر اخذ نوع ثاني بشرط مافيه خميرة
الخلاصة انا متأكدة اني لو استمريت على هيرفيت رايح يصير شعري رووووووووووووعة لأنها متروسة بروتين لكن بنفس الوقت راح يصير جسمي ويييييييييييييع لأنها متروسة خميرة

 

[رؤى القلوب]

ها نسيت شغلة العلبة اللي خذيتها فيها 30 كبسولة