حبوب منع الدورة استفسار عنها ضروري

[~{غلاتي}~]

قوة امورات شلونكم

بنات انا حدي محتاااره ومادري شسوي؟

بسافر انا وريلي تايلند 6\9 واول اسبوع بنقضي بوكيت المشكله انه تنزل دورتي بيوم 9\9

وريلي مشتط وحاجز فندق حلوو ومختار حمام سباحه برايفت عشان نستانس

انا فكرت بالحبوب عشان ارفعها بس يوم سويت سيرج عليهم مادري خفت من اللي كاتبينه انها تخربط الهرمونات وتسبب عوار بالبطن

ياربي شوروو علي شسوي اخذهم ولا لا ؟؟؟

 

[~{غلاتي}~]

اب الموضوع محد رد علييييييييييييييي

ابي مشورتكم

 

[كتالونيه]

حبيبتي الحبوب ماتضر كلش حتى الدكتور يوصفهم لج
انا وخواتي ناخذهم اذا رحنا مكه
هي بس تاخر الدوره واذا قطيتي الحبوب تنزل الدوره ع طول

 

[~{غلاتي}~]

يعني ماتسبب عوار ولخبطه

انزين قبل درتي بجم يوم اخذهم ؟؟

 

[ناادرة]

اسألي الصيدلي

والحبوب لاتخافين مافيهم شي

استعمليهم بس لاتطولين فيهم

انا اسوي جذي


​

 

[@ام يوسف@]

بأذن الله ما اتسوي لج لخبطه وانتي قبل اتسافرين حللي عن الحمل سبحان الله يمكن تكونين حامل وانا شخصيا خذيتهم بنص شهر7 وجتني آخر الشهر واللحين الله يتمم علي حللت حامل يعني بنفس الشهر اللي خذيتهم كانت آخر دوره

 

[~{غلاتي}~]

انشالله بتوكل على الله باخذهم

 

[لاجل عينه]

انا سببتلي خربطة هرمونات مو طبيعية كل عشر ايام تنزل علي ونفس العوار ماضبطت الا بعد حبوب تنظيم الدوره

وسبحان الله من جسم لجسم تفرق


حبيت اقولج تجربتي...