حبوب منع الحمل الخاصة بالرضاعة سيرازت Cerazette

[*الزينه*]

اللي ماتبي ترد ترفع موضوعي جزاكم الله خير

بنات انا ليما الحين ماطلعت من الاربعين

فدكتورتي قالتلي اكلي حبتين باليوم مع بعض من


حبوب منع الحمل للرضاعه


(( سيرازيت ))


قالتلي لان الحبوب هذي حييييل خفيفه وراح ينزل عليج دم اذا ماكانت رضاعتج 100%
ومامنها ضرر اذا كليت حبتين !! يعني يكون مفعولها اقوى شوي

قالتلي اغلب مريضاتها ياكلوون حبتين وماضرتهم وماصار فيهم شي !! <<<<اللي يراجعون عند خالده المجيبل



بنات منو جربت هالشي ؟؟

 

[*الزينه*]

؟؟؟؟

 

[حشمه]

اول مره اسمع ان يصير تاكلين حبتين

خل اسال دكتورتي بمراجعتي اليايه

ناويه ان شالله باذن الله احاول ارضع

 

[*الزينه*]

انا بعد اول مره ادري ان يصير حبتين ؟؟

 

[*الزينه*]

بنات ساعدوني جزاكم الله خير

لن الصراحه خفت ودي اغيرهم لان قريت ان في بنات على طوول ينزل معاهم دم !!

 

[نور النهار]

انا جربتهاا بصراحة سببت لي نزيف

وفي ناس زينة معاها

 

[*الزينه*]

انا جربتهاا بصراحة سببت لي نزيف

وفي ناس زينة معاها

امبي خرعتيني

انزين انا كليتهم صارلي ثلاث ايام تقريبا
اذا وقفتهم تنزل علي الدوره لاني الصراحه ودي اغيرهم خفت

 

[*الزينه*]

؟؟؟

 

[هديل 77]

حبيبتى أنا أخذتهم عقب الأربعين
ونزلت الدورة عادي >>> بس أخذهم باستمرار و بمواعيدهم حبة واحدة باليوم فقط
و بعد 6 أشهر رحت الدكتورة غيرتهم لي لأنهم ما ينفعون عقب 6 شهور من الولادة

 

[*الزينه*]

مشكوووره حبيبتي

انا قالتلي اكل حبتين

 

[ليونة الكويت]

انا خذيتهم بعد الاربعين واستمريت عليها 11 شهر
طول فترة الترضيع
وبعدها غيرتها الدكتورة
وما صار معاي اي مضاعفات والحمدلله
بس كنت اكلها مرة وحده باليوم مو مرتين
انتي دكتورتج خالدة المجيبل قالتلج اكليها مرتين؟
اكيد اهيه اخبر بس انا الي اعرفه ان حبه وحده باليوم

 

[*الزينه*]

حبيبتي ليونه

كل جم يووم كانت تجيج الدووره ؟؟

منتظمه كانت مع الحبوب

 

[*الزينه*]

<<<<<<<<<<<<

 

[ليونة الكويت]

ايه كانت منتظمة وما كان عندي اي مشاكل وحتى لمه هديتهم ما كان فيه اي مشاكل

 

[om mesa]

حبيتيي انا جربتهم وحاشني نزيف 3 أشهر وانا اعاني ودورتي ماتخلص وحتى ريلي مل وفوق كل هذا كان ينزل قطع

 

[مس هنادي]

انا كنت استعملهم مره وحده بالليوم
وكانت الدوره منتظمه معاي
بس ترا اذا عليج الدوره تاكلين الحبوب يعني طول الايام تاخذينها

 

[حوري نور عيوني]

انا قبل لا استعملهم كنت بالاربعين وكنت طاهره مافيني شي وعطتني اياهم الدكتوره ومن بديت فيهم حاشني نزيف لدرجة اخذت حبوب توقف النزيف وتركتهم بعد ماكملت الكرتون لانه لازم اكمل الثلاثين حبه​

 

[مجوهرات]

اول مرة اسمع انه يصير حبتين باليوم

 

[opera]

كل وحده تختلف عن الثانيه


بس حبتين باليوم اول مره اسمع .. صح هالحبوب حيل خفيفه حتى انا دكتورتي قالتلي اذا نسيت حبه وحده راح احمل على طووول يعني ماتسوي مناعه ولا تاثر عالهرمونات ولا الرحم


انا صارلي سنه وشهرين والده وارضع طبيعي بس مو 100 % خصوصا ان ولدي الحين كبير وياكل يعني بس اعطيه رضعه وحده بللليل وقت النوم من صدري

المهم اني اخذ هالحبوب من ال40 لي الحين والحمدلله ماشيه معاي تمام

وحتى الدوره ماياتني للحين ..


يعني على حسب كل وحده عرفتي

 

[وروود الحب]

ياعمري عادي أنا خذيتها ست شهور حبة وحدة بس في اليوم و في نفس الوقت لازم ماتقطعينها حتى لو عليج الدورة تاخذينها كل يوم و إن شاء الله خير