حبوب سيبوترم ...لازم اقولكم للامانه

[aljori]

مرحبا بنات .........
مبارك عليكم باقي الشهر ....
بصراحة أنا ترددت كثير قبل كتابة الموضوع ...
لأني خفت موضوعي يضر التاجرات ...بس بنفس الوقت خواتي بالمنتدى مابيهم يتضررون ...
أنا اخذت حبوب التخسيس سيبو ترم ...لمدة 5 أيام
بعدها طحت بالمستشفى مغذي وتحاليل ولويه ورقدوني ...المهم سألني الطبيب قالي انتي تآخذين دواء أو شيء
قلتلة إني آخذ سيبو ترم ...لتخسيس ...قالي يابنتي الحبوب هذي لازم تقطعينها نهائيا لانها سببت لج جرثومة بالدم ...
ظليت يومين بالمستشفى وطلعت ...وحمدت ربي ان صحتي ردت لي ....
قلت بنفسي وش فيه الرجيم وجهاز السير ...بس جد جد خفت كثير ...
حبيت اقولكم تجربتي ...بس اكيد في حبوب تخسيس تفيد ومالها اضرار ...اصابع اليد الوحدة مو متساويه ...​

 

[سحايب برنس]

حمدالله على سلامتج حبيبتي

دكتوري حذرني منهم لان فيني كسل بالغده والله يعينا ياااااااااااارب

 

[iLLuMinaTion]

موفقه يارب

 

[قوتشي بنت LV]

حبيبتي الحمدالله على سلامتج
والله الحال من بعضوو
إنا قبل فتره كنت إشرب بايوجي وسبب لي خمول ومرضت جم يوم بعدين تعافيت < يعني ماكنت إقدر إقوم من مكاني
والله إحسن شي لو نلتزم بالرياضه وناكل إكل صحي ونبعد عن هالشغلات جآن إحنا بخير

 

[كيكه توفي]

الحمدلله على سلامتج حبيبتي

انا من قبل سنتين جربت هالحبوب 3 اسابيع تعبوني وايد وايد ورحت الطبيب قالي مو زينين اييبون الاعصاب وصج وايد مو زينين تعبت منهم حييل

مشكوره

 

[aljori]

للرفع عشان الكل يستفيد ...ومشكورين اللي ردوا ...والله يبعد عنكم كل مكروه

 

[S0 WHat]

مشكووورة

بس شوفي امانةً انا ضد هالسوالف والحبوب وجذي

بعدين الحمدالله انا وايد ضعيفة اقصد ان جسمي وايد وايد حلو ولله الحمد

بس هم انا اقول ترى هالحبوب ماتضر الكل صدقيني

انا ف سنة من السنين اخذتهم طول رمضان

كانت سنة 2007 بس ماضروني كلش وهم بعد انا ماكنت متينة الللي احتاجهم فيه بس انا احب الضعف يعني

فانا اقول الحبوب مو خطرة عالكل في حالات تصير خطرة عليهم
مثل ما تفضلت وحدة من الخوات وقالت ان فيها غدة وجذي يعني

بس مو معناة كلامي ان نظريتي تكون صحيحة 100%
يمكن انا جسمي قوي وعادي يتقبل هالسوالف

بس كل وحدة لازم تراجع طبيب وتففحص على نفسها قبل لا تاخذهم

ومشكوورة وايد حياتي على امانتج