حبوب الروكاتين .. انقذوني !!

[آبله صغننه]

السلام عليكم

بنات انا شهر 10 ان شاءالله راح اخلص فتره علاجي لحبوب الروكاتين بس حدددي خايفه لاني بعد جم شهر راح اتزوج

ومثل ماهو معروف هالحبوب مو زييينه للمراه الي بتتزوح او بتحمل ..

فبعرف منو فيكم خذتها قبل الزواج / شكثر الفتره الي لازم تكون قبل لا اتزوج او احمل .. يعني جم شهر ؟!

والله حدددي خايفه لانه هالحبوب تسوي تشوهات للجنين لا سمح الله :eh_s(2):

وبعد ماخلصت فترت علاجي للحبوب مت اقدر اسي ليزر ؟!


والله يوفق الي بترد علي :yaaaaaarb:



ملاحظه : هالموضوع كتبته بقسم الصحه بس مافي رد ! :eh_s(8):​

 

[غداً القاك]

المفروض من 6 شهور الى سنه مافيه حمل
هذا اللي سمعته

 

[سعوديه خقوقه]

الحمد لله كانت تجربتك نااجحه افرح لمن اقرى تجارب ناجحه ..واقول يارب تنجح تجربتي مع الروكاتين ..

على العموم يا قلبي ما ادري كم المده المطلوبه بعد الروكاتين..لا تتعبين نفسك بنات المنتديات كل وحده كلمه اللي ثلاث شهور واللي 6 واللي سنه واللي تقول بعد ان الوحده اذا استخدمت الروكتان تصير عقيم ..طبعا مستحيـــــــــــــــــــــــــــــــــــــــل انها تسبب عقم ولاهي من اثارها الجانبيه جارنا دكتور وهو اللي انا اتعالج عنده سالته قال مستحيل تسبب عقم ولاهي من مضاعفاتها ابدا


فنصيحتي لك يا قلبي استشيري دكتور هو افهم وادرى ..واحب اطمنك ترى بنت عمتي استخدمتها وجرعه قووووووويه جدا جدا جدا
وبعدين تزوجت وجابت ثلاث عيال ما شاء الله لا قوة الا بالله ...لا مشوهين ولا ما يحزنون..بس اصلا هي تزوجت بعد الروكاتين بفتره طويله على ما اظن ثلاث سنين ..


بعدين اولى سنه زواج تمتعي وستانسي مع زوجك لاحقه على العيال والبكاء والغثاء ..يعني انتي خذي احتياطاتك لمدة سنه وما قد سمعت وحده تقول فيه مده اكثر من سنه ..تجيبين طفل متاخر ولا تجيبين طفل مشوه يعاني في هذي الحياة ..



الله يتمم لك زواجك ويسعدك ويرزقك الذريه الصالحه يا رب

ودي لك ~

 

[سعوديه خقوقه]

واذا على الليزر برضو ما اعرف ...بس انتي اجليه لين تقوى بشرتك وما تكون حساسه ..

خوفي بعد تعبك في الكورس تنتكس حالتك وترجع اخص من اوول ..فانتي اجلي المشروع شوي او استشيري طبيب


اتمنى لك بشره كالقطن

وشكرا

 

[الزورق222]

اللى اعرفه عنها على الاقل ست اشهر قبل الزواج ماتاخذينهااا تسبب تشوهات هذا اللى اعرفه واسالى دكتور الجلدية افضل منا ..

 

[آبله صغننه]

مشكووورين بنااااات وبإذن الله باقرب فرصه بستشير اكثر من دكتور ..

بس الوهقه شقول للناس عشان اقنعهم بتأجيل الزواج !! :eh_s(2): :eh_s(1):

 

[am faisal]

حبيبتى
انا اعطيج الزبدة من تجربة
بنت خالى استخدمتها وتركتها وتزوجت وحملت بعد سنة
ولدت ولد بدون يدين
يعنى تخيلى اول فرحتج وانتى السبب
نصيحة اجلى اولا تحملين طوالى
نصيحة اخت
وبالتوفيق

 

[سعوديه خقوقه]

مو شرط تاجلين عرسك ..اجلي فقط فكرة الحمل


خذي مانعين للحمل مو مانع واحد ..لمدة سنه ونص ..او المدة اللي يقولها لك الدكتور ..


همسه لك لا تكونين سبب في تعاسة طفل طوول حياته ..اجلي الحمل لمده طويله عشان ترتاحين ..


الله يتمم لك ويرزقك الذريه الصالحه يا رب..

 

[عذبة السجآيآ]

انا كنت استخدمهم ووقفتهم قبل عرسي بـ 3 شهور والله ماكتب الحمل للحين بس مومن الحبوب لا حنا مأجلين الموضوع

والافضل قبل العرس بـ3 او 6 شهور وحاولي تكثرين تشربين ماي لان ييساعد انها تطلع من الجسم

 

[مو صج ~]

مكتوب عالعلبه تنطرين شهرين ،. انصحج تنطرين اكثر مثلا ٣ واكثر في بنات جسمهم غير وسب تشوه بالعيال ديري بالج كلام الدكاتره مايودي ولا ايب باجر لا صار فيج شي شعليهم منج

 

[مو صج ~]

ومثل ماقالو البنات اجلي فكره الحمل ووضحي حق ريلج