حبوب الرضاعه الطبيعيــة + كـورسيــه مس لندن حق بعــد الولادة

[Good Enough]

السلام عليكم

شلوونكم بناات ؟؟

طبعا الموضوع للوالدات و ممكن يفيد الحوامل اكيد

اهو عن ربط البطن و عن الرضاعه .. و ماني مطوله عليكم


اول شي بالنسبة للرضاعه ، يعطيها العافية العضوة زاجل

اذكر يوم اني حامل كانت كاتبه عن حبوب و هذي صورتها

اهي للرضاعه تزيد الحليب .. و فعلا تزيده

جربتها حلوة والله يوم قام يخف الحليب شريتها ، والله تبين نتيجتها خلال يومين

و كنت اذا ولدي نايم فتره يعني اكثر من ساعتين اشفط الحليب عشان لا يجف اذا ظل

والحمدلله اموري حلوة ويا هالحبوب .. بس عيبها شي واحد اللي هو ريحتها

يعني يكرم السامع - لا عرقتي يطلع من ريحتها شوي - لانها كلها اعشاب طبيعية

بس اذا تتسبحين امورج تمام لووول .. و اذا قطعتي الحبوب بسرعه تروح ريحتها من الجسم مو نوعها اللي تلزق عرفتوا



///

الشي الثاني : البطن و الخصر

يوم اني حامل قريت موضوع لاحد العضوات عن كورسيهات مس لندن اللي تبيعهم هني بالمول

و قريت بعض التجارب في موضوع الكورسيهات ، و عجبني اللي يقولون ان احنا شارين شارين

بدال ما نشتري رخيص و ماله نتيجه و لا حزام يقرص و يتجفس ، نشتري شي غالي بس من وراه فايده

هني قررت اشتريه ، و انا خذيت الموديل الثاني

يوم قايسته بالزوووور سكر علي .. طبعا اهي قالتلي سكري من تحت لي فووق

يالله تسكر مشبك واحد بموت هههههه .. قلت لها قالت مدام تسكر يتسكرون الباجي

و اذا اخذتي اللي اكبر من المقاس اللي عندج ممكن ما يعطي نتيجة لازم يكون ضبط ع الجسم

و اسكره و اتحمل لزوم الجسم الحلو .. طبعا اول مرة اختنقت هههههه بس تحملت

اهو لازم البسه كليوم و افصخه بس وقت النوم .. لكني بالبداية ما قدرت عليه

لبسته مرة وحده جم ساعه و قطيته .. و المره الثانية نفس الشي

و بصراحه ماكنت البسه كليوم .. و انا نوعي ما اكل زود عادي اكلي

عقبها قلت لازم البسه يوم كامل .. فلبسته يوم كامل من قومتي من النوم لي حزة النوم

اهو صج اني بالاول ماكنت اطول فيه بس صج شفت نتيجة مرضيه و ما تحسفت اني شريته

اهو الكورسيه في 3 مشابك .. الحين صرت البسه على اصغر مشبك لان خصري ضعف و ما صار عندي زود بطن و لله الحمد

و حتى يخليج بسرعه تشبعين ما تاكلين وايد عرفتوا .. و هالشي عاجبني فيه

و يعطيها العافيه مس لندن على هالكورسيه .. صج بالبداية اييب الاعصاب بس عقب لبستين و لا ثلاث يصير اريح

بالمناسبة ترى انا مالبسته من اول ماولدت لان لهيت ويا ولدي كان مريض ، فيمكن لبسته عقب 26 يوم من ولادتي .



اتمنى اني فدتكم

تحياتي

 

[الريم الجفول]

مشكوره

والله يعطيك العافيه

 

[ام^تبوله]

أول شي الحمدالله على سلامتج ومبروك ماياج ويتربى بعزج
ثانيا مشكورة حبوبة على نقل تجربتج وعليج بالعافيثه هالجسم والخصر الحلو
والفال لي أولد بالسلامه وأضعف ويرد جسمي مثل ماكان حلم

 

[المـنـى]

الحمدالله على السلامه

كنت بشتريه بس شكثر قالولي ان المشد الاندونيسي احسن شي

 

[Almas_q8]

شكرا

 

[ام صاالح]

الحمدالله على السلامه
ومشكورة على النصيحة

 

[ام صاالح]

الحمدالله على السلامه
ومشكورة على النصيحة

 

[بناتي زينة حياتي]

الله يخليلج وليدج يارب ,,, ومشكوره عالنصايح الحلوه

 

[شيخه الحلى]

ممكن رقم مس لندن

 

[keep smilling]

موفقه حبيبتي

 

[Good Enough]

أم تبوله .. يرد ان شالله ، و الله يسهل عليج ياإأرب

شيخة الحلى .. رأسليها هني بالمنتدى

.. حياكم الله ..

 

[RoWaIsHeDyA]

الله يوفقج ويخليلج ماياج سواء صبي او بنت ,,,
وثانكس على النصايح

 

[بش بش مش مش]

حبيبتي بغيت اسأألج بجم اخذتيه

 

[أم حووور81]

انا شاريه هالكورسيه وفعلا حلو الحين قاطته على كتر لما اولد بالسلامه ارد البسه ..

ومشكوره ع الافاده

 

[ألول_85]

يعطيج العافيه
ذاك اليوم افكر بيني و بين نفسي اقول لو في حبوب و لا دوا يزيد الحليب

 

[حرم_طيار]

مشكورة
بجم الكورسيه؟

 

[++The DuchesS++]

مشكووووره

 

[أم حيدور]

الحمدلله على سلامتج ^_^ ..

مشكوورة عالمعلومات ^_^ ..

 

[keep smilling]

موفقه حبيبتي

بس بسألج بجم الكورسيه وممكن رقم مس لندن

 

[كـ غلا ــلي]

وناسه يعني صج حسيتي بفرق لانه واايد بنات بالمنتدى يقولون الكرسيه يجعد البشره ويساعد الخطوط انها تطلع بالجسم لانه يجفس

الجلد والاغلبيه ينصحون بربطه الشماغ ولا الاندونيسي انتي صار فيج شي جذي على الرغم من انج تلبسينه طول اليوم حسب كلامج

يعني جلدتج ما تجعدت ؟؟