حبوباتنا اللي بالغربه

[keeka]

كل وحده الحيين بالغربه تكتب لنا شنو الدولة وشنو المميز بمنطقتهم وترشحونها للسياحه ولا لاء؟؟
حتى اللي بيتغربوون ممكن يفيدونا ويستفيدوون

 

[bnt q8 in usa]

مشاركة: حبوباتنا اللي بالغربه

افا عليج

انا منيابلوس سانت بول فيها اكبر مول بامريكا كلها وطبعا فيها مناظق طبيعيه وطبعا نهر المسسبي

وياكثر المولات الي فيها طبي تخيري وطبعا الشلالات والبحيرات شي عجيب

ارشحها لسياحه بس قعدي تسوقي لمدة 4 ايام تالي افتري بامريكا

 

[bnt q8 in usa]

مشاركة: حبوباتنا اللي بالغربه

نسيت اقولك يبيلج ميزانيه سنعه سنعه حق الاقامه والتوسق والاكل لانه الايجار والاكل وايد غالي

 

[keeka]

مشاركة: حبوباتنا اللي بالغربه

يسلمووو بنت كيو ايت بس ما قلتيلنا عن الجو شلون جوها

 

[keeka]

مشاركة: حبوباتنا اللي بالغربه

وانا بما اني كنت بالغربه ارشح كندا بجميع مناطقها بس فانكوفر وتورونتو از ذي بست

 

[bnt q8 in usa]

مشاركة: حبوباتنا اللي بالغربه

هي هي هي هي الجو بالصيف يهبل بس بالاشتاااااااااااااا واي لاااااااااااااااااااااء تخيلي العام وصلنا ناقص 46 تحت الصفر تجمدددددددددد
معروفه بالبرد قطيعه

 

[زيـنـه]

مشاركة: حبوباتنا اللي بالغربه

الله يعينكم و يقصر مده غربتكم و يردكم لاهلكم سالمين غانمين.. بس يا بنت الكويت انا مريت مول اوف امريكا اذكر قبل 10 سنوات تقريبا ما كان فيه وايد محلات تسوق كانت اغلبها محلات سوفونير و ذكرى .. بس فعلا المول كان حلو

 

[keeka]

مشاركة: حبوباتنا اللي بالغربه

تسلميين بنت كيو ايت على المعلومات وترى جوها نفس اوتاوا يمكن توصل -50 بالشتا
هلا زينه تسلميين على المرور وانا الحمد لله رديت من الغربه والفال حق بنت كيو ايت وبالنسبه للمولات الحين تغيرو وصارو يواكبون العصر والموضه

 

[كويتية في لندن]

مشاركة: حبوباتنا اللي بالغربه

انا مغتربة في لندن ........... بس ما يحتاج اقول عنها شي ..لان ماشاء الله الكوتيين تارسين لندن في كل الفصول

 

[ريفيل]

مشاركة: حبوباتنا اللي بالغربه

كويتية في لندن انا اول مرة بروح لندن بعد اسبوعين شرايج تقوولين لي احلى المحلات والاماكن والاشياء المميزه اللي اشتريها من لندن وصج ابي شنو انسب المحلات لهدايا الاهل وهدايا المجاملات دوختج خخخخ بليز ناطرتج ( واللي بخاطرها شي لا تتردد )

 

[كويتية في لندن]

مشاركة: حبوباتنا اللي بالغربه

هلا والله ريفيل تامرين حبوبة
انتي الحين راح اتيين في احلى الاوقات ..تدرين ليش علشان موسم الكريسماس ....... اي عطر بخاطرج راح تلاقينه موجود طقم مع البودي لوشن والشور جل وهالسوالف وبيطلع سعره ارخص من سعر العطر بروحه

شوفي اذا على شوارع التسوق ....عندج اهم شي شارع اكسفورد واكسفورد سيركس ..هالشارع فيه كل ما لذ وطاب ومتفرع منه شارع الماركات اسمه بوند ستريت اي ماركة تبينها تلاقينها بالشارع هاذا
عندج شارع نايتس بريدج .... هالشارع فيه محل هارودز مال محمد الفايد وهالشارع بعد كسخة وفيه محلات حلوة
عندج شارع هاي ستريت ...عندج البيكاديللي ...عندج شارع كنجز رود ............... كل هالشوارع فيها محلات اشكال وانواع
اذا حابة تطلعين بره لندن شوية...عندج محمع bluewater وعندج مجمع brent cross
اذا تبين تطلعين خارج لندن شويتيين عندج مدينة ميلتون كينز ..هاذي فيها مجمع وايد حلو وكبير وما يكفي يوم واحد
عندج سوق مدينة ساوثامبتون هم حلو واسعاره زينة
عندج اذا تبين اشياء مو غالية روحي سوق شبردبوش (سوق السبت) هاذا الله يسلمج بسطات ..وهم في بعد سوق بسطات ما يفتح الا يوم الاحد اسمه بلاك بوش وهم عنده سوالف حلوة والله

اما عن الاشياء المميزة في لندن ..ياختي كل شي حلو ومميز ..مصيبة صابتهم احلى سوق عندهم لا بعد الحين موسم الكريسماس يطلعون اشياء حلوة وغريبة
ومن هالشوارع اللي ذكرت لج اسمائها تقدرين تختارين الهدايا للاهل وهادايا المجاملات

واذا بقيتي شي ثاني سالي وانا بالخدمة

 

[keeka]

مشاركة: حبوباتنا اللي بالغربه

تسلميين كويتيه بلندن على المرور والمشاركه والله يردكم لديرتكم سالميين ان شاء الله

 

[miss fabulosity]

مشاركة: حبوباتنا اللي بالغربه

مساء الخير انا مغتربه حاليا صار لى شهر بالمانيا وتحديدا ببرلين جوها حلو والله بالصيف بس بالشتا برد موت وثلج السوق الصراحه بفرانكفورت ببرلين فى سوق بس انا سوق الكويت تارس عينى بس اقولكم عندهم تكرمون الجواتى اشكال عجيبه وغريبه ولى صار سيل على الماركات اتحصلين شى مو مثل الديره انا حصلت لى امس بدله اسكادا سبورت وردى بفستقى 150 دينار بلاش والله

 

[keeka]

مشاركة: حبوباتنا اللي بالغربه

هلا والله وسومه تسلميين على المشاركه والله يردكم لديرتكم ان شاء الله عاد المانيا حلوه والكل يمدحها

 

[bnt q8 in usa]

مشاركة: حبوباتنا اللي بالغربه

الي بلندن يختج ابد قريبه ماتتحسفين لي بغيتي تنزلين الكويت كلها 6 او 7 ساعات

واحنا واي 14 ساعه ونبدل طيارتين واي صج معانات

الله يسهل علينا غربتنا يارب ويردنا سالمين غانمين مرفوعين اراس يارب

 

[keeka]

مشاركة: حبوباتنا اللي بالغربه

صاجه بنت كيو إيت اوربا وناسه قريبه بس امريكا وكندا اهما اللي قطعت قلب وتمليين من الطريج لا وانا كنت قويه مره وسافرت بروحي ويا اليهال يوم كانو صغار من الكويت لما اوتاوا حرمت عقبها والله والحين سبحان الله صارت سوالف وقمنا نتذكر الغربه الله يردكم بالسلامه ان شاء الله

 

[ياشايل الظبى]

مشاركة: حبوباتنا اللي بالغربه

الي بلندن يختج ابد قريبه ماتتحسفين لي بغيتي تنزلين الكويت كلها 6 او 7 ساعات

واحنا واي 14 ساعه ونبدل طيارتين واي صج معانات

الله يسهل علينا غربتنا يارب ويردنا سالمين غانمين مرفوعين اراس يارب

هههههههههههههه الله يكون بالعون انا صارلى 4 سنوات اروح وارد على امريكا
ولايه تكساس
وتعالى شوفى حالتى لجا وقت السفر اشيل هم موطبيعى
خاصه ان رحلتنا 18 ساعه ... خبرج تكساس اخر امريكا
بس الحمد الله انا احب هيوستن .. لانها حق التسوق
واحب دلاس .. وسان انتنيو لانها مميزه بطبيعتها ..
بس والله غبره الكويت تسواها كلهااا هههههههههههههههه << تعبت من القعده هناك

 

[جكورة]

مشاركة: حبوباتنا اللي بالغربه

اللـه يردكم بالسلامه أميييييين..

 

[ياشايل الظبى]

مشاركة: حبوباتنا اللي بالغربه

الله يجزاج خير يارب

 

[bnt q8 in usa]

مشاركة: حبوباتنا اللي بالغربه

ايه والله تارقت تعالي بدلي طياره نولي مطارين يفتشونج حتي ملابسج الداخليه ماتسلم منهم
وتعب ولويه بس كله يهون عشان ردة الكويت يارب

يوفقنا يارب