حبايبي لاتقصرون معاي بنصيحتكم

[نفول]

السلام عليكم
قرقيعان و قرقيعان وعساكم كل سنه تعودونها
بنات انا الحين متاخره الدوره علي 18 يوم وحللت ماكو حمل
ورحت حق الدكتور عطامي حبوب مادري شنو نور خمس ايام اخذهم وبعدين اقطعهم وتنزل الدوره بس الحين صار لي 5 ايام وليلحين مانزلت شربت دارسين مرتين و زعتر وماكو فايده بنات انطر اخليها ولا بعد جم يوم اروح حق الدكتور واقوله ابيها تنزل علشان بسوي تلقيح صناعي قبل الدوامات
حدي محتاره ومخي تجمد ومااقدر افكر وتعبت
الف الحمدالله و الشكر علي كل حال يارب

 

[ايام وردية]

الله يكون بعونك حبيبتي انا اشوف تشيكين على الهرمونات لان الدورة اذا تاخرت 7ايام طبيعي وبعدها تكون في خلل في الهرمونات

وسهل تضبيطهاا وتتعدل ان شاءاللة ويمكن حمل متاخر لاتلعبين بروحك ترى الاعشاب بعضها تضر صراحة انا اخاف ماشاءاللة البنات يجربون اي عشبة والله وحدة من جماعتنا توفت بسبب عشبة اخذتها بعيد الشر بس شطحت بالكلاام

لكن ربي يسهل عليك ولاتخافين كل شي سهل

 

[شنوووفه]

حبيبتي نفوول انتي مته هديتيهم لانه اهيه راح تنزل علييج عقب ماتتركيين الحبوب ب5 ايام يعني نطري

 

[*ماي الورد*]

تأكدي انه ما فيج تكيس

 

[fulla.81]

الله يشفيج ،، انتي مثل حالتي انا لي يومين تاركه حبوب الي تنزل الدوره ولا نزلت ،، الله يستر لا يكون فيني شي ،، يارب يشفيني ويشفي كل وحده ويرزقنا الضنا

 

[نفول]

بنات حبيباتي مشكورين عالردوود الحمدالله يتلي الدوره وطبعا عوار وعذاب
شكلها كانت تبي تتكشخ الاخت المصون الدوره مالتي واعطيها اهتمام واكتب عنها موضوع بمنتداكم علشان تنزل
انشالله اخر دوره لي وحق كل البنات الي بيحملون وماتيي الا بعد ٩ شهور عاد اذا يت بعدين بكشخها وموبس بكتب لها موضوع بسويلها زفه عروس هههههههه
عادي طوفوها ينييت بس شسوي اهون علي روحي من العوار

ايام ورديه حبيبتي مشكوره عالرد اي والله انا اخاف اجازف باي شي انا اخذ الاعشاب الي متعوده عليهم مثلا زعتر مراميه دارسين
شنوفه انا خذيتهم من تاريخ ٨/٣ و هديتهم بعد خمس ايام ٨/٨ واليوم ١٣ يعني بالضبط ٥ ايام
ماي الورد امبله فيني نكيس صغير صاير تكيس داخله تكيسات ٣ يقول يعني مايعتبر ٣ تكيسات لان داخل بعض بس حماتي عندها خبره بهالسوالف فقالت لي يمكن واحتمال كبير هدا يروح من تنزل الدوره علييج وانشالله خير
قلا حبيبتي نطري بعدها ب ٥ ايام وشربي اشياء دافيه نصييحه علشان لماتنزل عليج ماتتعبين انا كله كنت اشرب اشياء بارده لان رمضان وحر الحين قاعده اتعذذذب وعوار موطبيعيي لو احد يشق بطني موجذي بتعذب 

 

[fulla.81]

الحمدلله نزلت عليج الدوره والله يرزقج بالضنا ، بس عندي سؤال بالخمس ايام الي هديتي الحبوب فيهم ماكان ينزل عليج افرازات ورديه او اي علامه تدل علا ان الدوره قريب تنزل ؟ انا ماحس بشي ! والله خايفه

 

[نفول]

انا ماحسيت بولا شي حبيبتي فلا
اللهم النفسيه وايد تعبانه و زفت استغفرالله
يعني باختصار كان الهدوء ماقبل العاصفه 

 

[&هند&]

ان شاء الله اخر دوره ماتشوفينها الا بعد 9شهور والله يرزقج ولا يضيع تعبج ،،،