حبايبي فزعتكم بروح دبي (ساعدوني أقوى شئ)

[ريمو]

السلام عليكم ورحمة الله
أنا من السعودية ومسافرة دبي بنوفمبر ان شاء الله ومعاي اهلي وأحنا كلنا 7 حريم وخدامتي وعيالي اثنين الكبير 7سنوات والصغير 9شهور وأخوي وسؤالي
1-أبي شقة موقعها زين عند الامارات مول
2- لو اخذنا شقة غرفتين وصاله هل بتكفينا وهل يسمحون بهالعدد في شقه بها العدد . واحنا طريقتنا نطلع من اول النهار ونرجع بالليل انام ومافيه طبخ
3- تنصحوني اخذ ولدي الصغير والا اخليه
وسلامتكم

 

[bambena]

رد : حبايبي فزعتكم بروح دبي (ساعدوني أقوى شئ)

انصحج تاخذين عند دبي مول مو عند الامارات مول لان الحين الشي الزين والوناسه كلها بدبي مول ماقمنا نروح امارات مول

راح تضطرين كل يوم تطقين درب لي دبي مول قعدوا يمه احسن

 

[*احلام*الدجى*]

مثل ما قالت اختي بامبينا اخذي صوب دبي مول اهو الحلو وودي ولدج الصغير لان دبي توووونس حق اليهال

 

[dяέἆᶆ qûếếἦ]

احنا سكنا بفندق المزون عبارة عن شقق فندقية بس كنا 6 اشخاص واهي الشقة ديلوكس 3 غرف وكل غرفة فيها حمام ووتحت صالة وهم حمام عزج الله ومطبخ صغيرون وبس اتوقع في طلبج غرفتين وصالة سوي سيرج ع الفندق بالنت
واقرب شيء لنا امارات مول ..

وهذا ايميل المدير اذا حبيتي تستفسرين وانا دزيت له بغيت استفسر عن شغلة ماقصر ..
[email protected]
Mobile:0505996091

 

[منيرة خالد]

ما انصحج تسكنين قريب من الامارات مول لأنه بعيد عن باقي المجمعات


الافضل تأخذين قريب من مجمع سيتي سنتر او مجمع حمر عين


فيه فنادق وايده فيها شقق وراقيه >>> اسألي عن فندق النجوم أختي تمدحه وقريب من المجمعات وسهل تأخذين من تاكسي


موفقه

 

[قلـــ نوني ـــب]

وايد عندج دشي بوكينق دوت كوم
وبتوفيق