حبايبي.. عملية شفط؟؟؟

[BsKoOoOoTa]

السلام عليكم

حبايبي بغيتكم تساعدوني... انا بسوي عملية شفط حق زنودي وظهري من فوق وبطني

بس من غير بنج كامل لأني ما استحمل البنج الكامل ....اذا موضعي مو مشكله

فبغيت اعرف منو احسن دكتور يسوي العمليه ؟ وجم التكلفه؟ والي مجربه هالعمليات خل تقول تجربتها

لأني صج صج من كثر ما سويت رياضه وغير الرجيم لاعت جبدي وما كو فايده :0bee2e8d89: فمالي حل غير العمليه

وحدددددي خايفه..... فشنو تنصحوني فيه؟​

 

[غاده بنت وليد]

عزيزتى
عندك افضل دكتور لنحت الجسم
د-نادر صعب
اكيد معروف
هو له 3 عيادات
باريس
لبنان
ودبي..
وتكلفه مثل هذى لاتقل عن 40 الف0(ريال سعودى))
موفقه

 

[ii DareeN ii]

حبيبتي الموضعي يسون بطريقة لسمارت لايبو او لسمارت فوكس اهم نفس الشي بس الاسماء تتغير بس ترا تعور التكلفة تتغير حسب الدكتور من واحد لي الثاني لان يقسمون الجسم مناطق

 

[SuGaR-LiPs]

الدكتور سامح صادق واشرف عبدالقادر في بو شهري كلنك وايد يمدحونهم ..

وثنينهم تقريبا نفس الشي بس بنج كامل مو موضعي ..

انا سويت شفط حق فخوذي عند الدكتور اشرف عبدالقادر خوش دكتور وشاطر ..

طبعا بنج كامل ووااايد تعبت مو شوي يعني ترى صج تتعب العمليه بس تستاهل ..

تقريبا يبيلج اسبوعين لي 3 بالكثير وتردين طبيعيه .. بس النتيجه النهائيه تبين بعد 6 اشهر من العمليه وتمين 6 اشهر

تلبسين كورسيه ما تفصخينه كلش الا اذا تبين تتسبحين ووقت اللي تبين تغسلينه ..

ياخذ عالمنطقه الوحده 500 .. يعني انا سويت بس فخوذي كله صار مع تكاليف المستشفى والغرفه والادويه 2000 وشي

تقريبا ..

اذا تبين بنج موضعي روحي عند الدكتور عادل قطنيه هم وايد يمدحونه اهوا عنده جهاز السمارت ليبو ..

بس احسه غالي شوي يعني يسوي المنطقه الوحده بجلسه وحده بـ 750 .. وصعب تحصلين عنده موعد قريب

بس الجهاز اللي عنده وايد حلو يشد الجسم بعد ..

ترى ماكو وحده بالدنيا تخاف كثري لوول :/ .. واهما ماخذيني غرفة العمليات قمت ابجي بغيت اهون من كثر ما كنت خايفه

بس الحمدلله كل شي كان اوكي يعني لا تحاتين ترى سهله العمليه .. ولو بيدي الحين اسوي حق جسمي كلله

اذا تخافين من العمليات والبنج وهالسوالف ليش ما تروحين تسوين بالجهاز اليديد زيرونا انا شفت جم فيديو حقه واايد

دش مزاجي احسه خوش شي وخاطري فيه .. بس نتيجته تطول شوي وتقريبا راح يكلفج نفس الشفط ..

بس نصيحه سوي العمليه لا تترددين والله ماراح تتحسفين كلللش والله يوفقج حبوبه : ) ​

 

[حنون المزيون]

سويهم ببنج كامل عادي جنج نايمه عقب تقومين بالسلامه

لا تخافين لأن الله اللي كاتبه بيصير

 

[BsKoOoOoTa]

مشكووورين بنات ما قصرتو

بس انا صج ما اقدر اخذ بنج كامل

لأن مره سويت عمليه ودشيت بغيبوبه والسبه البنج

فوووايد خايفه

 

[همس الجفوون]

بنج موضعي انا سويت عند عادل قطينه

وبستنى النتايج باقيلي شوي وبكمل شهر عالعملية وانشاالله النتيجه تبين

بس الجلد من اول يوم قام يشد ... سويت حق الارداف