حبايبي ريحوني الله اريح بالكم يارب

[عشق الشوكولاته]

[/CENTER][/CENTER]صباح العسل حبايبي

هذي اول مشاركه لي في المنتدى وانشاالله اتحبوني

راح ابدي بالموضوع انا وحده متزوجه صارلي 8 اشهر وليلحين ماحملت ،، في اول ايام زواجي كليت حبوب تاخير الدوره وتاخرت دورتي واتلخبطت علي اكلتهم لمده شهر كامل ، وقبل 4 اشهر كليت حبوب تنظيم الدوره ومع حبوب كلوميد والحين صارلي شهر امخلصه حبوب التنظيم ، ومافي حمل هل هذا الشي طبيعي ولا لأ ،،،،،،،،،

مع العلم ان زوجي عنده بنت من طليقته الاوليه،،،،

انشالله يابنات اتردون علي واتريحوني لاني صج صج خايفه:eh_s(17)::eh_s(17):

 

[آلــريم]

حبيبتي عشان تحملين لازم تكون دورتج منتظمه

هذا الي اعرفه

وان ششاء الله يبفيدونك البنات بلباقي


الله يرزقك الذريه الصالحه

 

[الزيـــــ^^ـــــن]

اعتقد عندج لخبطه بالهرمونات الافضل لچ انج تسوين تحليل للهرمونات وتحليل التبويض
رووحي عند دكتوور احسسن اهم الابخص بهالامور وانصحج بشرب عشبه المدينه بايام الدوره مفيده حيييل
وعسى ربي يرزقج

 

[boliana_q8]

حبيبتي اول شي راجعي دكتور تأخر الانجاب لان بيكون عنده خبره اكثر عشان ينظم عندج الحمل
بالباية راح يطلب منج تحليل ثالث يوم الدورة وتحليل واحد وعشرين يوم من الدورة
وتحليل حق هرمون الحليب
اذا كل شي طبيعي راح يقولج سوي اشعه الصبغة
يبين اذا فيج انسداد او لا
ويعد تحليل من زوجج اختياط

لاتحاتين ان شاءالله تحملين

انا اخذت ست شهور كلوميد وماحملت اخر شي سويت اشعه الصبغة وطلع فيني انسداد
وانا الحين انطر دوري بعيادة دكتور منصور الصليلي
وبوريه تقارير الاشعة
وبشوف شنو يقولي

 

[عشق الشوكولاته]

يعطيكم العافي حبايبي المشكله اني انا عايشه بسكوتلانده ورحت اهني حق دكتوره موراضيه تعطيني علاج الا بعد سنه من زواجي ،، وانا ردتي حق الكويت ابشهر ٧ الياي
واشكركم عالمشاركه والله يرزق كل وحده محتاجه حق الضنى

 

[صادقة بكلمتي]

حبيبتي حبيت اقولج بما انج بالغربه اول شي الله يهون عليج وحدتج وثاني شي ادعي عسى الله يرزقج عاجلا غير اجلا انتي وكل من تبي الضنى ولا يحرم بنات المسلمين كلهم وراجعي دكتورة ثانيه عندج عسى تساعدج بتنظيم الدورة وتعرفين وقت التبويض عدل ودشي على مواضيعي في موضوع دعاء للي تبي تجمل عسى الله ان يكون ان قريتيه بصلاتج له خير لج ويرزقج الله امييييييييييييييييييييييييين وتبشرينا باذن اللي ما تنام عينه بحملج قريب

 

[ابدا يالغالي مانساك]

ترا مو ضروري مانتضمت دورتج ماتحملين فيه بنات مو منتضمه يحملون وفيه العكس
كل بنت وختلاف جسمهاا وهرموناتهاا
بس الافضل تنتضم الدوره عشان تبويضج ينتضم
انا وحده كنت دورتي كلش مو منتضمه من تزوجت مع العلاج والعسل والاعشاب الحمدلله بدت تنتضم
واخذ حبوب تنضمها وتنزلهاا برموليت نور انتي اي نووووع وليش تقعد شهر
ولاتخافي ابرة التفجير ماتلخبط الدوره كلنا اخذنااهاا
يارب تردين للديره بالسلامه ونفرح فيج وفي خبر حمااااااالج ان شالله وجميع بنات هالقسم

 

[مربى و قيمر]

الله يرزقج ياعمري والبنات ماقصرو

 

[القصيدة]

السلام عليكم و رحمة الله و بركاته

زي ما قالوا الأخوات لازم تستشيرين طبيبة نساء و ولادة

و الله يرزقك بالذريّة الصالحة يا قلبي :eh_s(17):​

 

[عشق الشوكولاته]

مشكوووره صادقه ابكلمتي وباجي البنات والله لايحرمنا منكم ولايحرمنا من الضنى والله كريم والله احس كله من النفسيه بعد الغربه اتعب الوحده والله كريم يارب
وانا دورتي الحين منتظمه بس ليلحين ماكو حمل وموعدها ١/١٢ والله كريم انشالله دعاكم يارب


ربي لا تذرني فردا وانت خير الوارثين

 

[Hanan82]

توكيل ع الله أختي وربنا يرزقج الذريه الصالحه يارب

 

[دلع بآبي]

ان شاء الله ماتشوفينها الا بعد 9 شهوور