حبايبي اللي حطوا بالون او يعرفون احد حاطه يتفضلون :)

[^^المهره^^]

السلام عليكم بنات

انا حطيت البالونه نص شهر 9 طبعا اول 3 ايام تعذبت بس الحمدلله عدت هالمرحله على خير والحين زينه وجني البخت الحمدلله

بس سؤالي للي حطوها اهوا.. شكثر نزلتوا عليها؟ وشلون كان النزول سريع ولا بطيء؟
انا ادري ان كل جسم له طبيعته و جسم عن جسم يفرق
بس انا الحين باسبوعين مانزلت الا 5 كيلوات و نص
وصارلي جم يوم ثابت وزني مع ان اكلي قل عن اول وايد حسب وضعي طبعا
من اكل بسرعه احس بالشبع
يعني كمية اكلي في الوجبه قلت بنسبة 50% تقريبا والمفروض ان هالشي له اثره
عموما انا بعد الحين توها يايتني الدوره ولا يتني اصلا تزيد وزني كيلوين تقريبا فا بنطر لين اخلص بعد واوزن

بس حبيت اسأل عشان اعرف
ياليت تطمنوني الله يطمن قلوبكم دنيا وآخره ويحقق لكم كل اللي اتمنونه يارب :*

ايه وانا سويتها لان باقيلي على وزني المثالي 18 كيلو تقريبا و لما رحت حق دكتور قاللي ماتحتاجين عمليات جراحيه مثل السليف والبايباس
انتي البالون كافي انها تنزلج خصوصا ان انا الحمدلله نشيظه واتحرك وايد والعب رياضه فا قاللي بيكون لها تأثيرها لكم كنت اجاهد واسوي رجيم و مانزل وايد علشان جذي فكرت فيها

عموما اللي تدخل ياريت ترد علي لو بكلمه


ناطرتكم حبايبي

 

[*مطبخ الذواقة*]

هلا يالغالية انشالله توصلين للي تبينه وبصراحة انا اعرف وحده سوتها وصار وزنها 57 نزلت بحدود 20 كيلو

بس عقب ماشالتها ردت وزاد وزنها بس طبعا خفيف وسمعت الحين انها ردت حطتها

يعني الموضوع كله لايف ستايل على قولتهم هو اللي راح يحدد لج اذا كنت راح تستمرين على الوزن اللي توصلين له او تردين تزيدين

اتمنى لج التوفيق

 

[^^المهره^^]

مشكوره حبيبتي على الرد
انا ادري ان وايد بعد ماشالوها ردوا سمنوا بس مثل ماقلتي اهوا على اللايف ستايل
وانا اساسا اللايف ستايل مالي حلو الحمدلله عندي تنظيم للوجبات واسوي رياضه بس مشكلتي ان وزني كان ثابت يعني سنه ونص تقريبا مايتحرك وان نزلت نزلتلي كيلوين 3 بس
انا حطيتها لاني ابي انزل نزول مستمر مو شرط سريع بس عالاقل اكسر ال10 كيلو بدون مايتنحر مده

انزين اللي حطتها ماعندج فكره شلون انزلتهم؟
كانت تسوي مجهود مضاعف عليها
ولا بس على حطة هالبالونه ومع الوقت نزل وزنها؟؟

 

[^^المهره^^]

اشدعوه 8 دشوا ومارد الا مطبخ الذواقه فديتها؟؟

 

[نثيه]

هلا مهره

انا ركبت بالون من قبل وبغيت اموووت منه
وما نزلت إلا 6كيلو

عشان جذي سويت باي باس

بس امانه ماتحسين ان بطنج كله هوا وتراعين وايد؟؟
​

 

[الريم30]

هلا حبيبتي. اختي حطتهً تخيلي بست شهور انزلت بس عشر كيلواتً اصلا عادي. ارجعت تأكل لان خف التفاخ البالون وتقدر تأكل كلش مانفعهاً والحين بتسوي نفسي تكميم

 

[shawaqah]

انا اقول سوي تكميم احسن
انا سويت تكميم

والحلو ان
خلال الاسبوع الاول جسمج ممكن ينزل الى 6 كيلو

البالون فاشلة بشهادة الدكاترة
وما تنزلين شي

الله يعينج ويوفقج للي تبينه​

 

[^^المهره^^]

هلا مهره​

انا ركبت بالون من قبل وبغيت اموووت منه
وما نزلت إلا 6كيلو​

عشان جذي سويت باي باس​

بس امانه ماتحسين ان بطنج كله هوا وتراعين وايد؟؟​

هلا حبيبتي اولا شكرا على الرد

وثانيا دام سويتي بايباس معناته انتي اووفر ويت
انا قلت لج باقيلي عالوزن المثالي بحدود ال15 الى 18 كيلو يعني لو انقز محد بيسويلي بايباس او تكميم
وماحس بطني فيه هوا بس احس دايما اني شبعانه ومنقثه ماتارع صراحه ههههههههه

عموما شكرا على ردج اختي ماقصرتي :*

 

[^^المهره^^]

هلا حبيبتي. اختي حطتهً تخيلي بست شهور انزلت بس عشر كيلواتً اصلا عادي. ارجعت تأكل لان خف التفاخ البالون وتقدر تأكل كلش مانفعهاً والحين بتسوي نفسي تكميم

الله يسمع منج ان شاءالله وانزل 10 كيلو بيكون مابقالي شي على وزني المثالي

انا كنت اذبح روحي ومانزل الا 3 ولا 4

شكرا على الرد

 

[^^المهره^^]

انا اقول سوي تكميم احسن

انا سويت تكميم​

والحلو ان
خلال الاسبوع الاول جسمج ممكن ينزل الى 6 كيلو​

البالون فاشلة بشهادة الدكاترة
وما تنزلين شي​

الله يعينج ويوفقج للي تبينه​

شكرا حبيبتي على النصيحه

ردي لج نفس ردي على الاخت نثيه

شاكره مرورج

 

[درر2008]

اصار عليج جم نزلتي

 

[Perfect J]

ليش محتاجة بالون معدة وانتي شفطتي ونحتتي جسمج كاامل عند د. اشرف عبد القادر !!