حبايبي ابيكم ضروري لو سمحتوا .....> انقذوني

[انونا]

السلام عليكم بنات شلونكم شخباركم كلكم ان شاء الله تمام


بتدخل بالموضوع على طول .......


انا الحين كورس تخرج والدوره طولت علي واهي تنزل ونفسيتي حيل سيئه والسبه التخصص وخوف من دكتورتين وياي بالجامعه اخاف اسقط عندهم وغيره وغيره


فنفسيتي سيئه الا اخر درجه صايره حساسه ومتنرفزه ومالي خلق الدوام وكل شي
وهالشي قاعد ياثر على حياتي الزوجيه وريلي هالفتره متنرفز مني وماالومه وشرحتله الموضوع ان نفسيتي تعبانه وان هالشي مؤقت وماكو فايده وقاعده احاول كثر ما اقدر اهدي بس همن مو بيدي بشغلات


الحين ابي طريقه ان اخلي ريلي يهدى وابعد عنه التنرفز ساعدوني حبايبي

اتمنى انكم فهمتوا علي




واحبكم وايد

 

[منال $]

والله حبيبي انتي مكبرة الموضوع
ادرسي والله يوفقك
ومو عشان دراستك تخسري زوجك
هوا مالة ذنب؟؟

استرخي وخدي الامور ببساطة

 

[ạ7ạśêś ~]

فصلي دراستج وحياتج مع زواجج ي قلبي
ماله اي ذنب تحطين الحره فيه .ٍ؟ِ؟ِ؟ِ؟
فـ فصلي دراستج وتعبج عن ريلجِ.؟

 

[رنيم الروح]

حبيبتي وكلي امرك لله وخليك طبيعيه لا نه التوتر راح يخرب عليك كل شي وزوجك ماله ذنب

 

[iLLuMinaTion]

الله يعينج

 

[black rose BH]

حاولي تفصلين بين دراستج وبيت بيتج

وقابليه بريج حلو وبعدي عنج النفسية الشينه عشان لا يتنرفز

وسويله ليلة حلووة ياكثر الحركات الجميلة هههههههههه وخليه يستانس وينسى التنرفز ^_^

وبالتوفيق يارب

 

[المرتاحة]

اهو المفروض يراعي ظروفج و يتفهم دام قبل انه يتزوج طالبة المفروض يكون قدها

وانتي بعد لا تزودينها و تحكمي بتصرفاتج

 

[ام الدرر]

حبوبة
الظاهر انج كنت تشكين وتتحلطمين عنده
الحين سوي العكس
عطيه ايحاء ايجابي حتى لو غلط
ترى حتى نفسيتج ترتاح
قولي له
درست واحس المادة تافهه وسهلة
اليوم الدكتورة قالت لي تحسن مستواج
وعلاماتج ارتفعت
الدكتورة ال2 اليوم عطتنا امتحان قصير وحليت كل الاسئله بسرعة
خذينا بدورة الايحاء السلبي والايجابي
ان العقل الباطن يصدق كل اللي تقولين له
شفتي المقلة المعروفة ((تفاؤلوا خيرا تجدووووه ))
طبقيها على روحج ولا تقولين مستحيل
شجعي نفسج
وقولي لها
انا مجتهدة وراح انجح
انا قد المسؤولية ومتفوقة بدراستي
عسى الله يصلح مابينكم ويهديكم
​

 

[ام الدرر]

ولا تنسين حبيبتي
تراجعين دكتورة احيان اضطرابات الدورة لها سبب عضوي مو نفسي ​

 

[ماتغير شي]

معااااها ^^^^^^

 

[انونا]

مشكورين بنات

الله يعطيكم العافيه


ام الدرو رحت والله وماكو فايده فحوصاتي كلها اوك بس لان النفسيه تلعب دور ويمكن لاني متختخه وهالشي ياثر

قاعده احاول كثر ما اقدر ان اهدي

ولو الله يفكني من الكاكا جان بعد ما اطامر واناقز

 

[دلوعة أبوهآ]

آلدراسه والجآمعه لهآ وقت
و زوجك وبيتك له وقت ..


لآتخلطي الامور ببعضهآ ..
شذنبه زوجك تطلعين آلحره فيه !!



آنتبهي لآتتوفقي بشي ع حسآب خسارة اشياء ثانيه

 

[Dalo0o3a Cute]

حبيبتي بالاول راجعي الطبيب شوفي شسالفة الدوره

والدراسه ما عليه توكلي على الله وادرسي وشدي حيلج لان الدراسه تطمن النفس اذا كنتي متوتره من ماده
ونفس ما قالو البنات افصلي دراستج عن حياتج مع زوجج حرام هو له حق عليج

حاولي تنظيم وقتج اكثر واهتمي بريلج


الله يعينج ويساعدج

 

[ElN00R]

خلصي دراستج قبل لا يرجع البيت ولي رجع قعدي معاه واهتمي فيه وسولفي له اشيا غير الدراسه
اذا تقدرين تمي بالكليه بالمكتبه تدرسين ورتبي وقتج وبالتوفيق حبيبتي

 

[مشاعر ضايعه]

الله يوفقج ويعينج
بس البنات ماقصرووا فصلي بيت حياتج الدراسيه وحياتج الزوجيه
انا عندي رفيجه متزوجه اوقات البريكات ماتقعد ويانا كلش
كله تروح المكتبه وتقعد في قاعات الدراسه تتدرس وتخفف من المهمات المطلوبه عليها
واذا نقولها قعدي ويانا تقول وراي زوج في البيت
وماشالله عليها مرتاحه نفسيا وماشيه في دراستها

 

[zgrtya]

ياا مامااا

لا تشتكين له و تدخلينه بحياتج الدراسيه

الي صار بإختصار طاقتج السلبيه أثرت فيه :×

لا انتي قادره تعالجين وضعج ولا انتي قادره تعالجينه )

كل الي عليج تسوينه

تدبرين لكم سفره حتى لو بس ويكند

تغييير جو ع الاقل

و لا اتييبين طاري الدراسه و الفصل و التخصص وووو الخ أبدا =)

و مشاكلج الدراسيه تنحل بروح بعيدا عن الزوج

 

[Maaax]

بالتوفيق حبيبتي
والله يسهل امورك