وعليكم السلام ورحمة الله وبركاته ..
اول شي مبروك حبيبتي
شوفي البدايه خ تكون بالأساسيات أما الأمور الثانويه تخلصينها بيوم مايبيلها فراره
روحي الديره اخذيلج كم طقم ع فكره ارخص مكان الديره للذهب والفضه
بعدين الساعات الماركه الخاصه ببدلة العرس
حجزي البدله مع اكسسوارها ومسكتها وكلها وانصحج بزياد انطوان
بعدين الصالون لأن انتي اتوقع يصادف عيد الأضحى صح ؟!
راح يكون زحمه فقبل العرس بشهرين حجزي أو 3
بعدين البخور وزالعطور والخلطات
تالي الجناط وأنصحج الحين تروحين سامبا أو قصر الجلود مسوين تنزيلات بالهبل ع الماركات العالميه اخذي الألوان الأساسيه
اسود .. بيج .. ابيض
بعدين فصلي بدلة الحفله اقصد المسائيه اللي بسونها اهل الريال وبدلة ردة زوارتج لأهلج يعني الحفله اللي بتسويها الماما
وهم كم بدله لو بعد العرس تصير عروس تحضرينها راح تكونين تو عروس والأنظار عليج يبيلج بدل زوغه تقريبا 2 لا تكثرين لأن الموديلات تتغير كل موسم ..
اممم بعدين الشوز والساعات الكاجول مثل بولس .. دكني .. هرمز.. D&g ..........الخ
هذي الأساسيات وحطي لج مبلغ مناسب للزفه و التصوير والصالون يعني مثل الزفه يبيلج لو مع الديجي 350 أو 250
التصوير قولي 150 او 200 الصالون 350 مع برنامج العروس << هذيل حطيهم على كتر قبل العرس بشهرين بلشي حجوزات ..
بعدين انطلقي للبدل الشقه وبدل الزوارات والعبي والملافع والميك اب<< نصيحه آخر شي اشتريه الميك أب لأن جو الكويت شوفه عينج حار والميك اب يخرب مع الحراره آنا أقول خليه ع آخر شهر خو بيخلص بثلاث ايام ..
بعدين البجايم والكريمات وقمصان النوم والملابس الداخليه ةالأرواب وهالسوالف
انتي بس خلصي الأساس بترتاحين وايد
موفقه حبوبه
