حايشتني موجه اعصاب واكتئاب :(

[صدى الاشواق]

السلام
شلونكم بنات
مادري شقول بس ابي افضفض لاني مالقيت احد حولي يسمعني او يحس فيني
يمكن اهني اشوي اقدر افضفض
امر بحاله اكتئاب مو طبيعيه مادري شنو اسبابها عندي ضغوط نفسيه جدا قويه محد راضي يفهم او يعرف يتعامل معاي ويهديني
حتى اقرب الناس يشوفون اعصابي تلفانه بدال لايهونون علي لا يزيدوني يا يدورون اي موضوع يغثني او طريقه اسلوبهم تنرفزني
وحتى لمن اييهم اشتكيلهم عن اي شي مضايقني اووووول كلمه طلع منهم انتي غلطانه ويقلبون الموضوع علي
حتى لو انا غلط انا وصلت لمرحله مابي اللوم لان المشكله مو بايدي صنعتها
يكلموني بطريقه جافه كاني مرتبكه غلط كبير وبالنهايه لو بفكر بمصلحتي انا تصرفي مو غلط بس لاني مابي اخسر احد اتصرف بطيبه وهالشي مايعجب الي اشكيلهم حالي اكون منبطه بنفجر ويلوموني ويدرون انه ما بايديي شي
وغير الضغوووط الثانيه على همي الي فيني ايون يسببون لي مشاكل وضيقه
وحنه ورنه على اتفه الاشياء
امبيه وصلت لمرحله ماااالي خلق شي حابسه نفسي صارلي جم يوم لا اكلم احد ولا اروح الدوام ولا اكل نفس الاوادم والي يكلمني اهب بويهه صراخ موقادره اسيطر على اعصابي كلش
من كثر الاعصاب الي فيني صداع دايم وحرقه بقلبي حايشتني وخدران بجتفي

ابي حل يخليني اهدي من اعصابي نفسيتي حدها تعبانه

 

[ام الدرر]

((واستعينوا بالصبر والصلاة وانها لكبيرة الا على الخاشعين ))​

 

[صدى الاشواق]

تسلمين ام الدرر ماقصرتي

 

[brettey]

والله نفس حالتج بالضبط
مادري شسوي
اصبر نفسي بالدعاء والاستغفار والصلاه
بس همومي تزيد ماتنقص

 

[chakletaA]

نفس حاله احاول استعين بربي واستغفر الله
ولا افكر باي افكار سلبيه

رغم اني انجرحت من قبل شخص مليق وبنيت حبي لشخص
لاكن للاسف طلع انسان سخيف وجلب لزوجته والله ودي اتعرف علي زوجته
لاني صج صج ضايقتها

وانا حاليا عايشه في قمة سعادتي وحبي الجديد

 

[صدى الاشواق]

الله يفرجها علي وعليكم ان شاء الله

 

[انتهت قصة هوانا]

الله يجبر بخاطرك صدقيني وربي من تجارب اكتشفت مافي انسان بالدنيا يستاهل اتعب نفسي له او اي ضغط خارجي قد يكون سبب لتعاستك تعلمي اشلون تتجنبي واما من ناحية اي انسان يحس فيك تاكدي مهما شكيتي مهما بكيتي صدقيني نفس مرارة الالم الي تشعرين فيها لا يشعر فيها الا انتي صدقيني لاتعبين نفسك في منهم من يسايرك ومنهم من يستفزك ومنهم من يخدعك ومن هم من يشمت ومنهم الصادق لكن بالاخر انتي تعلمي اشلون تقومين على حيلك وترمي كل شي ورا ك وانسي تجاهلي

 

[مفسرة الاحلام]

وش السالفه كل الشعب هابه فيهم موجه الكائبه شكل عدوى الكائبه فى الجوو منتشره

والله ياحبيبتي مو بس انتي الى تمرين بحاله اكتئاب انا شخصيا لي اسبوع منفسسس =الاخلاق تجاريه والنفسيه زفت ومكتئبه

لدرجه اهلي زفووووني امس يقولوون لي ليه اخلاقك قافله وش هاب فيك واليوم اختي بعد خمتها هالموجه

بس الحمد الله رب العالمين

((واستعينوا بالصبر والصلاة وانها لكبيرة الا على الخاشعين ))

بالفعل قومي خذيلك شور دافي وخليه كذا يزرزخ على كتوفك ولا تفكرين فى شي فى هالوقت غير انك تدلعين نفسك ولا خلصتي قومي دلعي نفسك وطلعي كل الكريمات الى ريحتها حلوه وعطوراتك ودلعي جسمك وتدهني وتفركي لا خلصتي قومي صلي لك ركعتين وطلعي كل الى في خاطرك وانسي بمعنى اصح تناسي كل الى يدور فى راسك واجلسي مع الناس او على التلفزيون وبكرى اطلعي من البيت وتمشي فكي عمرك من الحكره ومده البوووز
ترى محد داري عنك ولا حد بيقول ياحياتي متضايقه
انتي الى تاكلين نفسك بنفسك وتحرقين حالك ومحد يستاهل

والله يفرجها عليك وعلي وعلى كل البنات الى يقرون هالكلام​

 

[ابي اصير ممثلة]

انا الي فيني اعصاب على هلي خليني ساكته بس

 

[عديلة روح]

جربي قولي هذا الدعاء والله الذي لا اله الا هو بعد ما قلته بدقايق انزاح عن صدري جبل
حاولي تقولينه بيقين والحاح
ربي اني اشكو اليك نفسي فأعني عليها وقني شرها يا سميع يا عليم
بك استجير

 

[ابدا يالغالي مانساك]

فرشي سجااااااااادتج وقومي الليل وشوفي شلوووون نفسيتج
واعصابج ببتغير

 

[^LILY^]

عادي حبيبتي هدي نفسج وذكري الله
ويمكن بتجيج الدوره عشان جذي
الموود متعكر

 

[غلآ نوآف]

الله يكون بعونج حبيبتي
بس والله صدقيني مو انتي وحدج الي تحسين بهذا الشيء
كلنا نمر بمرحلة حزن وضيق شديد وحتى كآبة
لكن مابيدنا غير نصبر وندعي الله يفرج همومنا وييسر امورنا
ويعينا ع الحياة والناس الي فيها ومشاكلهم الي ماتخلص
محد يبدل حالج الا ربج
لا نحن نبدله
ولا اي شخص ثاني تعرفينه ممكن يبدله
ادعي لربج يفرح قلبج ويجبر بخاطرج
ولو مو متزوجة
ادعي انه يعوضج بالزوج الصالح الي يسعدج
وتفائلي وخليج مبتسمة
وصدقيني لاتشكين الحال لاي مخلوووووووق
مرد اللوم والعتب بيطيح ع راسج
لو كنتي موغلطانة هم بيلومونج
ريحي راسج من البداية
واذا حبيتي تشكين
اشكي لشخص مايعرفج ... هذا اسلوبي
مثل عندنا بالمنتدى
عبري قولي الي بقلبج

انصحج بالصدقة والاستغفار

 

[قلبي وينك]

انا حتى والله نفس حالتج بس الله كريم شو نسوي ما في ناس تبرد على الجبد كله هواش بهواش انا مليت والله ووصلت لدرجه خلاص اكتفيت من الحياه
الله يصبرنا

 

[Tom ♥ Jerry]

,


فضفضي حق ربج و قولي كل الي بخآطرج فيه بـ سجده
طلعي الي بقلبج كلا ، و خلج قريبه من ربج
اقريلج جم صفحه من القرآن ، و آدعي ربج على طول
آنه يفرج همج ، و بترتاحين آكيد !

 

[قصاصه ورق]

كانك تتكلمين عني نفس الحاله بس صلاه الليل تشيل الهم مجربتها خفت العصبيه كثيرعني وقراه القران خصوصا بعد صلاه الفجر والاستغفار والصلاه علي الرسول صلى الله عليه واله وسلم كل ماحسيتي نفسك اعصاب ومانتي طايقه احد جربيها وبتشوفي كيف انك بديتي تسيطرين على نفسك وادعي اللهم قوي صبري واشرح صدري

 

[ليه الجفآ]

الحال من بعضه

وحجي الخوات جميل جزاهم الله خير

اتبعيه

وانا وياج بتبعه




,,​

 

[Queen.H]

ديري بالج حبيبتي

انا حاشني اكتئاب من سنتين و ما فكرت أعالجه .. و تطور حيل و قعدت بالبيت سنتين و خليت دراستي .. و حياتي صارت مهزلــه ..

وانا توني صغيره عمري 22 ..

توني بديت أطلع منها

وربي متحسفه عالسنتين اللي راحوا مني وانا حاسبه نفسي


و بالنسبه لمشاكلج .. روحي استشاري فضفضيله و خليه يعلمج على طرق عشان تتجنبين المشاكل و تصيرين أقوى .. واذا ما تقدرين تروحين أو ما تبين .. في مركز استشارات و انتي قاعده ببيتكم تكلمينهم بالتليفون بدون ما تذكرين انتي منو ولا شي ..



بس لا تقعديـن جذي صدقيني بيتطور و حتى بينعكس على شكلج

 

[حلا بنت الغالي]

القرآن والدعااااء والاستغفار

 

[Lourdez]

الله يعييينج و يعين الجميع يارب