حامل و قاعدة اكشت بالدوام (البصمة)

[Lourdez]

السلام عليكم

بنات انا حامل و بالسابع و حدي تعباانة ما اقدر اداوم و قاعدة اكشت ببصمتي و صارلي اسبوعين و انا اساسا عندي غيابات شكثر قبل بدون عذر شالحل؟ هل صحيح هالكلام انه بيفصلوني عقب 40 يوم غياب بدون عذر؟؟؟
علما باني الحين قاعدة اراكض عشان اسوي المجلس الطبي بس ناطرة الاجراءات

 

[غـلآوي ّ ~]

تأگدي من دوآمچ احسن

 

[randomy]

طلعي طبيات...وخليج بالسليم

 

[jekara_maziona]

احسن شي طلعي لج طبيات ،، رفيجتي نفسج كانت تراكض حق المجلس الطبي وكانت تتعب وماتداوم
عاد دكتورتها كانت تعطيها طبيات كل اسبوع ليما خلصت المجلس الطبي والحين قاعده بالبيت

ديري بالج تغيبين من غير طبيه ،، لان راح ينحسب لج انقطاع عن العمل اذا صاروا 15 يوم من غير عذر

 

[1001]

15 يوم انقطااع عن العمل = فصل
بما انج تعبانه طلعي طبيات من دكتورتج او اخذي اجازه دوريه وخليج بالسليم

 

[om_ibrahim]

الله يكون بالعون

 

[يحبنى الله *]

الله يستر عليك ويعافيك

 

[Lourdez]

مشكورين حبايبي عالتفاعل .. فعلا طلع انه لازم اطلع طبيات و اطلع ورقة من وزارتي اسمها اعتماد طبيات و ارفق هالورقة مع نسخه من طبياتي اوديها لما يقيموني المجلس الطبي عشان ما يصير فصل و الحمدالله ابشركم دقوا علي قالولي جدموا موعد المجلس الطبي اسبوعين

شرحت زيادة عشان اذا في وحدة نفس حالتي تستفيد