حامل و بجر و ما عندج خدامة ؟ تعالي

[Pretty_mama]

السلام عليكم
شلونكم كروشاااات شخباركم
الموضوع باين من عنوانه بناااات حدي متوهقة انا حامل و بجر و بصراحة ما كنت محتاجة خدامة خدامة امي و خدامة خالتي كانوا مكفين و موفين
بس الحين ابي خدامة تساعدني ابيها تشيل اغراض البيبي لا زرت و تساعدني
شرايكم متى لازم الحامل تطلب خدامة بأي شهر ؟ انا بالخامس حاليا اطلب الحين ولا بالسابع ؟
و أي جنسية اطلب ؟ محتارة بين فلبينية لانها انظف و تعرف انجليزي او هندية بشرط تكون متعلمة و تعرف انجليزي
انتوا شرايكم بنات
يا ليت تفيدوني :eh_s(2):

 

[بيـآض الثلـج]

أنا نفسج

كنت مقزرتها علي خدآمآت أهلي

لكن مفكره اذا ولدة ان شاء الله بييبلي خدآمه

و أحسن شي تقدمين عليها مبجر علشان علي ماتوصل يبيلها وقت

وهم علشان علي ماتتعلم حتي اذا ولدتي تكون فآهمه كل شي

والله يتمم عليج حملج و تولدين بالسلآمه​

 

[Pretty_mama]

اجمعين حبيبتي مشكورة ��

 

[كتكوته حبيبي]

والله ماعندي فكره انا اطلب من خالتي خدمها وحتى لي ولدت لو احتجتهم بطلب منها مراح تقول شي لان ساكنه معاهم بس انتي اذا بشقه لازم خدامه طلبيها من الحين ترى مرات تصير سوالف ماتقدر تيي او شي وحتى لو يت مبجر احسنلج عشان تعلمينها ع شغلج وتكون فاهمه

 

[3 العراقية]

نصيحه اطلبي فلينيه انظف الحين كثير يشتكون من الهنديات والله يقومج سلامة ومثل ما قالو الاخوات الحين اطلبيها عشان تعلميها كل شي

 

[حرم حبيبي]

اطلبي من الحيييين لانهم يطولووووون

 

[Pretty_mama]

انا ساكنة مع حمولتي بس ابي خدامة حقي تساعدني اذا زرت او طلعت مع البيبي تشيل جناطه لان ما قدر بروحي

مشكورين بنات عالردود ��

 

[زين ودلال]

انا طلبت الخدامه بالسابع ووصلت اول التاسع

بالنسبه لي ماحب الفلبن

هنديه او سيلانيه

 

[كلي لكـ]

حبيبتي طلبيها وارتاحي على ماتوصل ومرات يقولون انها ماتبي تجي بعد جم شهر
وكل مايات مبجر احس تعلمينها ع شغلج وتنظيفج
انا طلبت لي وحده وطلبت فلبينيه
طلبتها مبجر عشان اعلمها ع شغلي وارتاح اخر شهوري

 

[Katkoota85]

الفلبينيات مشاكلهم وايد ويخرعون وبايعينها عادي ان صكت فيها الدنيا تسوي بلوه وتنتحر مايهمها شي ..
الهنديات والسيلانيات والنيباليات وايد اهون واحسن وعالنظافه علميها ماكو اشكال ولا تحطين لج مجرمه بالبيت

 

[Pretty_mama]

مشكورين بنات
اي شكلي بطلبها الحين اخاف توصل وانا بالتاسع اكون ثقيلة مالي خلقها
وااااي احس لوووية تجهيز بيبي و استقبال و خدامة و اغراض نفاس الله يعينا بس

 

[-فلانة-]

والله حبيبتي انا ما أحب الخدم كلش..عندي فلبينية شغلها تنظف و بس..
من قبل لا أولد شريت كرسي مواليد حق السيارة..أطلع بروحي مع بنتي..دايما أوسوس إن الشغالة ممكن تقرص بنتي و الا تمسكها مسكة تعورها و انا ما أدري..ما أدري بس انا وايد متعقدة من سالفة الشغالات عقب سالفة عايشة الله يرحمها و يبيح منها..
ودايما أقول الأجانب لا خدامة ولا شي و عندهم 2 و 3 وقادرين يمشون أمورهم..
بالطلعة أعلق جنطتي و جنطة بنتي على جتفي و أشيلها و أحطها بالكرسي..واذا عندي مشوار والا شي وما أقدر آخذها معاي..أوديها بيت أهلي خواتي وايد ماشالله وما يقصرون يجابلونها..
من كملت شهرين صرت أطلعها الأسوقة معاي و أحطها بعربانة مالت المواليد وأقضي شغلي..
صج تعب علي بس قلبي مرتاح ومتطمن الحمدلله..
نصيحة حتى لو بتيبين خدامة حطي في بالج إنها للتنظيف و بس..لا تأمنين فيها على ضناج كلش..
ربي يقومج بالسلامة و تفرحين بشوفة البيبي سليم و معافى من كل شر ان شاء الله..​

 

[احلى ديما]

انا 100% مع.فلانة وحتى حق التنظيف مايبت والله لا يحدني عالخدم مو ناقصنا شي عن الاجانب كاهم شزينهم عندهم جم ياهل ولا.قالوا خدامة ولا شي
هذا.رايي.ياقلبي واتمنى تتقبلينه واذا.مصممة انا اقول طلبي هنديه احسن اهما احن شي عاليهال

 

[القلب الطيب]

احسن لج
تطلبين من الحيييين لانهم يطولووووون
​

 

[Pretty_mama]

فلانة
احلى ديما

ماشالله عليكم اي والله مو ناقصنا شي عن الاجانب اهوا حق اول ست شهور اوكي اقدر بروحي بس بعدين راح اداوم و دوامي طويل لازم خدامة عالاقل حق التنظيف تساعدني وانا بعد ماحب الخدامة تجيس عيالي بس الكل يقولي هذا الكلام بس الحين بعدين يتغير كل شي ما يندرا والله :bbbiu:

 

[sosowaty]

و عليكم السلام

اهلا بنت تجمعنا شلوونج

باختصار الفلبنيه مرتبه و نظيفه بس عيبها انها ما تتحمل و نفسيه و اغلبهم يموتون ع الرياييل سوري بس هذا الصج

و الهنديه حنونه و طيبه و تتحمل ماتدرين وين الله قاطها عيبها انها ما تفهم و مو نظيفه و لا مرتبه

وبس *

 

[انسام الكويت]

الأخت سألت انسب وقت لطلب خدامه وكل وحده دشت بموضوع ثاني

ندري انه الخدم مالهم امان بس أهي مجبوره تبيها واختصروا الحجي لاتزيدون

أختي طلبي من الحين أحسن لانه مرات مايون وتكنسل فطلبي من الحين تظمنين انها توصلج

قبل ولادتج

 

[sosowaty]

؟ انا بالخامس حاليا اطلب الحين ولا بالسابع ؟
و أي جنسية اطلب ؟



اختي انسام الكويت



ياليت تقرين الموضوع عدل قبل لا تتهجمين علينا

 

[Pretty_mama]

هلا فيج سوسواتي
وااااي ادري كل وحدة فيها مميزات مو موجودة بالثانية :eh_s(16):
ودي اخلط فلبينية مع هندية عشان تطلعلي الخدامة المثالية


و مشكورين بنااات عالردود ما تقصرون :eh_s(7):

 

[sosowaty]

ههههههههه بريتي ضحكتيني ههههههههه