حامل وينزل دم

[ام بوحنة]

السلام عليكم

والله ما ادري قصتي اشطولها بس بختصر

انا لي خمس اسابيع ومسوية سونار وكان وضعي طبيعي نسبيا
المهم عقب اخر سونار بدا ينزل علي افراز بني بعدين صار دم
الحين اعراض الدورة كاملة بالالم والدم
واخذ مثبتات حبوب وتحاميل

في احد صار فيه مثلي او اتعرف وحده نفس حالتي ومر حملها على خير ؟؟؟
الله يجزي كل وحدة ترد علي كل خير

 

[Q.8.h.2]

والله ماعندي علم
انا نزل عليي دم شوي بس اول الحمل والحمد لله مشى حالي
فاحسن روحي الطبيب بدل ماتكونين على اعصابج لان في بنات هالشي عادي يكون وفي بنات لا
والله يتمم عليج يارب وطمن قلبج

 

[ام بوحنة]

رحت الطبيب
عطوني مثبتات وقالولي نطري علشان نشوف
وانا ناطرة بس بعرف ممكن اعدي منها على خير

 

[Q.8.h.2]

مادري والله
الله يثبته يارب وبارك لج فيه

 

[sweet fashion]

رد : حامل وينزل دم

لآزم تروحين لدكتور علشآن يصرف لج حبوب مثبته وآذا زآد لآسمح الله يعطونج آبر مثبته
بس لآتخافين آلنفسيه تلعب دور لآتتوترين وتفكرين خلى كل شي بيد رب آلعالمين

عمومآ مثل مآقآلت وحده من آلخوآت بنات عآدي وبنآت لآ بسرعه يتعبون بحملهم
وعسي الله يكتب لج آللى فيه آلخير

 

[ام بوحنة]

جزاج الله خير

مو قادرة احس انه بروح عندي اجهاضين قبله صج ماعندي استعداد

لازم انطر انه كان عمره خمس اسابيع واشوي والنبض مو باين عدل
اذا كبر الجيس والنبض بين معناه في جنين سليم
واذا لا معناته فقدته

والله متحملة بس اليوم ياني خوف

 

[sweet fashion]

رد : رد: حامل وينزل دم

جزاج الله خير

مو قادرة احس انه بروح عندي اجهاضين قبله صج ماعندي استعداد

لازم انطر انه كان عمره خمس اسابيع واشوي والنبض مو باين عدل
اذا كبر الجيس والنبض بين معناه في جنين سليم
واذا لا معناته فقدته

والله متحملة بس اليوم ياني خوف

أم بوحنه دآم عندج حالتين آجهاض لآزم ترآجعين تشوفين وضعج آول بآول
وبسألج آتني بعد آلاجهاض آلثاني مآسويتي تحاليل تخص آلاجهاض
آللي آهيا
تحليل آلهرمونآت
وتحليل آلغده
تحليل آجسام مضآده
تحليل تخثر آلدم
تحليل سيولة آلدم
مآسويتي سونآر دآخلي تشوفين حآلة آلرحم وآلمبآيض

آكلتي حبوب فوليك آسيد قبل مآتحملين بشهر آو شهرين
دورتج منتظمه قبل ماآتحملين ؟؟

كل هذآ مهم لآتستهينين بوضعج من بعد آلاجهاض ضروري تسوين هآلتحاليل لتفآدي حمل معرض للآجهآض

 

[ام بوحنة]

اجهاضي كان من بعد عملية الزايدة وكنت بالشهر الخامس

البنج اثر علي وصار عندي ولادة مبكرة

وضناي كان عايش ويحوس بداخلي جنه سمجة مخنوقة

والحين اخذ بيبي اسبرين ومثبتات من اول الحمل
بس ماسويت التحاليل لانه كل الدكاترة اتفقوا اني ما احتاجها

 

[ام بوحنة]

مافي ولا دعوة انه الله يثبته؟؟؟؟

 

[ديانا سبنسر]

الله يثبته لج يارب

 

[ام بوحنة]

مافي احد مر بهالتجربة؟؟؟؟؟؟؟؟

 

[ريم الخبر]

ياقلبي الله يثبته ان شاءالله
:::
انا مريت بهــ التجربه مرتين ..اول ماشفت الدم اخذت مثبتات
ونمت على ظهري ومااقوم الا للضروره وعلى هالحاله ليييما
اختفى الدم تقريبا مدة شهرين كامله ...ميخالف الواحد يضحي
الضنى غالي ...االله يرزقك الذريه الصالحه ان شاءالله

 

[yasmeen_q8]

الله يثبته لج

قاعدين تخرعوني انا اول حمل وما ادري شنو العادي ومو العادي وماني فاهمه شالسالفه بس قاعده اخاف

الله يثبتلج اياه ويرزقج يا رب بس بغيت اسال ثاني حمل البنج اثر الاول من شنو صار الاجهاض ؟؟

 

[بتبوتااا]

حبيبتي صار معاي جذي اول شهرين وخصوصا لمن اقعد من النوم اشوف اليومي فيه دم مع افرازات وكل ما امسح في دم بس لونه شوي غامج نفس الدوره لدرجه اني كل يوم اروح الطبيب من الخرعه وكانو يقولون لي انذار بأجهاض ارتاحي ولا تسوين مجهود ولا جماع ليما يخف الدم وكله نامي على ظهرج وعلى فكره فيه ناس تحمل وتييهم الدوره عاادي ,,
وحماتي بعد كان الدم ينزل عليها لي ريولهاا وكانت تاخذ مثبتات والحمدلله تم حمالهاا ,,

واخذي حبوب dupbaston

تنظم لج هرمون الحمل يا قلبي .. وممتازه والله يثبت لج حملج يا قلبي ,, اي ونسيت يقولون اكثر الحالات هذي الحمال يكون بنت والله اعلم :> ,,

 

[أأأميرة الورد]

رد : رد: حامل وينزل دم

الله يثبت حملج
ويرزقج بالذرية الصالحة

 

[احب المنتدى]

رد : حامل وينزل دم

الله يتمم عليج و يثبته يارب

 

[المكسيكيه]

الله يثبت حملج ياقلبي
ادعي ربج وكثري من الاستغفار وماعليج الا العافيه لا تتحركين وايد وراجعي دكتورتج وشوفيها شتقول لج

 

[ام هالدنيا]

حبيبي يا عمري ترى فيج يا عين او عمل او تابعة انا كنت نفسج نزل علي دم من اول حمل معاي وبعدين مات وعلى طول حملت بثاني وهم نزل معاي دم ومات اول شي دم بوني وبعدين دم احمر وبعدين ينزل الجنين و يموت وهم على طول حملت بالثالث وهم نزل علي دم وهني قالت لي امي اقري القران يمكن احد حاطج عمل او فيج نفس وفعالا قريت القران سورة البقرة من قريتها انقطع الدم معي وعقب شهر خليتة ولي شهرين ويومة نزل معي دم وعلى طول من الحمام الي الدار ابي اقرى القران وكنت اقرى القران مع شريط مسجل كل يوم الصبح جزء ونصف وبليل جزء ونصف يعني اقرى معى المسجل القران بيدي اقرى مع المسجل وقاعده على الحالة هذة كل يوم لين الولادة والحمدالله ثبت ولدي وحملت على طول عقب الولادة في بنتي وهم اقرا البقرة ولا نزل دم معي وعلى طول حملت في بنتي الثالثة وهم اقرا البقرة ولا نزل معي دم وانتي الحين اقري القران بي سورة البقرة كل يوم ومع الاستغفر واذكري الله وان الله يثبت الحمل بس نصيحة مني لج اقري البقرة وبس

 

[ملح الدنيا فيني]

حياتى مدام ينزل دم لازم تطيك تحاميل سيكلوجيست 400 3 تحاميل باليوم بفتحه الشرج يعنى 3 مرات باليوم

+

دفستون 3 مرات


+

ابره تثبيت كل خميس


لازم


انا كان فينى نزيف مو بس دم وهذا علاجى والحين الحمد لله زينه


بس هم مستمره عالعلاج لين اعدى الرابع

 

[(حور**)]

الله يثبته لج