حامل ومعاي نزيف ..منو صار لها مثلي ؟؟؟

[orchidia]

مراحب حبوبات

من بداية حملي وانا احس بآلآم والدكتورة قالت طبيعية وصرفت لي مسكن أمس كنت جالسة ادرس وحسيت بالآم الي تجيني دايم قلت خل أرتاح وبعدها رحت دورة المياه تكرمون على اني عادي بأقضي حاجتي الا اشوف ملابسي كلها دم ..

قومت ريلي من النوم وع المستشفى قالت دكتورتي ماعرف شنو السبب سوت لي سونار وشافت الجيس قالت بمحله وقالت مقدر اسويلج شي الحين بأحللج هرمون حمل وبعدها بيومين بأعيد لج التحليل بأشوف يزيد أو لا

اذا ميت ننزله واذا يزيد راح اعطيج ابر تثبيت

عطتني تحاميل شرجية سايكلوجيست كل 12 ساعه

المشكلة ان الدم لي الحين ماوقف يعني صار له تقريبا 12 ساعه

وأحس بنفس الام الدورة بس خفيفة

مع اني من قبل حملي كنت اكل كلوميد وعطتني بعده دوفاستون وقالت استمر عليه

يعني الي صار لي صار مع المثبتات

منو صاااار لها نفسي

خايفة مادري الجنين بيثبت والا بيطيح


تكفوووووووون دعواتكم

 

[&هند&]

حبيبتي روحي الطبيب واخذي مثبتات وريحي ظهرج خالتي جاها نزيف وماعليها كمل مشاء الله حملها اخذي ابر احسن وان شاء الله يثبت ،،،

 

[ابدا يالغالي مانساك]

حبيبتي اووورور
شوفي داااامج مااخذه المثبت ماعليج شر ان شالله ودام تطمنتي بالسونار بعد
انتي سوي التحليل الهرموني وشوووفي النسبه قااعده ترتفع ولا تنزل

ويارب يارب يارب يثبته عااد فرحت حيل بخبر حمااااالج
​

 

[نوسآ]

لاتحاتين ان شاءالله ماكو شي

انا نفسج نزل علي الدم بحمالي واخترعت ورحت الدكتور قال ماكو شي

بس ريحي نفسج ولا تتحركين وايد وخلج كله منسدحه


الله يثبته لج يارب

 

[orchidia]

الله يسممع منكم ياااااااااارب

عقبالكم ابودة وهنودة

بس حمل سليم ان شاء الله

 

["*آآآنؤؤؤقهـ*"]

حبيبتي لاتحاتي الدم يمكن من خارج المشييييمه

دم متكدس وبيطلع

يااارب يثبت حملج ... طمنينااااا ....

مالج شر ...

 

[أملي بعد الله]

حبيبتي أول شي مبروك على هالخبر الحلو وثاني شي أدعي لج إن ربي يثبته ويحفظه إن كان فيه خير

وإن كان فيه شر وميت لا تحاتين ياقلبي الله بيعوضج غيره لا تبجين وخليج متفائلة وادعي من قلبج إن ربي يكتب لج اللي فيه الخير

تدرين بنت خالي كانت معاي حامل بنفس الشهر فرق بيني وبينها أسبوع حمل واحد

وتوفى الجنين في بطنها وهي ماتدرين ودكتورتها مسافرة ومادرت عن الجنين كللللللش

ويوم راحت موعدها بعد مارجعت الدكتورة تفاجأت إن الجنين ميت صارله شهر ونص تصوري !! وهي ماكان ينزل عليها دم ولااااشي وطلع مشوه الله يعوضها ياااااارب حياتي

وقامت تبجي مثل اليهال لأنها تفكره عايش وكانت متعلقه فيه وهو طاح بو أربع أشهر مو هين

الله يعوضها ياحي ياقيوم ويعوض كل مجهضة اللهم آمين

فـ انتي لا تضيقين خلقج الدم مو دايماً يكون خطير أحياناً يكون دم متجمع

صلي ع النبي وذكري الله وطمنينا عنج

 

[ابدا يالغالي مانساك]

حبيبتي اوووووووورو سوي طريقة النشااااا ترفع النزيف
وايد يمدحووون فيها ​

 

[Tic_Tac]

والله دام مستمر الدم اعتقد انه اجهاض
وعسى الله يعوضج

والجيس مال الحمل حتى لو انه اجهاض يكون موجود
وتكون نسبة هرمون الحمل مرتفعه تدل على وجود حمل
بس مع الايام تقل

كلام دكتورتج سليم ميه بالميه انها اخذت نسبة هرمون الحمل

انا قبل. سنه كان لي اربع شهور ومات الجنين في بطني
وسبحان الله ما كان فيني عوار ولاشي
ونزل علي دم من ثاني يوم جامعني زوجي بالليل
والصبح انفتح الرحم ونزل دم وثلاث ارباع الجنين طلع برا
الرحم .. والحمدلله على كل حال

وربي عوضني له الشكر والحمد والحين انا حامل وعسى ربي
يثبته للتاسع امين يا رب

وعسى الله يرزقج ويعوضج خير اذا كان اجهاض
واذا كان مجرد دم خارج الرحم عسى الله يثبته لج
وتفرحين بشوفته امين يا رب العالمين

سوري على اطاله

 

[ELFAD3Ah]

الله يثبته يارب

 

[غرومه غنوجه]

الله يعينج ويسهل عليج امرج ويثبت الجنين ويكون شي ثاني ومايكون اجهاض
الله يهون عليج حبيبتي

 

[حوريه ...]

اورووو حياتي ماودي اخوفج


بس قريبتي حملت وكانت ذابحتها الام بظهرها وعقب صارينزل معها دم وتروح المستشفى ويعطونها مثبتات تخيلي وهو كيس حمل فاضي مافي جنين

وتقولها الدكتوره ارتاحي وتمت اكثر من اسبوعين والدم ينزل كانها دوره وتاخذ مثبتات ليييين تعبببببت خلاص ماعاد تقدر تتحمل ماتنام من الالم

وتروح لمستشفى ثاني جان يقولون لها انتي مجنونه الكيس مع كثر المثبتات انفجر وصار ينزف ع الحوض الله يكافينا الشر

ع طووووول عمليه فتح بطن ونظفوا بس اول ماجتهم ع طوول قالوا عمليه وقالوا زين لحقتي ع عمرك والا كان حاشك تسمم

عسى الله يعوضهم يارب

توكلي ع ربج هو القادر ع احياءه برحمج واذا الله كاتب له يعيش بيعيش حطي هالشغله ببالك ع طول

والله اللي بيده كل شي سبحانه

وعسى الله يثبته برحمج وتفرحين بشوفته

وترا ماقلت القصه اخوفج بس الواحد يحسب حسابه ويشوف

 

[Vip qatar]

حبيبتي اوركيديا

الله يثبت حملج يارب لاتحاتين ان شاء الله خير انتي جيكي على هرمون الحمل اذا تبدل يعني الحمل سليم لاتحاتين استمري على الدفستون اخذي حبتين الصبح وحبتين فالليل يعني اربع حبات باليوم واستمري على التحاميل ترة وايد ممتازة انا في حملي هاي نزل علي دم واغلب بنات تجمعنا نزل عليهم دم واستمر حملنا الحمدلله بس انتي ارتاااااااااحي وممنوع الحركة والجماع نهائياااا خلج دوم نايمة على ظهرج وحطي مخدة رفعي رجلج فيها

ترة الدم ساعات يكون من خارج الرحم ماله خص بالبيبي واوقات يكون البيبي يثبت نفسه ترة فيه ناس يكون البيبي ميت او انه كيس حمل فاضي وسبحان الله ماينزل عليهم دم وناس حملهم سليم وينزل عليهم دم وفكري دايمن انه اي شي بيصير خيره انا اجهضت مرتين شعور صعب بس مع الوقت اكتشفت انه خيرة لي سبحان الله واشغلي وقتج بالاستغفار وسورة البقرة نصيحة انا من حملت استمريت عليهم وادعي اللي فيه خيره لج الله يسهله لج يارب

طمنينا عليج حبيبتي وان شاء الله نسمع اخبار حلوة *

 

[فديت من يشبهني]

حبيبي
لاتخافين صار لي نفسج بجري
وكان دم خارج الرحم
واستمر معاي اسبوع او اقل

يمكن وحملج غزالي .. يعني بموعد الدوره ينزل معاج دم
كل شهر نفس رفيجتي ... فهونيها انشالله تهوون

 

[روح الأحزان]

الله يثبت حملج ويقر عيونج بالبيبي ولاتحاتين كلشي خير من الله

 

[زين ودلال]

عسى ربي يثبته ان شاء الله

 

[بدوية بملامح كشميرية 86]

يلحياتي لاتحاتين

اهم شي شغلي الرقيه وحطي ايدج ع بطنج واقري وادعي

انا بحمالي بجري من اول شهر ينزل دم ل شهر تاسع

وكنت اخذ مثبتات وابر واهم شي الراحه الراحه الراحه

وعسي ربي يتمملج ع خير ياااااارب

 

[om Firas]

حبيبتي انا صار لي جذيه ببجري
واخذت مثبتات والحمدلله واستمر معاي
النزف تقريبا شهرين وصرت ماتحرك ابد
منعتني الدكتوره من الحركه والحمدلله
اردة رب العالمين فوق كل شي استمري بالدعاء
وسورة البقره وانفخي ع بطنج واستودعيه
رب العالمين الله يثبته وتفرحينوبشوفته
طمنينا عليج

 

[شنوووفه]

انشالله يارب يثبت لاتتحركيين واايد وادعي

 

[حآلية الذوق ~]

يااارب ترتفع النسبه

ويثبت حملج يااارب

ادعي ربج يثبته

وتطمنينا