حامل ومااالي خلق لاي .. شالدبره..

[ضحية زمن]

السلام عليكم
بنات انا حااامل ومااالي خلق.. بكل شي لا الاهتمام بالشقه والمطبخ.. حتى زوجي حسيت من كثر مالي خلق اني مقصره بحقه
اللي عاشت الوضع.. تقول لي شالدبره.. انا احاااااول واغصب نفسي على اي شي .. بس مالي خلق.. وكل منسدحه ظهري ذابحني
سااااعدوني

 

[عيالي ذيابه]

عادي قلبي ازمه وتعدي

 

[رمز الفخر]

نفس حالتي ااه الله يعينش ياقلبي ويسهل عليش ويثبت حملش

 

[كل دنيتي امي@]

الله يهون عليك

 

[أبكاني ذنبي]

عادي فترة النساه ماعليج تعدي على خير


والله يهون عليج

 

[ام فطوووم]

عاد اتصدقين انه بحمالي اموووت عالطباخ
وتنظيف الشقه مع اني ثقيله حدي
بس ماعرف اقعد
وماسكني عوار ظهري

ريحي نفسج بس مولدرجة الخمول لان كل ماصابج هالشي وقعدتي بالبيت ماراح تطلعين حتى تكرمين الحمام
مالج خلق ادشينه بس لا صارت لج حركه ونشاط لاتقعدين وصدقيني بتتعودين

 

[alooya]

والله انا مريت ابهال حاله من اول حمالي لى قبل اسبوعين
بس الحين الحمدالله راحت
انشالله تخف بس تدشين نص الرابع تقريباً
قولي الحمدالله انتي بين اهلج تقدرين اتييبين احد يساعدج بالشقه
بس قومي تحركي القعده تسوي كآبه و تزيد التعب

 

[ام الحلوااات]

اللــــه يــــعـــيـــنــــج بـــس تــخـــف الـــنـــســـاه يــتـــرديـــن مـــثــل قـــيـــل
اللـــه يـــثــبــت حــمــــلــــج ويــتــــمــم عـــلـــيــــج

 

[بولندية]

واااي ذكرتيني بأيام حمالتي كان كلش مالي خلق شي لا لبس ولا ميك اب ولا شي

شكلي كان خايس مادري شلون ريلي كان يجابلني وكله ابجي و اعصابي كانت على ريلي واااااي الوضع كان حدها مؤؤؤؤؤسف

و الحمدالله عقب ولادتي رديت طبيعية و احب البس و احط ميك اب و نفسيتي حلوة =)

و الله يقومج بالسلامة و تردين نفس قبل و احسن

 

[بولندية]

توني اشوف توقيعج حبيبتي يعني انتي بالشهر الثاني وييييييييييييييييه الله يعينج

حسبالي اخر الاشهر وي ما ياج الثقل و كثرة النوم

 

[صيتة الخالد]

حيااااتي والله حاسة فيج
نفس الحالة بالضبط،،
اول ماحملت وانا كله ابيت اهلي وطايحة
تالي مليت وطقت جبدي!!!
الوقت صار بطيء والاسبوع جنه شهر!!
احسن حل لهاالحالة انج تقومين وتتحركين وتردين لحياتج الطبيعيه
حاولي حاولي
والله اني ذاك اليوم كنت بشقتي لان امي طردتني من بيت اهلي اصلا >>>ههههه كنت حدي مصختها
اي وقالت ماتردين لنا الا وانتي نافضة شقتج من فوق ليييي تحت
ورحت سويت بس عشان ارد لاهلي
عقب ماخلصت ،،، والله ماودي اطلع من شقتي
طبعا اذا تعبتي لاتجهدين نفسج ريحي
يعني انا اشتغلت ومعاي الخدامة مو بروحي

 

[um haya]

الله يعينج حبيبتي بس ما عليه حاولى قدر الامكان تنسين اقري القران واستغفري ادري فتره النسا حتى ريلج تكرهينه ولاتكرهين ريحته بعد بس تحملي وامسكي نفسج عشانه وتحركي لان الكسل فعلا ييب الاكتئاب انا عن تجربه اقولج حاولى تنشغلين شي انتي تحبينه ونفس الوقت ما يتعبج وايد والله يعينج حبوبه ​

 

[ام مهاوش]

اي عادي هذا الحمل وخصوصا اول الاشهر المفروض ريلج يفهم هالشي ويعذرج

 

[Bint Derty]

وييه الحال من بعضوا
انشالله تعدين هالجم شهر ويردلج نشاطج بس هم لا تتعبين نفسج وايد يبي خدامة امج تساعدج وتفرغي حق روحج

انا جذي كنت والحين دشيت التاسع زدددت من التعب ماالي خلق شيء مالي خلق نفسي وماكو هدوم قدي كله هدومي ترقيع وتهتمل
فيني حساسيه كلساع احط كريمات وفي كريمات ريحتهم بايخه. جنه فكس
وافز بالليل ابجي وكله منفسه
واحس مالي خلق ريلي كللش كله انام بعيده عنه لان حاطه كريماتي يمي
و مالي خلق يحوشني من الحساسيه وكل ما تحركت اه واه من العوار والثقل
صج احس مقصره بحق ريلي بس الوحده مووو بيدها بهالفتره لازم الريال يتفهم الوضع والحاله النفسيه

انشالله نعوضهم ورا الولاده والله يعيننا ويسهل علينا الحمال ، كله غفرانن ذنوب انشالله

 

[Tic_Tac]

الله يعينج
فره واتعدي .. كلنا بالهوى سواا

الحمدلله على كل حال

 

[Habibat Abooha]

يوم اكون الحمدلله
ويوم لا مالي خلق لأي شي
الله يعديها ويتمم لنا باجي الشهور على خير

 

[ملاك الأمل]

الله يعينج احس الكل هيك
لكن صراحة ما اتمنى اصير هيك

 

[ten 10]

والله يا بنات حتى انا مالي خلق لدرجه هاده بيت زوجي وقاعده عند امي لاني بجر ماعندي خدامه بس والله خالتي ماقصرت من حملت واهي تطرشلي الخدامة تنظف شقتي كلها بس انا مالي خلق كلللللللللللللللللللشششششششش

 

[english muffin]

عادي وطبيعي
المفروض زوجج يكون متفهم

 

[المكسيكيه]

الله يعينج حبيبتي جنج انا بس وعندي ياهل بعد