حامل وللحين مــــــا...؟

[غفوة جروح]

السلام عليكم حبايب
اخباركم
حبيت اسالكم سوال ياهل الخبره وبدش بالسالفه عاطول
اناحامل بشهر ونص تقريبا اول مره احمل المهم من عرفت اني حامل للحين وانا خايفه يعني للحين مانمت مع ريلي ودايم اتحجج بالتعب بس حاسه بالذنب لاني تعبانه شي خفيف موذاك الزود والحين مسافر وصارله 14 يوم وحابه القى حل قبل يرد ارجوكم طمنوني اكو مشكله بتحوش الجنين ولاعادي وشكرا
ادعولي ربي يتمملي حملي لاني بموت لجل اكون ام

 

[عواشه القرقاشه]

ههههه حبيبتي ضحكتيني

لا عادي ماكو الا العافيه
من الحين لي الشهر التاسع
كلش مو صوب الجنين تطمني

الله يتمم عليج

 

[الجوهرا]

لاياقلبي ماكو الا العافيه
وهو راح يخاف عليج اكثر من نفسج
عادي خليج طبيعيه

 

[sosowaty]

اول ثلاث شهور مو زين فهميه

 

[انت مناي]

انا الدكتوره مانعتني لان يمكن يسبب اجهاض لا سمح الله

انتبهي حبيبتي مو زين وهو يمكن مايدري انه مضر انتي قولي له

وان شاء الله يتفهم ...........

 

[ضحاوي الديره]

شدعوووووووه ماعلى قلبج الا العافيه
مايضر ياقلبي بإذن الله
ماله داعي هالخوف هذا كله

 

[عنووشه]

عااااادي مافيها مضره عليج


فيها خطوره اذا لج سابقه مع اجهاضات لا سمح الله


بس اذا ماعندج اجهاض قبل هالحمل مااالج شر

 

[ٱستۆطنت خٱفقهْ]

^^


مثل كلام الخوات اذا ماسبق الاجهاض عادي بس يكون خفيف


وبعدين روحي الدكتورة وتطمني على نفسسج والبيبي

وسأليهاا

انا بحمالي منعتني لان كان معاي نزيف


=)

 

[MissAppleQ8]

عادي

 

[ghadeeeer]

حبيبتي إذا ما سبق لج إجهاضات لا قدر الله من قبل عادي
وإذا ما ينزل عليج دم أو إفرازات بنية عادي
وإذا وضع المشيمة تمام عادي
بس حاولي بدون عنف وضغط بقوة ولا البيبي مثل ماقالوا البنات كل شي بعيد عنه وماراح يشوف شي ههههههههههه
ربي يتمم لج حمالج على خير

 

[آنـوش ••||]

مثل كلام خواتي

 

[tbola]

الله يتمم عليج يااربي

 

[كل دنيتي امي@]

الله يثبت حملك

ويرزقك الطفل السليم المعافا البار فيك وبوالده

 

[english muffin]

انا اول 3 اشهر وقفنا
و رابع شهر صادني التهاب الدكتورة منعته عني
وشهر السابع صادني بقع دم والدكتورة منعتنا شهر

 

[غفوة جروح]

مشكورين حبايبي نورتو الصفحه وطمنتوني شوي

 

[خفت أحبك وحبيتك]

لو منه ضرر جان الله حرم هالشي وقت الحمل

 

[احلامي غير]

ياقلبي اذا مافيه اجهاضات ولامعك دم عادي اتكلي على الله عزوجل

 

[American.Life]

الله يقومج بالسلامة وانشالله مافيه ضرر

 

[حنووونه25]

مافي ضرر انشالله اشدعوا خايفه ترى هالشيً طبيعي
على قولة امي الياهل مو ملزوق تكرمون ابتفال الله يحميه بعد سوالف الحريم
اذا مافيج شي وحملج ذبيعي ولا في دم واجهاض سابق توكلي على الله
بالتوفيج

 

[Tame]

عاااااااااااااادي انا من اول ماحملت لي ولدت وانا ماوقفت واسافر بعد بس اختاري الوضع اللي يريحني لان كل مايطبر البطن يصير تعب
بس اذا ماعندج مشكله بالحمل او مانعتج الدكتوره عادي